YEHEZKIEL 21:3 - WUKE SUSI WATTI'U AL᷊AL᷊USASSA

³ manungku i Ya'u, Mawu, nabbisara arendi, ‘I Ya'u indi seennu. I Ya'u sarun manawutta hal᷊ele-U wuṛṛu mamate si yamiu sarangkanambone, apan dal᷊eo ara'e lai mapia.

YEHEZKIEL 21:3 Iomraidhean Croise

DARALO 17:13

Pabbuatte, oh Mawu, ro'apete see'u wuṛṛu waddo'e i mangitou. Sal᷊amatewe i ya'u ringannu hal᷊ele-Nu su saruannu pangalon taumata lal᷊eo.

DARALO 80:17

Seetta buatte nanuwangnga wuṛṛu nanutungnga; wal᷊a'e i mangitou pateannu asasa'u-Nu.

DARALO 83:15

Naal᷊ihidda putungnga apan nanoṛṛobba mahurangnge, ṛenggammu putungnga apan maatutungnga manga wowone.

SASABANGNGA 15:9

Unnu seetta, ‘I mangitou sarun ta'u enggenanna wuṛṛu ta'u sametanna, ta'u sawutanna hal᷊ele'u, wuṛṛu ta'u pateanna abbi i mangitou. Ana see anambon darotongngi mangitou ta'u anuanna, ta'u tahianna wuṛṛu ipaatta ma'oman sara mawusa.’

MANNANASE 9:2

Atonna, pal᷊addu pabbiaṛṛannu suapan taumata: Taumata matul᷊idda ara'e lai taumata lal᷊eo, taumata mapia ara'e taumata lal᷊eo, taumata waresi ara'e lai taumata kotore, taumata apan mangngonggollu sasamba ara'e lai tawe. Taumata mapia tawe mallal᷊umannaana wuassu taumata apan marosa, taumata apan massalu uasul᷊ungngu ringannu taumata apan maddiri massalu.

YESAYA 10:5

Mawu nabbisara, “Nasilakate Asyur! Asyur Ta'u ipaatta maola'a sambokka wuṛṛu pal᷊o-pal᷊o ipamuulla manga taumata apan niaṛṛinoannu asasa'u-U.

YESAYA 34:5

Mawu buatte nanaddia hal᷊ele-Ne su surga, wuṛṛu orassa indi hal᷊ele udde sarun maṛṛia'a su walahannu Edom apan buatte niemaannu ṛuumanna wuṛṛu ṛaddaanna.

YESAYA 57:1

Taumata mapia wuṛṛu maagama nate, taweddu maasunna ara'e ma'innunu olangnge udde. Napawe buatte nate, i mangitou nal᷊iute wuassu asasilaka wuṛṛu mangngillol᷊ote ringannu paddarame.

YEREMIA 17:27

Sarangkanambone udde sarun matipussa napawe i yamiu matuṛṛutta si Ya'u wuṛṛu maṛṛaen allon Sabatta udde si Ya'u. Arie mamasanna saran sambau saranapa umamattu ngara pasallangannu Yerusalem su allo udde. Amungkangngu i yamiu lumawangnga manga parenta-U, manga ngara pasallangannu Yerusalem see manga wal᷊en araratuanne sarun Ta'u soṛṛowannu putungnga ma'oman sara masue wuṛṛu udde tawe iapaddumma.’ ”

YEREMIA 21:13

Wua'udde Mawu nabbisara su Yerusalem, “Ei Yerusalem! Addonu mattanggaṛṛanna wuassu manga wawal᷊anne maraninu. I'o naal᷊ihidda wuidda watu apan uapasi'a matanggakka su wadda'a ratakke. I'o mabbisara manungku tawe saran sangkatou apan botongnge mamangalo si'o ara'e manggohakke manga tanda batunu,

YEREMIA 21:14

arawe i Ya'u sarun makkuumannu ana waugu inolaannu. Wal᷊en araratuannu sarun Ta'u soṛṛowanna, wuṛṛu al᷊awo'a maranine sarun masoṛṛobba lai. I Ya'u, Mawu, buatte nabbisara.”

YEREMIA 50:31

Babel, naungngu tumaniten matanggakka! Ana waugu udde i Ya'u, Mawu Apan Atanggaṛṛanne, Ruata Apan Lembontaṛṛino, mando'appa si'o. Nia'omante tempone i'o Ta'u iṛṛuumanna.

YEREMIA 51:20

Mawu nabbisara, “Babel, i'o naal᷊ihidda darupa, ahi-U ipaatta mapapangalo. I'o Ta'u nipaatta ipandupa manga walahanna wuṛṛu manga araratuanna.

YEREMIA 51:25

Ei Babel, i'o naal᷊ihidda wowone apan nanggohakku ahewallu runia. Arawe i Ya'u, Mawu, sarun mando'appa si'o. I'o sarun Ta'u wol᷊enganna wuṛṛu Ta'u ital᷊inggi see Ta'u iwala matambunna maola'a awu.

YEHEZKIEL 14:17

Wotongnge mariaddi i Ya'u mandantan pangalo su wanua udde, wuṛṛu i Ya'u mangirimmu manga ahidda lutangnga apan apianne ipamate mawae taumata aroddi lai winatangnga.

