YEHEZKIEL 25:6 - WUKE SUSI WATTI'U AL᷊AL᷊USASSA

⁶ Mawu Apan Atanggaṛṛanne nabbisara, “i yamiu mattal᷊o'appa lapiddu massal᷊aingnga lulluassa. I yamiu mangngadio'a leta'u Israel.

YEHEZKIEL 25:6 Iomraidhean Croise

AYUB 27:23

Ananawone nisal᷊ohoannu taumata ringannu tatal᷊o'appa; suapan tampa i tou naasomba aal᷊uandaga.”

AYUB 34:37

Pasasal᷊ane lai tambannu sambau rosa; wuṛṛu mangngaddio'a Ruata su saruanni ite.

AMSAL 24:17

Ariewe lumuassa amungkangngu seennu masilaka, wuṛṛu arie lumala'a amungkangngu i tou manawo.

YEREMIA 48:27

Wal᷊inewe dorone taumatan Israel buatte nilaggen taumata Moab wuṛṛu ipaggahatto ereola'u i mangitou niasametta suadio'a ringannu manga taṛṛa ta'o?

LAL᷊ALLU 1:7

Napawe nanawote wuṛṛu nasansarate, Yerusalem nanaungnga tempo nanangkal᷊iu, sutempo i tou ta'e manambo darotongnga; ereapa tumanangnge nanawo su liman seetta, wuṛṛu tawe saran sangkatou nirumanta massumbala. Manga ro'amme tumba'u lullage maasilo ananawone.

LAL᷊ALLU 2:15

Anambon taumata apan sinumabbi, mangngal᷊uandaga si'o, ana waugu i'o naṛṛimunsa'e abbi. I mangitou uapapa'ilingnga wuṛṛu nabbisara, “Eteudde apan aṛṛansanganne, soa apan raddaloannu runia?”

YEHEZKIEL 25:15

Mawu Apan Atanggaṛṛanne nabbisara, “Manga taumatan Filistin buatte nabbal᷊issa al᷊al᷊eo naungnga ringannu maṛṛagissa su saruannu seetti mangitou apan mal᷊annute wuṛṛu namate si mangitou ringannu napenen araratinna.

YEHEZKIEL 25:3

Doloṛṛa'e walahanna udde maddaringikka apa apan i Ya'u, Mawu Apan Atanggaṛṛanne mabbisara si mangitou, ‘I yamiu mal᷊uassa ma'ellega Wal᷊e-U nilal᷊eo wuṛṛu leta'u Israel nohohakka see walahannu Yahudi niṛṛootta watukku pamamuanganna.

YEHEZKIEL 35:15

ere lai i yamiu mal᷊uassa sutempo maasilo Israel passa'a-U, nabbal᷊i mal᷊annabba. Manga wowon Seir, ewe'e lai ahewallu leta'u Edom sarun mabbal᷊i mal᷊annabba. Ne anambon taumata sarun maasingkatta manungku ete i Ya'u Mawu.’ ”

YEHEZKIEL 6:11

Mawu Apan Atanggaṛṛanne nabbisara, “Asusate! Lallal᷊ote! Lalluaite ringannu asasusa ana waugu al᷊awo'u al᷊al᷊eo wuṛṛu ararantinna apan buatte niola'u walahannu Israel. I mangitou sarun mate su pangalo, al᷊aṛṛutumma wuṛṛu ṛiwutta.

OBAJA 1:12

Tawe su lal᷊anne i'o lumuassu asasusan Yehuda wuṛṛu lumala'a su allo tuṛṛangngu udde nate. Tawe su ṛinone i'o mattal᷊imoṛṛonganna sutempo i tou massussa.

NAHUM 3:19

Hal᷊isanu sarun tawe aundamanna, wuṛṛu manga lessanu tawe mapia. Anambon taumata apan naaringikka watti'u araṛṛimunsangu sarun mattal᷊o'appa lulluassa. Ana waugu anambon taumata buatte natataṛṛangnga susa ana waugu al᷊al᷊eonu apan tawe panguddusanne udde.

ZEFANYA 2:10

Etearoddi tumana'u Moab wuṛṛu Amon sarun iṛṛuumanna ana waugu awawunga wuṛṛu atatanggakki mangitou, wuṛṛu lai i mangitou buatte nallobbossa umattu Mawu Apan Lembontaṛṛino.

ZEFANYA 2:15

Ete udde apan sarun mariaddi su soa apan lullala'a udde wuṛṛu massunna watanganne mal᷊angnganne su runia. Al᷊annabbawe eteapa wageangngu leta'a udde, taweddu uatana'a tumba'u manga winatangngu ahuranganna apan massal᷊akka isudde! Suapan taumata apan sumabbi su soa udde sarun ṛuminddu'a wuṛṛu maapendamma atata'utta.

ZEFANYA 2:8

Mawu Apan Lembontaṛṛino nabbisara, “I Ya'u buatte naaringikka manga wlahannu Moab wuṛṛu Amon mallobbossa wuṛṛu mangngal᷊uandaga uma-U. I mangitou mattal᷊imoṛṛongana naudde manganu leta'u uma-U.