YEHEZKIEL 24:14 - WUKE SUSI WATTI'U AL᷊AL᷊USASSA

¹⁴ I Ya'u, Mawu Apan Atanggaṛṛanne buatte nabbisara. Nia'omante tempone si Ya'u mammanara. I Ya'u sarun tawe maabul᷊in paddarosanu wuṛṛu tawe lai mangampungnga ara'e umakkannu. I'o sarun iṛṛuumanna uasul᷊ungngu al᷊awo'u inolaannu. I Ya'u Mawu Apan Atanggaṛṛanne buatte nabbisara.”

YEHEZKIEL 24:14 Iomraidhean Croise

AYUB 27:22

I tou niaṛṛiaanne ringannu tawe aakkanne, wuṛṛu naal᷊are tinumal᷊angnga naddea'a pattilummanna.

DARALO 33:9

Ana waugu i Tou nakkengetta, ana see sarangkanambone nariaddi; i Tou nanita, ana see sarangkanambone piate.

YESAYA 3:11

Arawe nasilakate taumata lal᷊eo! I mangitou sarun olaanna ere lai i mangitou buatte na'ola'a taumata waine.

YESAYA 55:11

Aroddi lai wisara apan niwisara-U tawe mabbelengnga ringang-Ku ringannu tawe gunane, arawe mahessi maola'a apa apan ipa'apulu-U, wuṛṛu manuungngu al᷊awo'u pandumang-Ku.

YEREMIA 13:14

Wua'udde i mangitou Ta'u ipatatenggoka sambau ringannu waine. Timmadde dario'a sarun Ta'u olaanne aroddi ringannu tawe ampungnge. I mangitou sarun Ta'u pateanna ringannu tawe apendamma u'akkanna ara'e tuttal᷊antuppa. I Ya'u, Mawu, buatte nabbisara.”

YEREMIA 23:20

Asasa'u-Ne tawe umompo'a tantal᷊anna sarangkanambone apan niṛṛiinne taambe niola'a. Su allo addantane umattu Mawu sarun maasunna olangnge udde ringannu matualaga.”

YEREMIA 4:18

Yehuda, ete i'o sassane apan nandantan asasilaka udde su watangannu. Ola'u pabbiaṛṛannu wuṛṛu manga inolaannu naawawa anambon asasusa udde mangngusu'a naungngu.

YEHEZKIEL 16:43

I Ya'u nakkuumannu ana waugu i'o tawe mannaungnga ereapa i Ya'u namaddul᷊i si'o sutempo i'o ta'e addio'a. I'o na'ola'a si Ya'u nasa'u ringannu al᷊awo'u inolaanna apan dal᷊eo udde. Anio al᷊awo'u inolaannu apan maarantinna udde ta'e lai tattambannu ringannu sussandaga? I Ya'u Mawu Apan Atanggaṛṛanne buatte nabbisara.”

YEHEZKIEL 17:24

Al᷊awo'u alu su wanua sarun maasunna manungku ete i Ya'u Mawu. Alu apan al᷊angkasanne Ta'u tuwanganna; alu apan mawawo Ta'u iapatuwo matanggakka. Alu apan mapia ta'u iapaaṛṛagassa; wuṛṛu alu apan naṛṛangu Ta'u onggol᷊annu lal᷊uwo wuṛṛu bungane. I Ya'u, Mawu, buatte nabbisara, al᷊awo'u wisara-U sarun matipussa.”

YEHEZKIEL 18:30

Mawu Apan Atanggaṛṛanne nabbisara, “Ei manga taumatan Israel, i Ya'u sarun makkuungngu suapan taumata uasul᷊ungngu inolaanne. Awal᷊ute wuassu manga rosanu. Arie pabbala'a rosanu makkimunsa'a watangannu.

YEHEZKIEL 22:31

Ana waugu udde orassa indi Ta'u iapassabangnga asasa'u-Ku su saruanni mangitou, wuṛṛu naal᷊ihidda putungnga i Ya'u sarun mamate si mangitou ana waugu al᷊awo'u inolaanni mangitou. I Ya'u Mawu Apan Atanggaṛṛanne buatte nabbisara.”

YEHEZKIEL 23:24

I mangitou sarun mamangalo si'o wuassu sawannakka ringannu tantara apan bahewalla, ringannu manga keretan pangalo wuṛṛu manga kereta uaapiddu wal᷊unna. Ringannu lal᷊indumannu allungnga wuṛṛu manga araposa waja, i mangitou sarun mamangalo si'o. Sarun Ta'u iwala i mangitou makkuungngu tumuṛṛuttu manga tita mangitou sassane.

