YEHEZKIEL 21:6 - WUKE SUSI WATTI'U AL᷊AL᷊USASSA

⁶ Ei taumata apan mattate, sassal᷊iomante wuṛṛu pa'uarete su saruannu manga taumatan Israel, ereola'u i'o massusa wuṛṛu tawe antimma.

YEHEZKIEL 21:6 Iomraidhean Croise

YESAYA 16:11

Naungku ma'uare wuṛṛu natuno ma'ellega saṛṛen Moab wuṛṛu Kir-Heres.

YESAYA 21:3

Sondappa udde nangal᷊iwu'u na'oman sara tate maasilo wuṛṛu maaringikka lai. I ya'u matta'utta wuṛṛu nataddu'a, naal᷊ihidda sangkatou wawine apan tantal᷊anna mangngunsiwe.

YESAYA 22:4

Imbaṛṛangnga ma'innunu si ya'u; wala'e i ya'u lumuai manga taumata wuassu pabbawala'u apan natete. Arie maannamma maminalatta si ya'u.

YEREMIA 19:10

Wua'udde Mawu nandolo'u niapapesangnga wensadda udde su saruannu manga taumata apan uatantalongnga si ya'u.

YEREMIA 30:6

Ṛingira'o wuṛṛu tutuṛṛe'o! Wotongngewe esakka mangunsiwen ana'a? Amungkangngu aroddi, anio i Ya'u naasilo suapan esakka hatine namillossa wuṛṛu maṛṛaddannu tianne ringannu lima ere wawine apan mangunsiwete?

YEREMIA 4:19

Susatewe eteapa naungku, i ya'u tate lai maataṛṛangnga su asasusa. I ya'u tawe mapaatammuddu watangangku pappuso'u ruddaddoro sulal᷊ummu ro'o, ana waugu i ya'u naaringikka tingikku trompetta wuṛṛu hahoressan pangalo pia sanseongnge.

YEHEZKIEL 21:12

Ei taumata apan mattate, lalluaite wuṛṛu sal᷊andete! Ana waugu hal᷊ele udde nasaddiate lumawangnga uma-U. Manga piaṛṛa'u Israel suadio'a ringannu ahewallu walahanna sarun usu'annu hal᷊ele udde ma'oman sara mate. Ne pameppelle roonu ringannu massusa,

YEHEZKIEL 21:5

Ne anambon taumata sarun maasingkatta manungku i Ya'u, Mawu, manawutta hal᷊ele-U wuṛṛu tate iaddo apia suṛṛomane.’

YEHEZKIEL 21:7

Amungkangngu i mangitou maiwal᷊o anio i'o ma'u are, wal᷊oa'e manungku i'o massusa ana waugu watti'a apan sarun dumanta. Watti'a udde sarun maaola'a naungngi mangitou mata'utta, lima mangitou mallome, wuṛṛu wu'u mangitou mangngiladda, i mangitou sarun apadiannu ikkatta. Atonna tempone nia'omante, wuṛṛu sarangkanambone udde sarun mariaddi. I Ya'u Mawu Apan Atanggaṛṛanne buatte nabbisara.”

YEHEZKIEL 32:18

“Ei taumata apan mattate, lallal᷊ote su lal᷊oṛṛon soa su Mesir. Doloṛṛa'e i mangitou watukku runian taumata nate suadio'a ringannu manga wanua apan matohassa waine.

YEHEZKIEL 37:20

Agasse ta'inna darua udde wuṛṛu pasiloa'a su walahanna udde.

YEHEZKIEL 4:12

Pakkunutten putungnga wuassu tain taumata maola'a hahatin alu. Lol᷊ote rotinu su putungnga udde, wuṛṛu ante roti udde su saruannu awadaalla.”

YEHEZKIEL 6:11

Mawu Apan Atanggaṛṛanne nabbisara, “Asusate! Lallal᷊ote! Lalluaite ringannu asasusa ana waugu al᷊awo'u al᷊al᷊eo wuṛṛu ararantinna apan buatte niola'u walahannu Israel. I mangitou sarun mate su pangalo, al᷊aṛṛutumma wuṛṛu ṛiwutta.

YEHEZKIEL 9:4

“Roote watukku al᷊awo'u pappi'uannu soa wuṛṛu tialaite pakkannu manga taumata apan uapendamma asiangnga wuṛṛu massusa ana waugu anambon inolaanna maarantinna apan niola'a su soa udde.”

DANIEL 5:6

I tou nabal᷊i namillossa wuṛṛu arodi ata'unne na'oman sara wuune mangngiladda.

DANIEL 8:27

Wua'udde i ya'u naapendamma nallome ana see nirumadda'a manga pira allo al᷊annune. Wue udde nabbangunte i ya'u wuṛṛu nammanarate manga manara'u apia su ratu. Arawe i ya'u sussinggawangnga maṛṛingiddu manga sondappa udde wuṛṛu mangke tawe maasunna manga sondappa udde.

NAHUM 2:10

Niniwe naṛṛimunsa'e, mal᷊annabba wuṛṛu nal᷊ol᷊okka. Naungnga nabbal᷊i maammi ana waugu matta'utta. Wantiṛṛanna nabbal᷊i lome wuṛṛu mangngindo. Ne anambon taumata nabbal᷊i namikkassa mawira-wira.

HABAKUK 3:16

Naaringikka udde, naungku mangngiladda wuṛṛu wiwi'u mangngindo. I ya'u nabbal᷊i lome tate ikkata, ledda'u mattara, suapa i ya'u umamatta. I ya'u sarun maṛṛaddo ringannu matammudda ṛuumannu Ruata su taumata mammangalo.