YEHEZKIEL 22:27 - WUKE SUSI WATTI'U AL᷊AL᷊USASSA

²⁷ Manga tembonanne su pamarenta ere serigala apan mammaṛṛu wiakke. I mangitou ma'ola'a pamamate tumba'u ana maddea'a auntunganna.

YEHEZKIEL 22:27 Iomraidhean Croise

2 TAWARIKH 36:14

Wal᷊ine wua'udde lai, Wal᷊en Mawu apan buatte niṛṛaen Mawu sassane hunan Tou, nil᷊al᷊eon manga piaṛṛa'u Yehuda, manga imam, wuṛṛu tumanangnge, ana waugu i mangitou lai suadio'a massubba paal᷊uanna wuṛṛu nangaṛṛussa ola'u pabbiaṛṛanna apan maarosa wuassu walahanna apan ual᷊indonganni mangitou.

AMSAL 17:23

Mallaṛṛungnga apan mangngempe, mannengkamma roitta aonggolla ringannu mal᷊annabba wuṛṛu tawe mangamattu atatul᷊idda.

YESAYA 1:23

Manga piaṛṛangngu mammangalo wuṛṛu manga daroloṛṛannu manna'o; i mangitou apulune mannengkamma aonggolla wuṛṛu roitta sasogokka. I mangitou maddiri manamba'a asisin timpal᷊ussa su saruannu mallaṛṛuungnga; maddiri maddaringikka aalaen manga wawine wal᷊u.

YEREMIA 41:7

Tawe nal᷊annu napawe i mangitou na'omate su tangngan soa, i Ismael wuṛṛu manga taumatane mammatete si mangitou. Arawe siri mapul᷊o suwallatti mangitou nabbisara si Ismael, “Arie pappate i yami! I yami ta'e uatahuanna darua hatin gandumma, see lai lanan zaitun, wuṛṛu pul᷊a. Sarangkanambone nuwuning kami su liddu soa.” Ana waugu udde i Ismael tawe namate si mangitou, arawe ingana'a waine nipatene wuṛṛu winal᷊unanni mangitou nilombo su paṛṛihi.

YEREMIA 5:6

Ana waugu i mangitou sarun pateannu singa wuassu mahurangnge, wuṛṛu ringanna wangngasannu serigala wuassu wadda'u anne. Macan tutul sarun mammal᷊intadda maddea'a inassa maranin manga soa mangitou, wuṛṛu suapan taumata apan sumabbangnga sarun tamboanne. Sarangkanambone udde mariaddi ana waugu i mangitou manambote rosane, wuṛṛu masokka-sokka tumal᷊i'udda Ruata.

LAL᷊ALLU 4:13

Arawe olangnge udde nariaddite, ana waugu rosan manga imam wuṛṛu nabi. I mangitou buatte napatuṛṛon daṛṛa, wuassu taumata apan tawe sal᷊ane.

YEHEZKIEL 13:19

I yamiu buatte nangaddio'a si Ya'u su saruannu uma-U tumba'u ana waugu see maasomba pirang kangkumma jelai wuṛṛu piran paddi roti. Manga taumata apan tawe sal᷊ane, nipateng kamiu arawe manga taumata apan ṛinone mate niwalang kamiu wiakka. Ana see i yamiu namahia uma-U wuṛṛu i mangitou nangimanna si yamiu.’ ”

YEHEZKIEL 22:13

Arawe orassa indi i Ya'u sarun mandissa manga mangangaṛṛo wuṛṛu mamamate si yamiu.

YEHEZKIEL 22:25

Manga piaṛṛangnge naal᷊ihidda singa apan mammassinga napawe tumambo wiakke. I mangitou mammate tumanangnge, mangngaṛṛo anambon darotongnga wuṛṛu pa'aala apan niasangkal᷊anni mangitou wuṛṛu naaola'a manambo wawine wal᷊u.

YEHEZKIEL 22:3

Mawu Apan Atanggaṛṛanne nandolo'u niapapasingkattu tanata indi su Yerusalem, “I'o nassal᷊a ana waugu buatte namate wuassu tumanangngu sassane, wuṛṛu buatte nandal᷊eo watangannu ringannu massubba manga paal᷊uanna niolangngu sassane. Ana waugu udde tempo pakkuungannu maranite wuṛṛu su ola'u watangannu maranite masue. I'o Ta'u iwala maola'a punnu aal᷊uandaga wuṛṛu papal᷊age su manga walahanna wuṛṛu su anambon banua.

