YEHEZKIEL 22:25 - WUKE SUSI WATTI'U AL᷊AL᷊USASSA

²⁵ Manga piaṛṛangnge naal᷊ihidda singa apan mammassinga napawe tumambo wiakke. I mangitou mammate tumanangnge, mangngaṛṛo anambon darotongnga wuṛṛu pa'aala apan niasangkal᷊anni mangitou wuṛṛu naaola'a manambo wawine wal᷊u.

YEHEZKIEL 22:25 Iomraidhean Croise

1 MARARATU 22:23

Wua'udde i Mikha nabbisara, “Ne, eteudde apan nariaddi! Mawu buatte na'ola'a manga nabin Tuangnga namahia si Tuangnga ana waugu Mawu buatte nanantunna maṛṛia'u asasilaka udde si Tuangnga!”

YESAYA 56:11

I mangitou naal᷊ihidda asu a'ombanganna apan tawe mal᷊aidda. Manga piaṛṛa'a udde tawe maasunna. Sangkatou-sangkatou ma'ola'a walate apulu naungnge wuṛṛu maddea'a auntunganne sassane.

YEREMIA 11:9

Wua'udde Mawu nabbisara apia si ya'u, “Taumatan Yehuda wuṛṛu tumana'u Yerusalem buatte nabbaidda lumawangnga si Ya'u.

YEREMIA 15:8

Wanuanu sarun mapenen inawal᷊uanna, lumebbe wuassu anne su apanne anambone. Manga taumata sarun Ta'u pateanna sutempo ta'e umbasanna na'oman sara inangngi mangitou massusa. Sutempo allo i Ya'u mandanta sangkatou taṛṛa pate si mangitou ma'oman sara i mangitou maapendamma atata'utta wuṛṛu ussinggawangnga.

YEREMIA 18:21

Arawe orassa indi, Mawu, wala'awe manga ana'i mangitou mate amal᷊unusanna wuṛṛu nate sulal᷊ummu pangalo. Wala'e manga wawinen mangitou awul᷊iannu iamangngu ana'a wuṛṛu ana'a; wala'ewe manga esakka nate ana waugu al᷊aṛṛusa'itta wuṛṛu ingana'a umbasanna nate sulal᷊ummu pangalo.

YEREMIA 2:30

Tawe gunane I yamiu Ta'u iṛṛuumanna, ana waugu i yamiu maddiri maddaringikka tataggu. Ere singa apan tantal᷊anna tuttambo, etearoddi lai i yamiu mamate manga nabinu.

YEREMIA 2:34

Laungngu pia luhuddu daṛṛan taumata asiangnga wuṛṛu taumata apan tawe sal᷊ane, wal᷊ine ana waugu daṛṛan manana'o apan niasametta. Arawe ana waugu udde,

YEREMIA 23:14

Arawe su Yerusalem i Ya'u naasilo manga nabi ma'ola'a lembon al᷊al᷊eoanne lai. I mangitou mammahia wuṛṛu sussandaga, see mannasa taumata apan ma'ola'a al᷊al᷊eo, na;oman sara taweddu sangkatou apan mawal᷊u. Si Ya'u i mangitou sarangkanambone lal᷊eo ere tumana'u Sodom wuṛṛu Gomora.”

YEREMIA 6:13

I mangitou sarangkanambone, timmadde dario'a, maddea'a auntunganna ringannu lal᷊anna apan tawe suṛṛinone. Ewe'e lai nabi wuṛṛu imam mammahia taumata.

LAL᷊ALLU 2:14

Apan niapasingkattu manga nabi si'o, tumba'u aawusu wuṛṛu wawahia sassane. I mangitou taambe naasi'attu rosanu, na'oman sara ana waugu udde i'o maddiri mawal᷊u. Nawal᷊i'a i mangitou tumba'u mammasingkatta si'o manga wisara awusu apan maasarootta.

LAL᷊ALLU 4:13

Arawe olangnge udde nariaddite, ana waugu rosan manga imam wuṛṛu nabi. I mangitou buatte napatuṛṛon daṛṛa, wuassu taumata apan tawe sal᷊ane.