YEHEZKIEL 23:29

Ana waugu i mangitou maddantinnu, al᷊awo'u inasaharannu sarun aṛṛoanni mangitou. I'o sarun itantangnga tantol᷊e wal᷊atta ere sangkatou sumasandaga wuṛṛu maola'a wabbialannu awada'alla. Apulum baddangngu wuṛṛu sasandagu

YEHEZKIEL 24:15

Mawu nabbisara si ya'u,

YEHEZKIEL 30:9

Napawe allo udde nia'omante, wuṛṛu Mesir naṛṛimunsa'e, i Ya'u sarun mandolokku manga daroloṛṛanna ringannu manga apalla ipamaṛṛindu'a manga taumatan Sudan apan tawe antage udde, ne i mangitou sarun mata'utta. Atonna, allo udde sarun dumanta!”

YEHEZKIEL 36:19

I mangitou Ta'u niṛṛuumanna uasul᷊ungngu ringannu ola'u pabbiaṛṛanna wuṛṛu ala'uanni mangitou, ana see i mangitou Ta'u nisal᷊iawukka watukku manga wanua waine.

YEHEZKIEL 5:11

I Ya'u uddewe Ruata apan biakka, Mawu Apan Atanggaṛṛanne, wuṛṛu indiwe wisara-U: Ana waugu i'o buatte nandal᷊eo Wal᷊e-U ringannu al᷊awo'u inolaannu apan dal᷊eo wuṛṛu maarantinna, i Ya'u sarun makkimunsa'a si'o ringannu tawe ampunge.

YEHEZKIEL 7:3

Mawu nabbisara, “Ei Israel, orassa indi nia'omante pangudusannu. I'o sarun maapendamma asasa'u-U. I'o Ta'u iṛṛuumanna uasul᷊ungngu inolaannu apan dal᷊eo.

YEHEZKIEL 7:4

I Ya'u tawe umakkannu ara'e mangonggollu ampungnga si'o. I Ya'u sarun makkuumannu uasul᷊ungngu al᷊awo'u inolaanna maasili apan buatte niolangngu. Ne i'o masingkatte manungku ete i I Ya'u Mawu.”

YEHEZKIEL 7:8

Tate mal᷊annu lai i yamiu sarun mamendamma asasa'u-U apan bahewalla. I yamiu Ta'u iṛṛuumanna uasul᷊ungngu inolaannu. Sarun Ta'u wal᷊isanna si'o al᷊awo'u inolaannu apan maarantinna.

YEHEZKIEL 7:9

I Ya'u tawe umakkanna ara'e mangonggollu ampungnga si'o. I Ya'u sarun makkuumanni yamiu uasul᷊ungngu al᷊awo'u al᷊al᷊eo apan buatte niola'i yamiu. Ne i yamiu masingkatte manungku ete i Ya'u Mawu wuṛṛu ete i Ya'u apan makkuumanni yamiu.”

YEHEZKIEL 8:18

I mangitou sarun mattemma asasa'u-U apan bahewalla! I Ya'u tawe mangonggollu ampunge si mangitou. Salaiwe i mangitou mangintul᷊in aal᷊iomanna si Ya'u ringannu ma'ikka-ikkatta, i Ya'u maddiri maddaringikka!”

YEHEZKIEL 9:10

I ya'u tate umakkanni mangitou. Sarun Ta'u olaanna si mangitou apa apan niola'i mangitou su taumata waine.”

ZAKARIA 8:14

Mawu Apan Lembontaṛṛino nabbisara, “Sutempo iupungngu al᷊amonanu naaola'a a si Ya'u nasa'u, i Ya'u nakkawessa tadea'u makkuumanni mangitou ringannu maṛṛagissa. I Ya'u sarun tawe mamal᷊u putusang-Ku udde, ewe'e mangke mapaamatta.

REENGANNA 11:23

Mawu sinumimbakka, “Apa taṛṛino-U pia patta'al᷊anne? I'o sarun mal᷊ihakka maasilo sarangkanambone apan Ta'u niwisara udde atonna mariaddi ara'e tawe!”

REENGANNA 23:19

Ruata tawe ere taumata apan hampa sumassilla wuṛṛu apulune mangngawusu. Amungkangngu Ruata maddiandi i Tou sarun mangatonna! Napawe i Tou mabbisara, udde sarun matipussa!

MATIUS 16:27

Tate mal᷊annu lai Ana'u Taumata, su sampunna ringannu manga mala'ekanNe, sarun dumanta ringannu taṛṛinon IamangNge. Su tempo udde i Tou sarun mabbal᷊issa manga taumata tumuṛṛuttu inolaannu sangkatou-sangkatou.

MATIUS 24:35

Langitta wuṛṛu runia sarun mawul᷊i, arawe wisara-U ma'oman sara mal᷊annu-l᷊annu.”

1 SAMUEL 15:29

Apan Awantuhanne Ruatan Israel tawe mamahia, wuṛṛu tawe mawal᷊u naung-Nge, ana waugu i Tou wal᷊ine taumata.”