YEHEZKIEL 22:6

Anambon piaṛṛa'u Israel mangngasakku atatohanne sassane wuṛṛu ma'ola'a pamamate.

YEHEZKIEL 33:31

I mangitou nirumanta manambo-nambo wuṛṛu ana waugu uma-U i mangitou niuma'ianna maddaringikka manga wisaranu, arawe apa apan niparentanu tawe tuṛṛutanni mangitou. Wiwikki mangitou tumba'u mapasabbangu wisaran pa'aapulu, arawe naungngi mangitou tumba'u maṛṛingiddu auntunganna.

YEHEZKIEL 34:3

Susune niinummi yamiu, wambul᷊une niola'i yamiu laubba, wuṛṛu domba apan atawanne nipototti yamiu wuṛṛu niinassa. I yamiu tawe saran paassa namadul᷊i manga dombanu.

YEHEZKIEL 36:12

Uma-U Israel, sarun Ta'u iapidda mapul᷊e wuṛṛu matana'a su wanuane apia. Leta'a udde sarun maola'a pussa'a mangitou sassane wuṛṛu sidutu mangngonggollu hessine ma'oman sara manga ana'i mangitou tate lai mate amal᷊unusanna.’

YEHEZKIEL 45:8

Leta'a udde naola'a pussa'an tembonanne apan mammarenta su leta'u Israel, tadea'u tawe mangallangnga uma-U apia, ewe'e mangonggollu wageangngu leta'a apan lebbene udde maola'a pussa'a manga ṛuangannu Israel.

YEHEZKIEL 45:9

Mawu Apan Atanggaṛṛanne nabbisara, “Natimute manga rosanu, ei manga tembonannu Israel! Iloloa'e inolaanu apan walate apulunu mannansara tumana'u soa udde. Pammanarate ringannu mapia wuṛṛu matul᷊idda. Saran paassa ariete i yamiu mallimbuakka uma-U apia wuassu leta'i mangitou. Ia'i, Mawu Apan Atanggaṛṛanne mammarenta udde si'o.

YEHEZKIEL 46:18

Tembonanne udde tawe botongnge manganu sarang addio'a wuassu darotongngu tumanangnge. Tumba'u letangnge sassane apan botongnge ionggolla su manga anangnge esakka ma'oman sara tawe saran sangkatou wuassu uma-U wotongnge iapatal᷊ei wuassu darotongnge.”

MIKHA 7:8

Tawe pinangiananne su manga seetti ite lumuassu asasuasan kite. Ana waugu salaiwe i ite nanawo, i ite sarun mabbangunna apia. Orassa indi uatana'a sulal᷊ummu ararandumma, arawe Mawu sarun manualaga si ite.

HABAKUK 2:9

Niawontohante i'o! I'o napaalan amonannu ringannu auntunganna apan niasombangannu ringannu araṛṛagissa, tadea'u wal᷊enu sassane mal᷊angnganna wuṛṛu maliu wuassu asasusa wuṛṛu asasilaka.

ZEFANYA 3:3

Manga tembonannu soa udde naal᷊ihidda singa apan mammasingnga. Manga mallaṛṛuungnge naal᷊ihidda manga serigala mal᷊unussa; i mangitou tumaniten bal᷊iu na'oman sara duṛṛi sampaddi lai tadewu itantangnga tiṛṛabbine.

MATIUS 21:13

See i Tou nabbisara manga taumata isudde, “Sulal᷊ummu Wuke Susi uawoṛṛetta manungku Ruata nabbisara, ‘Wal᷊e'u sarun isaggo wal᷊e tampa a'al᷊iomananna.’ Arawe niola'i yamiu wal᷊e udde sal᷊akku taumata lal᷊eo!”

MATIUS 7:15

“Paatehamma su manga nabi awusu. I mangitou nirumanta ringanni yamiu, lihide ere domba, arawe i mangitou ṛinone ere serigala apan mal᷊aṛṛaga.

WATTI'U MANGA RASUL 20:29

Su al᷊al᷊iu'u, sarun dumanta manga serigala apan waṛṛani su pattangngani yamiu. Wuṛṛu manga taumata apan rariaganni yamiu udde maola'a inassu manga serigala udde.

WATTI'U MANGA RASUL 24:9

Manga taumatan Yahudi tinumantalongnga lai nangalaem Paulus wuṛṛu nangngimante al᷊awo'u wisara apan niwisaran Tertulus.