YEHEZKIEL 22:26 - WUKE SUSI WATTI'U AL᷊AL᷊USASSA

²⁶ Manga imam Israel nilumawangnga manga tita-U wuṛṛu nalluhudda manga saranapa apan niṛṛa'e si Ya'u. I mangitou waggate ma'ellega suapa apan botongnge wuṛṛu apa apan isassingadda. Wuṛṛu lai i mangitou tawe mangaṛṛa'a tumanangnge tadea'u masingkatta ma'ellega suapa apan baresi wuṛṛu suapa apan dal᷊eo tumuṛṛuttu atorannu agama. I mangitou tate mangareggan allon Sabat. Ringannu aroddi i Ya'u nilobbosannu walahannu Israel.

YEHEZKIEL 22:26 Iomraidhean Croise

2 TAWARIKH 36:14

Wal᷊ine wua'udde lai, Wal᷊en Mawu apan buatte niṛṛaen Mawu sassane hunan Tou, nil᷊al᷊eon manga piaṛṛa'u Yehuda, manga imam, wuṛṛu tumanangnge, ana waugu i mangitou lai suadio'a massubba paal᷊uanna wuṛṛu nangaṛṛussa ola'u pabbiaṛṛanna apan maarosa wuassu walahanna apan ual᷊indonganni mangitou.

YEREMIA 15:19

Mawu sinumimbakka, “Amungkangngu i'o mabbelengnga, i Ya'u sarun manarimmannu. I'o sarun maola'a allang-Ku apia. Amungkangngu i'o mabbatti'u manga inolaanna apan mahuna wuṛṛu wal᷊ine awusu, ne i'o wotongnge maola'a nabi-U apia. Manga taumata sarun dumanta apia ringannu, wuṛṛu i'o tate inai ringanni mangitou.

YEREMIA 2:8

Manga imam taweddu maiwal᷊o suapa i Ya'u, Mawune. Manga mallaṛṛuungnga lai wagga isai Ya'u, manga tembonanne lai lullawangnga si Ya'u. Ringannu arannu Baal manga nabi mabbisara, wuṛṛu massubba paal᷊uanna apan tawe gunane.”

LAL᷊ALLU 4:13

Arawe olangnge udde nariaddite, ana waugu rosan manga imam wuṛṛu nabi. I mangitou buatte napatuṛṛon daṛṛa, wuassu taumata apan tawe sal᷊ane.

YEHEZKIEL 22:8

Manga tampa patataṛṛamawuanna si Ya'u nilal᷊eonu wuṛṛu allon Sabat tawe iareganu.

YEHEZKIEL 23:38

Wuṛṛu wal᷊ine tumba'u udde. Itarua lai nalluhudda Wal᷊e-U wuṛṛu allon Sabat apan buatte Ta'u nitantunna udde.

YEHEZKIEL 36:20

Watukkuapa i mangitou inai, i mangitou sidutu mandal᷊eo arang-Ku apan na'ukkassa. Ana waugu manga taumata mabbisara arendi, ‘Walahanna indi uddewe umattu Ruata, arawe i mangitou ṛinone manantangngu leta'a apan nionggollu Ruata si mangitou.’

YEHEZKIEL 42:20

Nariaddi, wageangngu leta'u Wal᷊e Mawu saṛṛene uataṛṛa wu'u appata, uuṛṛanne 250 metere suapan sandiṛṛanne. Wageangngu leta'a udde papal᷊iwutannu sambau darandunga nipamallatta wageangngu leta'a apan niṛṛa'e huna Mawu wuassu wageangngu leta'a apan ipattu awadaalla.

YEHEZKIEL 44:10

Mawu nabbisara si ya'u, “I Ya'u sarun makkuumannu manga taumatan Lewi apan suadio'a ringannu manga taumatan Israel waine, apan buatte nanantang-Ku wuṛṛu massubba paal᷊uanna.

