YEHEZKIEL 24:23 - WUKE SUSI WATTI'U AL᷊AL᷊USASSA

²³ I yamiu sarun tawe umamatta ringannu tawe tatindungu pua ara'e apampakku ledda, tawe lumallu ara'e lumuai. I yamiu sarun lembon maṛṛasa ana waugu manga rosanu; i yamiu sarun sumal᷊iomanna sangkatou ringannu waine.

YEHEZKIEL 24:23 Iomraidhean Croise

2 SAMUEL 15:30

Wua'udde i Daud nalluatta sapatune. I tou suadio'a ringannu mallal᷊aṛenggenne sinumaate Wuiddu Zaitun lapiddu lulluai ringannu pua paporonganna tatialan massusa.

AYUB 27:15

Ana'u tuṛṛangnge apan ta'e wiakka, mate ana waugu saiddalu, wuṛṛu wawine wal᷊u sarun tawe lumuain mangitou.

DARALO 107:17

Piaddu longonna wuṛṛu uatataṛṛangnga ana waugu manga rosan mangitou, wuṛṛu nisansaranna ana waugu pasasal᷊an mangitou.

DARALO 78:64

Manga imammi mangitou nipaten hal᷊ele, manga inawal᷊uanni mangitou tawe maal᷊uai.

YESAYA 20:2

Tatallu su tonnane wua'udde, Mawu nandolokki Yesaya ana'i Amos nalluatta sapatune wuṛṛu nasa karongnga apan nilluṛṛene. I tou tinumuṛṛutta wuṛṛu niumamatta tantol᷊e wuṛṛu tawe sapatune.

YESAYA 59:11

I yami su atata'utta wuṛṛu su asasusa; i yami maddea'a atatul᷊idda, arawe tawe baddi'a; i yami mangngantimma asasal᷊amatta, arawe tawe gunane.

YEREMIA 13:18

Mawu nabbisara si ya'u, “Doloṛṛa'a ratu wuṛṛu wo'i lumintukka wuassu adderan araratuanna, ana waugu makotane apan maṛṛansanga nanawite wuassu puane.

LAL᷊ALLU 4:9

I mangitou nasansara wuṛṛu nate u'onggamma, ana waugu atonna-tonna tawe anna; iapa nate su papangaloanna, ma'untunganna wuassu nate namal᷊unusanna.

YEHEZKIEL 24:22

Ana see i yami ma'ola'a ere apa apan ta'u niola'a orassa indi. I yamiu sarun tawe manaappa hatinu ara'e umanna rotin lal᷊al᷊o.

YEHEZKIEL 33:10

Mawu nabbisara si ya'u, “Ei taumata apan mattate, sul᷊ea'a su taumatan Israel wisaram mangitou indi, ‘I yami maṛṛasa ana waugu uapasanna rosa wuṛṛu al᷊al᷊eong kami. Ereapa i yami wotongne mabbiakka?’

YEHEZKIEL 4:17

I mangitou sarun masusa ana waugu asueannu roti wuṛṛu ua'e, wuṛṛu panginsueanne i mangitou mate ana waugu manga rosa mangitou.”

YEHEZKIEL 44:18

Tadea'u tawe masal᷊ihangnga wuṛṛu liahanna, i mangitou ṛinone malluṛṛen sal᷊ana linen ringannu tawe papeṛṛetta, wuṛṛu paporongnga wuassu linen.

IMAMATTA 26:16

i yamiu sarun Ta'u iṛṛuumanna. I Ya'u sarun mandantan asasilaka si yamiu, radda'a wuṛṛu sal᷊iubba apan tawe ia'undamma, ma'oman sara matanu mabbal᷊i wuta wuṛṛu i yamiu mabbiakka sansara. I yamiu sarun mabbailla arawe tawe maal᷊ewa hessine, ana waugu manga seennu sarun dumanta mamaddon kamiu wuṛṛu manginsue sinuanannu.

IMAMATTA 26:39

Sambageanganna addio'a wuassi yamiu apan ta'e wiakka su wanuan seennu sarun masusa ana waugu rosan sassane wuṛṛu rosan al᷊amonanu.