YEHEZKIEL 26:15 - WUKE SUSI WATTI'U AL᷊AL᷊USASSA

¹⁵ Mawu Apan Atanggaṛṛanne nabbisara su soa Tirus, “Tumana'u leta'u salleanna sarun mangindon atata'utta napawe maaringikka hahuressan awawadonu wuṛṛu aintul᷊i manga taumata apan tantal᷊anna laṛṛatanna.

YEHEZKIEL 26:15 Iomraidhean Croise

YESAYA 2:19

Sutempo Mawu dumarisikka wuṛṛu mangio'u runia, taumata sarun sumutta sulal᷊ummu manga liangnga su manga wuiddu watu ara'e ma'al᷊i loṛṛangnga sulal᷊ummu leta'a tadea'u mal᷊iudda wuassu asasa'un Mawu wuṛṛu wuassu taṛṛino-Ne apan mawantuga. Amungkangngu allo udde nia'omante, manga pasasubba paal᷊uanna sal᷊a'a wuṛṛu wul᷊awanna apan nilanginni mangitou wuṛṛu sassubbanna, udde sarun itantangnga aroddi su wal᷊awo wuṛṛu pani'i.

YESAYA 41:5

Tumana'u manga wanua marau ma'asilo sarangkanambone apan buatte niola-U. I mangitou niṛṛumindu'a wuṛṛu mangngindon atata'utta, see na'ammulla su sambau wuṛṛu nirumanta.

YEREMIA 49:21

Napawe Edom nanawo, sarun aringiṛṛanna hio apan aroddi ahewalle na'oman sara ahewallu runia niumio'a; manga aintul᷊in tumanangnge sarun aringiṛṛanna sara Tahal᷊oangngu Wungkal᷊o.

YEHEZKIEL 26:10

Manga awal᷊o mangitou aroddi anambone, na'oman sara lempangne naaola'a awu pasi talla'a apan uaoossa si'o. Tingikka maddallu'a wuassu tantara uasa'e awal᷊o apan uawol᷊engnga keretan bal᷊unna wuṛṛu keretan pangalo sarun mapangio'u manga darandungngu sutempo i mangitou umamattu manga ngara pasallangannu soa apan naola'e manga tuidda udde.

YEHEZKIEL 26:18

Orassa indi, sutempo i'o niawaddo, tumana'u manga taṛṛanusa mangngindo. Niṛṛumindu'e i mangitou sarangkanambone naasilo araṛṛimunsa'a apan tawe iaṛṛangngo.”

YEHEZKIEL 26:21

I'o Ta'u olaanna tul᷊adda apan ma'ata'utta, wuṛṛu eteudde panginsueannu pabbiaṛṛannu. Manga taumata sarun maddea'a si'o, arawe i'o tate asombanganna. I Ya'u Mawu Apan Atanggaṛṛanne buatte nabbisara.”

YEHEZKIEL 27:28

Manga matatahal᷊oangngu mangngintul᷊i mata'utta aintul᷊ine ia'aringikka su manga apannu tahal᷊oangnga.

YEHEZKIEL 27:35

Anambon taumata apan uatana'a su apanne nata'utta naaringikka ola'u wiakku. Manga ratu mangitou lai lembon matta'utta; atata'utta aasiloanna su manga hati mangitou.

YEHEZKIEL 31:16

Sutempo aaluanna udde Ta'u niapasossokka su runian taumata nate, tingikku aemangnge sarun mangio'u manga walahanna. Anambon aaluanna su Eden wuṛṛu manga aaluanna apan nipile su Libanon apan naasomba ua'e manambo-nambo, wuṛṛu apan sinumossokke su runia al᷊iuwowane sarun lumuassa ringannu aema'u aaluanna udde.

YEHEZKIEL 32:10

Atonna, i Ya'u sarun mallimben hal᷊ele-U wuṛṛu mamaddonu. Sutempo udde i mangitou sarun mangngindon atata'utta wuṛṛu mangngiladda ana waugu matta'utta mate.’ ”