YEHEZKIEL 13:19

I yamiu buatte nangaddio'a si Ya'u su saruannu uma-U tumba'u ana waugu see maasomba pirang kangkumma jelai wuṛṛu piran paddi roti. Manga taumata apan tawe sal᷊ane, nipateng kamiu arawe manga taumata apan ṛinone mate niwalang kamiu wiakka. Ana see i yamiu namahia uma-U wuṛṛu i mangitou nangimanna si yamiu.’ ”

YEHEZKIEL 13:2

“Ei taumata apan mattate, tagguete manga nabin Israel apan mammasingkattu nubuatta apan niarangnge sassane. Doloṛṛa'e i mangitou maddaringikka wisara-U.”

YEHEZKIEL 22:7

Tawe saran sangkatou wuassu tumanangngu mangaddata hagurangnge. I'o mammahia taumata raho wuṛṛu manganu untungnge wuassu asasusan bawine wal᷊u wuṛṛu asisi timpal᷊ussa.

YEHEZKIEL 34:2

“Ei taumata apan mattate, tagguete manga ratun Israel, wuṛṛu wal᷊oa'e apa apan i Ya'u, Mawu Apan Atanggaṛṛanne mabbisara si mangitou, ‘Nasilakate i yamiu, ei manga mallal᷊u'addu Israel. I yamiu tumba'u maṛṛingiddu hausannu watangannu sassane, wal᷊ine hausannu manga dombanu.

YEHEZKIEL 34:3

Susune niinummi yamiu, wambul᷊une niola'i yamiu laubba, wuṛṛu domba apan atawanne nipototti yamiu wuṛṛu niinassa. I yamiu tawe saran paassa namadul᷊i manga dombanu.

HOSEA 6:9

Manga imam su soa udde ere ammul᷊annu taumata taṛṛa ṛampassa apan mangngamo manga taumata sumabbi. Su lal᷊anna apan mattudda tampa susi su Sikhem i mangitou lai ma'ola'a pamamate! Anambon al᷊al᷊eo udde niola'i mangitou ringannu pattatudda.

MATIUS 23:13

“Nasilakate i yamiu manga hurun agama wuṛṛu manga taumatan Farisi! Yamiu taṛṛa lilangkamal᷊e'a. I yamiu mannal᷊awa'a taumata ma'apulu maola'a lal᷊oṛṛon araratuannu Ruata. I yamiu sassane madiri maola'a lal᷊oṛṛon araratuannu Ruata, wuṛṛu taumata waine apan maapulu, sassal᷊awaanni yamiu. [

MARKUS 12:40

I mangitou mallinga manga wawine wal᷊u wuṛṛu mangngaṛṛo wal᷊ene. Wuṛṛu ana see maapamunin al᷊al᷊eo mangitou udde, i mangitou u'al᷊iomanna mal᷊o'e-l᷊o'engnga. Ṛuumanni mangitou sal᷊immurine udde mawakkatta!”

LUKAS 20:47

I mangitou mammahia manga wawine wal᷊u wuṛṛu mangngaṛṛo wal᷊ene. Wuṛṛu see al᷊al᷊eo mangitou tawe asingkatanna, i mangitou u'al᷊iomanna mal᷊o'e-l᷊o'engnga! Ṛuumanni mangitou mawakkatta!”

SONDAPPA 13:11

See i ya'u naasilo sambau winatangnga waine sinumabbanga wuassu lal᷊ummu runia. I tou pia tatandunge darua ere tatandu'u ana'u domba. Tingikke ere tingikku naga.

SONDAPPA 13:15

Winatangnga aruane udde niwala mangonggolu singangu su paal᷊uanna udde, na'oman sara paal᷊uanna udde wotongnge mabbisara wuṛṛu mamate anambon taumata apan maddiri massubba si tou.

SONDAPPA 17:6

See i ya'u naasilo manungku wawine udde niwu'annu ṛaṛṛam walahannu Ruata wuṛṛu ṛaṛṛa manga taumata apan nipate ana waugu matuṛṛuta Mawu Yesus. Su tempo i ya'u naasilo wawine udde, ya'u tinumiangnga.

SONDAPPA 18:13

pising kalu matemangnga, manga rampa, setanggi, mur, wuṛṛu amania; anggore wuṛṛu lana, taponna wuṛṛu gandumma; sapi wuṛṛu domba, awal᷊o wuṛṛu kereta, manga allangnga, see lai niawan taumata.