YEHEZKIEL 44:23

Manga imam ṛinone mangaṛṛa'a uma-U tadea'u masingkatta mapaparala suapa apan niṛṛae si Ya'u wuṛṛu suapa tawe, suapa apan waresi tumuṛṛutu agama wuṛṛu suapa apan dal᷊eo.

YEHEZKIEL 44:24

Amungkangngu nariaddi pattatiakka su hatton pallaṛṛuungnga, i mangitou ṛinone manginsue udde ringannu manga tita-U. I mangitou ṛinone maddamea manga andeangngu agama, tumuṛṛuttu atorannu manga tita-U, see lai mangaddatta Sabatta sambau allo apan niṛṛae si Ya'u.

YEHEZKIEL 7:26

Asasilaka wuṛṛu watti'a lal᷊eo sidutu sarun rumanta. I yamiu sarun sumal᷊ande tadea'u manga nabi mappulu mamani'atta, arawe i mangitou tawe maaola'a. See lai manga imam tawe dapa iaṛṛa'a su umatta, manga piaṛṛa'a niasueannu tatantiro.

IMAMATTA 10:10

I yamiu ṛinone wotongnge mapadaṛṛalan apan niṛṛae su Ruata, wuṛṛu tawe niṛṛae suwallatu nassal᷊a wuṛṛu tawe nassal᷊a.

IMAMATTA 11:47

I yamiu wotongnge ma'ellega paṛṛalane wuṛṛu ma'arantinna, su wallatu winatangngu apan botongnge inasanna wuṛṛu winatangnga apan tawe wotongnge inasanna.

IMAMATTA 13:43

Imam ṛinone mamarikissa taumata udde, wuṛṛu amungkangngu atonna pia hoggo'a mawira uaṛṛamutta,

IMAMATTA 20:25

Ana waugu udde i yamiu wotonge ma'ellega suapane winatanga ipappalli wuṛṛu suapane winatanga tawe ipappalli. Arie pa'inassa winatanga apan ipappalli. Winatanga udde Ta'u isago palli, nariaddi amungkangngu inasanna i yamiu mabbal᷊i marosa.

MALEAKHI 2:7

Atonna manaran manga imam mangngaṛṛa'u apan naṛṛino su ola'i Ya'u, Mawu Apan Atanggaṛṛanne. Ete si mangitou tumanangnge ṛinone maiwal᷊o apa apan ipaapullu-U, ana waugu i mangitou udde daroloṛṛang-Ku.

MALEAKHI 2:8

Arawe orassa indi, i yamiu, manga imam, buatte nanewadda wuassu lal᷊anna apan naṛṛino. Manga al᷊aṛṛangngu buatte namol᷊engnga manambo taumata ma'ola'a pasasal᷊a. I yamiu buatte nanggohakka paaire apan Ta'u niola'a ringanni yamiu.

ROMA 2:24

Sulal᷊ummu Wuke Susi uawoṛṛetta arendi, “Ana waugu i yamiu, manga taumatan Yahudi, arannu Ruata nial᷊uandahanna su wallattu walahanna waine.”

1 SAMUEL 2:22

I Eli timmadete atonna. I tou sidutu ma aringikka aalae su ola'u pallal᷊aghu al᷊aṛṛanangnge su saruannu taumatan Israel. I Eli lai masingkatta manungku al᷊aṛṛanangnge udde mattiilla ringannu manga wawine apan mammanara su ngaran Dasanna Darantan Mawu.

1 SAMUEL 2:29

Nariaddi, anio i'o ta'e wal᷊iu maasilo manga sasamba apan buatte Ta'u niparenta, nionggollu pabbawala-U si Ya'u? Anio i'o Eli, lembon mangngaddatta al᷊aṛṛanangngu wuassu mangaddatta si Ya'u, wuṛṛu namalan mangitou malliu ṛoron batanganne ringannu wageangnge apan apianne wuassu anambon aonggollu pabbawala-U si Ya'u?