YEHEZKIEL 23:35 - WUKE SUSI WATTI'U AL᷊AL᷊USASSA

³⁵ Mawu Apan Atanggaṛṛanne nabbisara, “Ana waugu i'o na'abbul᷊ite si Ya'u wuṛṛu tinumal᷊iudda si Ya'u, i'o sarun matataṛṛangnga pangillul᷊eannu apulun badangngu wuṛṛu sasandagu.”

YEHEZKIEL 23:35 Iomraidhean Croise

1 MARARATU 14:9

Arawe i'o ma'ola'a al᷊al᷊eo apan maggewal᷊anna wuassi mangitou apan namarenta dorone wuassi'o. I'o nanantang-Ku wuṛṛu nandantan asasa'u-U ringannu na'ola'a pasasubbanna wuṛṛu manga paal᷊uanna wuassu atta'a tadea'u subbanna.

NEHEMIA 9:26

Arawe uman-Nu nilumawangnga wuṛṛu tate tumuṛṛutta Si'o, tawe maddaringikka tita wuṛṛu atoran-Nu, namate manga nabi apan napaanaungngi mangitou, wuṛṛu apan nadolokki mangitou mabbelengnga ringan-Nu, Ruatane. Oh Mawu, masokka lai I'o lallobbosanni mangitou,

AMSAL 30:9

Ana waugu, amungkangngu i ya'u ala, asinungka i ya'u sarun mabbisara manungku i ya'u tate mappandumma si'o. Wuṛṛu napawe i ya'u asiangnga, asinungka i ya'u sarun manna'o ma'oman sara mandal᷊eote aran-Nu.”

YESAYA 17:10

Israel, i'o naabul᷊iten Duata apan nanal᷊amatta wuṛṛu mallu'adda si'o, naal᷊ihidda wowone watu apan matohassa. Mawal᷊i'a, i'o buatte nassuanna manga wailla hunan manga monganna.

YEREMIA 13:25

Uddewe ola'u pabbiaṛṛannu apan buatte Ta'u nitantunna ana waugu i yamiu naabul᷊i-U, wuṛṛu nangimante su manga mawu awusu.

YEREMIA 2:27

I yamiu sarun pansilianna, ana waugu alu sampaddi waggoanni i yamiu iamangnga wuṛṛu watu sambau waggoanni yamiu inangnga. I yamiu wal᷊inewe rumanta ringang-Ku, ewe'e nanantang-Ku. Arawe napawe nirumanta asasusa, ete i Ya'u apan waggoanni yamiu tadea'u rumanta manal᷊amatta si yamiu.

YEREMIA 2:32

Apa pia maṛṛuala apan maabul᷊in lal᷊ogakke, ara'e ma'aawingnga wawine apan maabul᷊in laubbu awinge? Arawe i yamiu mal᷊annute atonna na'abul᷊i-U – ro'en sutempo apan tawe iareengnga al᷊annune.

YEREMIA 2:7

Watukku wanua apan masuwukka i Ya'u nanguntuddi mangitou tadea'u maatemma manga hessine wuṛṛu al᷊awo'a apan mapia poiaroddi. Arawe isudde leta-U nilal᷊eo mangitou wuṛṛu pussa'a-U niola'i mangitou maarantinna.

YEREMIA 23:27

I mangitou maṛṛingidda manungku ringannu manga wal᷊iawa apan iwabbatti'i mangitou udde, uma-U wotongnge maabul᷊i-U ere lai al᷊amona mangitou naabul᷊i-U wuṛṛu nassubba si Baal.

YEREMIA 3:21

Roso su manga puiddu wowone niaringikka tingikku hio; udde tingikku walahannu Israel apan lulluai wuṛṛu mangke sussal᷊ande, ana waugu i mangitou narosate, wuṛṛu naabul᷊ite Mawu Ruata mangitou.

YEREMIA 32:33

I mangitou buatte nanantang-Ku salaiwe I Ya'u sidutu mangngenggenna si mangitou, i mangitou maddiri maddaringikka wuṛṛu mangimanna.

YEHEZKIEL 22:12

Piaddu lai apan naola'a mamamate wabbaeṛṛanna, taṛṛal᷊inga wuṛṛu taṛṛa woddo manga taumata sambalahanne. I mangitou sarangkanambone na'abul᷊i-U te. I Ya'u Mawu Apan Atanggaṛṛanne buatte nabbisara.

YEHEZKIEL 44:10

Mawu nabbisara si ya'u, “I Ya'u sarun makkuumannu manga taumatan Lewi apan suadio'a ringannu manga taumatan Israel waine, apan buatte nanantang-Ku wuṛṛu massubba paal᷊uanna.

YEHEZKIEL 7:4

I Ya'u tawe umakkannu ara'e mangonggollu ampungnga si'o. I Ya'u sarun makkuumannu uasul᷊ungngu al᷊awo'u inolaanna maasili apan buatte niolangngu. Ne i'o masingkatte manungku ete i I Ya'u Mawu.”

HOSEA 13:6

Arawe napawe i yamiu uatane'e su wanua apan mapia, wuṛṛu i yamiu nal᷊aidda see naapendamma mal᷊uassa, i yamiu nabbal᷊i mawunga see naabuli-U.

HOSEA 8:14

Taumatan Israel mapararisikku manga wal᷊en araratuanna, arawe i mangitou naabul᷊in Mandariaddi si mangitou. Taumatan Yehuda nanamba manga soa pia tanda batune, arawe i Ya'u sarun manossokku putungnga ipanoṛṛobba manga wal᷊en araratuanna wuṛṛu manga soan mangitou sara masue.”

IMAMATTA 24:15

Wua'udde al᷊iata'e indi su walahannu Israel; Isa-sai apan mamontoga Ruata ṛinone mamasanna pangillul᷊eanne

REENGANNA 14:33

Appatu pul᷊o su tonnane al᷊annune al᷊aṛṛanangngu sarun lumallele su wadda'a. Ana waugu i yamiu mal᷊awangnga, al᷊aṛṛanangngu udde sarun matataṛṛangnga, ma'oman sara taumata panginsueanne su wallati yamiu lai nate.

REENGANNA 14:34

I yamiu sarun mamasanna manga rosanu, appatu pul᷊o su tonnane al᷊annune; santonna ireengnga allo massallo wuassu appatu pul᷊o su allone apan ipappaatti yamiu ipamarikissa leta'a udde. I yamiu sarun maasingkatta erapa olangnge amungkangngu i Ya'u lumawangnga si yamiu!

REENGANNA 18:22

Manga taumatan Israel wal᷊ine, imbaṛṛangnga mangundanin Dasanna udde tadea i mangitou tawe mandantani dosa wuṛṛu ṛuumanna pateanna su watanganni mangitou.

ROMA 1:28

Ana waugu taumata maddirite lai ma'illal᷊a Ruata, ne Ruata namalaten ṛingiddi mangitou malal᷊eo, na'oman sara i mangitou ma'ola'a manga inolaanna apan ṛinone tawe wotongnge olaanna.