YEHEZKIEL 14:21

Mawu Apan Atanggaṛṛanne nabbisara, “I Ya'u mangema'u appatta ṛuumang-Ku apan asaddatanne su Yerusalem ipamate mawae taumata aroddi lai winatangnga. Ṛuumanna udde eteudde: pangalo, al᷊aṛṛutumma, winatangnga mal᷊aṛṛaga wuṛṛu ṛiwutta.

YEHEZKIEL 21:19

“Ei taumata apan mattate, hambara'e darua lal᷊anna apan botongne amatannu ratun Babel apan mangapiddu hel᷊elene. Lal᷊anna darua udde ṛinone manattakka wuassu wanua apan sambau; lal᷊anna sambau mabatukku Raba, soan Amon; wuṛṛu sambau lai watukku Yerusalem, soa apan pia tanda'a batune su Yehuda. Elea'e papappalla ipamiaṛṛa'u umaamatta su lal᷊anna apan mappengate.

YEHEZKIEL 24:9

Mawu Apan Atanggaṛṛanne nabbisara, “Nasilakate soa apan napenen taṛṛa pate udde! I Ya'u sassane sarun mangatokku alu ipanambunna.

YEHEZKIEL 26:3

Mawu Apan Atanggaṛṛanne nabbisara, “I Ya'u indi seennu, ei Tirus! I Ya'u sarun mangapiddu manambo walahanna iapapangalo si'o, wuṛṛu i mangitou sarun dumanta naal᷊ihidda lua'a su tahal᷊oangnga.

YEHEZKIEL 29:10

ne i Ya'u naola'e seennu, wuṛṛu seettu Sal᷊ukku Nil pussa'anu. Ahewallu Mesir sarun Ta'u olaanna leta'a apan mal᷊annabba manattakka wuassu soa Migdol su sawannakka maddatingngu soa Aswan su timukka, ma'oman sara passarannu Sudan.

YEHEZKIEL 5:12

Sepertatallu wuassu lal᷊oṛṛon soanu sarun mate ana waugu ṛiwutta see al᷊aṛṛutumma apan maṛṛia'a su soa. Sepertatallu sarun pototannu hal᷊ele su liuddu soa, wuṛṛu sepertatallu lai sarun Ta'u ital᷊eṛṛonga su al᷊awo'u tampa wuṛṛu sarun Ta'u enggenannu hal᷊ele.

YEHEZKIEL 5:8

Ne i Ya'u, Mawu Apan Atanggaṛṛanne, mamasingkatta manungku i Ya'u uddewe seennu. I'o sarun Ta'u iṛṛuumanna su saruannu manga walahanna waine.

IMAMATTA 26:25

I Ya'u sarun mandantan pangalo su pattangngannu ipakkuumanni yamiu ana waugu i yamiu buatte nilumawanga pa'aire-U si yamiu. Wuṛṛu amungkangngu i yamiu ma'ammula su soanu maddea'a pattillummanna, i Ya'u sarun mandantan radda'a apan tawe iapapia, na'oman sara i yamiu sarun manantilu watangannu su seennu.

IMAMATTA 26:33

I Ya'u sarun mandantan papangalo su wanuanu wuṛṛu manal᷊iawukki yamiu su manga wanua waine. Manga wawail᷊annu tate lu'aranna, wuṛṛu manga soanu niwalate naola'a tuidda.

AMOS 5:6

Pabbelengke ringannu Mawu, ne i yamiu sarun mabbiakka. Amungkangngu i yamiu tawe mabbelengnga ringanni Tou, i Tou sarun dumanta ere putungnga apan lullewa wuṛṛu manoṛṛobba taumatan Israel ma'oman sara masue. Su Betel tawe saran sangkatou apan wotongnge mamaddumma putungnga udde.

AMOS 7:4

I ya'u naasomba sambau sondapa wuassu Mawu Apan Atanggaṛṛanne. I ya'u naasilo i Tou tantal᷊anna uasasaddia makkuumannu uman-Ne ringannu putungnga. Putungnga udde nangpodda na'oman sara nasue laudda su al᷊ungngu runia wuṛṛu mannattakke mangngepoddu wawail᷊anna.

NAHUM 2:13

“I Ya'u indi seennu,” unnu Mawu Apan Lembontaṛṛino. “Manga keretanu sarun Ta'u soṛṛowanna abbi. Tantaranu sarun mate sulal᷊ummu pangallo, wuṛṛu i Ya'u sarun manganu al᷊awo'u saranapa apan buatte nianunu wuassu taumata waine. Manga darongngu daroloṛṛannu sarun aringiṛṛanna apia.”

NAHUM 3:5

Mawu apan Lembontaṛṛino nabbisara, “Ei Niniwe, i'o sarun Ta'u sansaranna! Nasanu Ta'u luatanna su saruannu manga walahanna, ma'oman sara sangkullu aellehanni mangitou.

ZEFANYA 2:12

See lai tumana'u Sudan sarun aṛṛiannu ṛuumanna pateanna ṛattangannu Mawu.

ZAKARIA 13:7

Mawu Apan Lembontaṛṛino nabbisara, “Darisikke, ei hal᷊ele, wuṛṛu pangaloite mallal᷊u'adda apan mammanara ringang-Ku! Patete i tou, ne manga domba sarun massal᷊iawukka. I Ya'u sarun mamangalo uma-U,