YEHEZKIEL 22:7 - WUKE SUSI WATTI'U AL᷊AL᷊USASSA

⁷ Tawe saran sangkatou wuassu tumanangngu mangaddata hagurangnge. I'o mammahia taumata raho wuṛṛu manganu untungnge wuassu asasusan bawine wal᷊u wuṛṛu asisi timpal᷊ussa.

YEHEZKIEL 22:7 Iomraidhean Croise

DARALO 94:5

I mangitou mangngallanga al᷊aṛṛanang-Ngu, oh Mawu, wuṛṛu namate manga taumata nipile-Nu.

DARALO 94:6

I mangitou mammate wawine wal᷊u wuṛṛu asisin timpal᷊ussa wuṛṛu taumata raho apan uatana'a su wanua indi.

SASABANGNGA 20:12

Pangaddata iamangngu wuṛṛu inangngu, tadea'u i yamiu mabbiaka su lal᷊umanna'a wuṛṛu mabbiakka malannu su wanua apan sarun Ta'u ionggolla si yamiu.

SASABANGNGA 21:17

Isai apan mammontoga iamangnge ara'e inangnge, ṛinone iṛṛuumanna pateanna.

SASABANGNGA 23:9

Imbaṛṛangnga mandal᷊eo taumata raho ringannu walate apulunu; i yamiu masingkatta ereapa pendamanna maola'a taumata raho, ana waugu dorone i yamiu lai taumata raho su Mesir.”

AMSAL 20:20

Taumata apan mammontoga hagurangnge, wiakke sarun mawul᷊i naal᷊ihidda sol᷊o nappaddumma su ṛabbi wasa.

AMSAL 30:11

Pia taumata apan massalun iamangnge wuṛṛu tawe mangareggan inangngene.

AMSAL 30:17

Taumata apan mangngal᷊uandaga iamangnge ara'e inangngene apan timmadete, ṛinone iramme su liudde tadea'u matane tembonannu manu'a gagak wuṛṛu winal᷊unanne inasannu manu'a a'a.

YESAYA 1:17

pangurumpe ma'ola'a apapia. Pararisiṛṛa'e atatul᷊idda wuṛṛu illol᷊oa'e pangangallangnga; onggol᷊a'e su asisin timpal᷊ussa hakki mangitou samba'a ite hatton manga wawine wal᷊u.”

YESAYA 1:23

Manga piaṛṛangngu mammangalo wuṛṛu manga daroloṛṛannu manna'o; i mangitou apulune mannengkamma aonggolla wuṛṛu roitta sasogokka. I mangitou maddiri manamba'a asisin timpal᷊ussa su saruannu mallaṛṛuungnga; maddiri maddaringikka aalaen manga wawine wal᷊u.

YEREMIA 7:6

Ariete lai mangallangnga taumata raho, ana'a asisitimpal᷊ussa, wuṛṛu manga wawine wal᷊u. Arie mamate taumata apan tawe sal᷊ane su wanua indi. Imbaṛṛangnga massubba manga mawu waine, ana waugu olangnge sarun maapate si yamiu.

YEHEZKIEL 18:12

I tou apulune mallinga taumata asiangnga, mangngaṛṛo, mangnganu saranapa wataṛṛun taumata apan nabballassa si tou. I tou inaite su manga kuillu taumata apan tawe maaillal᷊a Mawu wuṛṛu massubba paal᷊uanna apan ma'arantinna.

YEHEZKIEL 22:25

Manga piaṛṛangnge naal᷊ihidda singa apan mammassinga napawe tumambo wiakke. I mangitou mammate tumanangnge, mangngaṛṛo anambon darotongnga wuṛṛu pa'aala apan niasangkal᷊anni mangitou wuṛṛu naaola'a manambo wawine wal᷊u.

YEHEZKIEL 22:29

Manga taumata ala mammahia wuṛṛu mangngaṛṛo. I mangitou ma'ola'a taumata asiangnga ringannu walate apulu wuṛṛu mangnganu auntunganna wuassu taumata raho.

IMAMATTA 20:9

Mawu nangonggolu manga atoranna indi, “Taumata apan mammontoga iamangnge ara'e inangnge ṛinone iṛṛuumanna pateanna. I tou nate ana waugu sal᷊ane sassane.

ZAKARIA 7:10

Imbaṛṛangnga mangallangnga manga wawine wal᷊u, al᷊aṛṛana'a asisin timpal᷊ussa, manga taumata raho apan namanua su pattangnganni yamiu, ara'e isai-sai apan sulal᷊ummu awussa. Wuṛṛu imbaṛṛangnga lai manggolagu al᷊al᷊eo su saruannu sansul᷊ungu.’

MALEAKHI 3:5

Unnu Mawu Apan Lembontaṛṛino, “I Ya'u sarun dumanta ringannu tadea'u makkuungnga. I Ya'u sarun masasaṛṛawutta maola'a matatiala su manga taṛṛa wal᷊i'in mata, manga taumata apan masandaga, apan mattiala awusu, wuṛṛu inolaanne mallinga sulal᷊ummu mangonggollu bawaekke su taumata mammanara, apan mangngallangnga manga wawine wal᷊u, asisi timpal᷊uassa, wuṛṛu manga taumata raho, su saruannu anambon taumata apan tawe mangaddatta si Ya'u.”

MARKUS 7:10

I Musa suete nangagillu parenta indi, ‘Pangaddatta iamangngu wuṛṛu inangngu,’ wuṛṛu, ‘Isai-sai mabbisara iamangnga inangnge ṛinone iṛṛuumanna ma'oman sara pateanna.’

TAHIUL᷊E 24:17

Imbaṛṛangnga mangaṛṛo saranapa tatahuanannu taumata raho wuṛṛu ana'a asisitimpal᷊ussa, wuṛṛu imbaṛṛangnga manganu laubbu taumata inawal᷊uanna maola'a wataṛṛu.

TAHIUL᷊E 27:16

‘Niawontohante taumata apan tawe mangaddata hagurangnge wuṛṛu namalan mangitou tawe padul᷊iananna.’ ‘Amin!’

TAHIUL᷊E 27:19

‘Niawontohante taumata apan mangngaṛṛo pussa'an taumata raho, ana'a asisintimpal᷊ussa, wuṛṛu wawine wal᷊u.’ ‘Amin!’

TAHIUL᷊E 5:16

Pangaddata wuṛṛu pamadul᷊ite iamangngu wuṛṛu inangngu; uddewe parenta-U, Mawu Ruatanu, tadea'u i yamiu su lal᷊umanna'a wuṛṛu tatuwone iapal᷊o'e su wanua apan Ta'u ionggola si yamiu.