YEHEZKIEL 25:7 - WUKE SUSI WATTI'U AL᷊AL᷊USASSA

⁷ Ana waugu udde i yamiu sarun Ta'u itantilla su manambo walahanna apan sarun mangaṛṛo wuṛṛu maṛṛampassa anambon darotongngu. I yamiu sarun Ta'u pateanna aroddi olangnge, ma'oman sara tate maola'a sambau walahanna wuṛṛu tate lai uatahuanna wanua sassane. Ne i yamiu masingkatte manunku ete i Ya'u Mawu.”

YEHEZKIEL 25:7 Iomraidhean Croise

YESAYA 33:4

Naal᷊ihidda ammul᷊annu taṛṛangassa taumata mammangalo wuṛṛu makkampassa darotongngi mangitou.

YEREMIA 49:2

Arawe sarun a'omanna tempone i Ya'u ma'ola'a tumana'u Raba, inangngu soa Amon udde, maaringikka hahuressan pangalo. Soa udde maola'a winal᷊alanna wuṛṛu manga soa maranine masoṛṛobba abbi. Wua'udde Israel sarun mangul᷊e apia letangnge wuassu manga taumata apan dorone nangaṛṛo.

LAL᷊ALLU 1:14

I Tou nanganu anambon rosa'u, wua'udde niwa'issa nabbal᷊i sambau, ana see nipul᷊issa su ullekka'u, na'oman sara awakkanne naal᷊ome si ya'u. Mawu nananti'u su seetta; i ya'u tawe ikkatta lumawangnga si mangitou udde.

YEHEZKIEL 14:9

Amungkangngu sangkatou nabi buatte niwahianna na'oman sara mangonggollu sasimbakka nassal᷊a, ete i Ya'u apan namahia si tou. I Ya'u Mawu Apan Atanggaṛṛanne sarun mallimbuakka si tou wuassu manga taumatan Israel.

YEHEZKIEL 21:31

I Ya'u sarun mapassabbangu asasa'u-U apan lukkenggamma si yamiu. Wuṛṛu i yamiu sarun Ta'u itantilla su manga taumata apan maṛṛagissa wuṛṛu nal᷊atite mammate.

YEHEZKIEL 21:32

I yamiu sarun masue iepoddu putungnga. Daṛṛanu sarun mangelekka su wanuanu sassane, wuṛṛu tawe saran sangkatou lai apan ta'e maanaungnga si'o. I Ya'u Mawu buatte nabbisara.’ ”

YEHEZKIEL 25:10

I Ya'u sarun mamala manga ṛuangannu walahanna wuassu wadda'u ra'i mamaddo Moab suadio'a ringannu wanua Amon, na'oman sara Moab tate maola'a sambau walahanna.

YEHEZKIEL 25:13

Ana waugu udde i Ya'u mangal᷊iata manungku i Ya'u sarun makkuumannu Edom wuṛṛu mamate suapan taumata wuṛṛu suapan binatangnga poiaroddi. Ahewallu wanua udde, wuassu soa Teman maddatingngu soan Dedan, Ta'u olaanna mal᷊annabba; tumanangnge sarun mate sulal᷊ummu pangalo.

YEHEZKIEL 25:16

Ana waugu udde i Ya'u sarun mamangalo manga taumatan Filistin wuṛṛu mamate si mangitou. Suapan taumata lambene su wageangngu leta'u salleannu Filistin sarun Ta'u pateanna.

YEHEZKIEL 26:5

Manga samakka sarun mamatin soma mangitou su wowon batu udde. I Ya'u Mawu Apan Atanggaṛṛanne buatte nabbisara. Tirus sarun maola'a inassu anambon balahanna.

YEHEZKIEL 35:3

Wal᷊oa'e su tumanangne apa apan i Ya'u Mawu Apan Atanggaṛṛanne nabbisara si mangitou, ‘I Ya'u indi seennu, e tumana'u penenteannu Edom! Letangngu sarun Ta'u olanna mal᷊annabba tawe lal᷊oṛṛone, wuṛṛu manga soanu sarun mabbal᷊i winalal᷊anna. Ne i yamiu masingkatte manungku ete i Ya'u Mawu.

YEHEZKIEL 6:14

Ore, i Ya'u sarun mamaten lima-U wuṛṛu makkimunsa'a wanua mangitou, ma'oman sara maola'a mal᷊annaba, manattakka wuassu Wadda'u Timukka maddatingngu soa Ribla su sawannakka. Wuassu manga tampa apan wawanuannu taumatan Israel, taweddu saran sambau apan iapaasal᷊amatta. Ne anambon taumata masingkatte manungku ete i Ya'u Mawu.”

ZEFANYA 1:4

I Ya'u sarun makkuumannu tumana'u Yerusalem wuṛṛu ahewallu Yehuda. Manga lamben pasasubbanna si Baal sarun Ta'u iapawul᷊i wuassu manga tampa udde. Manga iman apan mangngimbe si Baal sarun timbul᷊iananna atonna-tonna.