YEHEZKIEL 21:27 - WUKE SUSI WATTI'U AL᷊AL᷊USASSA

²⁷ Soa indi sarun Ta'u ṛamunsaanna sara masue, na'oman sara suapan tampa pia manga winalal᷊anna. Arawe olangnge udde wakkute mariaddi napawe taumata apan Ta'u nipile ipakkuumannu soa indi nirumantate. Ete si tou Ta'u itantilla soa indi.’ ”

YEHEZKIEL 21:27 Iomraidhean Croise

PANDARIADDI 49:10

I Yehuda sarun mangagassa ta'innu araratuanna, papapalunne sarun mamarenta saran mal᷊annu-l᷊annu. Manga walahanna sarun mangapiddu aonggolla, wuṛṛu umal᷊intudda ringannu uasuṛṛubbawa su saruanne.

DARALO 2:6

Wisara-Ne, “Su Sion wui-U apan susi buatte Ta'u nitenega ratu nipile-U.”

YEREMIA 30:21

Ratu apan mamarenta si yamiu inasapputanne wuassu walahannu. Ringannu tawe go'ane i tou sarun mangundani-U napawe i tou Ta'u waggoanna sumaruanna si Ya'u. Ana waugu isaite apan waṛṛani sumaruanna si Ya'u ringannu apulune sassane? I yamiu sarun maola'a uma-U wuṛṛu i Ya'u mabbal᷊i Ruatanu. I Ya'u, Mawu apan namasingkattu udde.”

YEREMIA 32:24

Manga taumatan Babel buatte napararisikku manga tanda'a batu palliwunanna mipamal᷊iwutta soa huna ipangaṛṛo, wuṛṛu orassa indi i mangitou mammangalote. Pangalo, ṛutumma, wuṛṛu al᷊aṛṛusa'itta maola'a pangillul᷊ennu soa indi manawo su lima mangitou. I'o maasilo manungku sarangkanambone apan niwisara-Nu nilumiatta'e.

YEREMIA 33:21

Aroddi lai Ya'u buatte namattan paaire ringannu allang-Ku Daud, manungku wuassu papapulunne sidutu sarun pia sangkatou apan maola'a ratu; wuṛṛu i Ya'u buatte namattan paaire ringannu manga imam papapulunni Lewi manungku i mangitou sidutu sarun mangimbe si Ya'u. Manga paaire udde tawe iapappassa.

YEREMIA 33:26

aroddi lai Ya'u sarun sidutu uaaggassa pa'aire-U ringannu papulunni Yakub wuṛṛu ringannu allang-Ku Daud. Sangkatou wuassu papapulunni Daud sarun Ta'u pileanna mamarenta papapulunni Abraham, Ishak, wuṛṛu Yakub. I Ya'u sarun umakkannu uma-U, wuṛṛu ma'ola'a si mangitou su lal᷊umanna'a apia.”

YEREMIA 52:4

ana waugu udde i Nebukadnezar ringannu anambon buntuannu pangalone nirumanta wuṛṛu namangalo Yerusalem su allo appul᷊one wul᷊anna appul᷊one sulal᷊ummu tonna assione sutempo i Zedekia uaparenta. I mangitou napararisikku atanaanni mangitou su liuddu soa, na'ola'a darandungngu pamangaloanna

YEHEZKIEL 21:13

ana waugu i Ya'u tantal᷊anna mannal᷊u'atta uma-U, amungkangngu i mangitou maddiri mangapia pallal᷊agune, sarangkanambone udde sarun mariaddi si mangitou.’

YEHEZKIEL 34:23

I Ya'u sarun manenegu sangkatou ratu apan ere allang-Ku Daud, tadea'u maola'a mallal᷊u'addi mangitou, wuṛṛu i tou sarun mappadul᷊i si mangitou.

YEHEZKIEL 34:24

I Ya'u, Mawu, sarun maola'a Ruatan mangitou, wuṛṛu ratu apan ere allang-Ku Daud sarun maola'a tembonanni mangitou. I Ya'u Mawu buatte nabbisara.

YEHEZKIEL 4:2

Wua'udde hambara'a sambau palliwunanna su saruannu soa udde, ringannu manga hote, manga ombon leta'a, manga paddasananna wuṛṛu manga ahidda ipanggohakka tanda batu apan uapal᷊iwutta.

DANIEL 2:44

Sutempo pamamarentan manga ratu udde, Ruata su surga sarun mapararisikku sambau araratuanna apan mattaṛṛangnga saran mal᷊annu-l᷊annu wuṛṛu sarun tawe iawaddon al᷊awo'u walahanna su al᷊awo'u tampa. Araratuanna udde sarun makkimunsa'a al᷊awo'u walahanna su al᷊awo'u araratuanna waine udde.

DANIEL 9:25

Woṛṛeta'e wuṛṛu sunnaite indi: Pitu ikalin pitun pulo su tonnane sarun masue, manattakka wuassu tempone niapasabbangnga parenta ipabbangunna apia Yerusalem, maddatingngu darantan sangkatou piaṛṛa'a nipilen Duata. Su al᷊annunne pitu ikali annummu pulo dua su tonnanne manga lal᷊anna wuṛṛu manga tanda'a watun Yerusalem sarun iaparisikka apia, arawe tempo udde napenen asasusa.

HOSEA 3:5

Arawe sarun dumanta tempone walahannu Israel mabbelengnga ringannu Mawu Ruatan mangitou, wuṛṛu ringannu ratun mangitou wuassu papapulunni Daud. Ana see i mangitou sarun mata'utta wuṛṛu mangadatta Mawu, see manengkamma manga al᷊aman-Ne.

MIKHA 5:2

Nariaddi, Mawu sarun mamalan uman-Ne tataṛṛinoannu manga seetti mangitou ma'oman sara wawine apan tinantunna mabbal᷊i inangngu piaṛṛa'a apan manungkangngi Tou. Wua'udde manga taumata sambalahanne apan poi su pamamuanganna sarun iammulla apia ringannu walahanni mangitou.

HAGAI 2:7

Anambon walahanna sarun Ta'u pata'utanna wuṛṛu darotongngi mangitou sarun iapidda inawarendi, na'oman sara Wal᷊e-U mapenen paa'alan mangitou.

ZAKARIA 9:9

Ei tumana'u Sion, lalluasse! Ei tumana'u Yerusalem, paggiote! Pa'ellege! Rutunu nirumanta ringannu auntunganna! I tou ratu matul᷊idda apan uaapiddu asasal᷊amatta. Arawe ringannu napenen asasaṛṛionto'u naungnga i tou nirumanta uasa'e keledai, sambau keledai saṛṛen tumuwo.

MALEAKHI 3:1

Mawu Apan Lembontaṛṛino sinumimbakka, “Ya'u sarun mandolokku daroloṛṛang-Ku iapasaddia lal᷊ang-Ku. Ne ringannu inaṛṛombanganne i Ya'u, Mawu apan raddeaanni yamiu, sarun dumanta su Wal᷊e-U. Daroloṛṛang-Ku apan aantimanni yamiu udde sarun dumanta wuṛṛu umal᷊iatan paaire-U.”

MALEAKHI 4:2

Arawe si yamiu apan matuṛṛutta si Ya'u, taṛṛino-U apan mannal᷊amatta sarun sumabbangnga ere matannallo, wuṛṛu semakke mangngapiddu apapia. I yamiu sarun mapallossa wuṛṛu lumuassa ere ana'u sapi apan wakku niapasabbangnga wuassu tatandange.

REENGANNA 24:19

Wuassi Yakub sarun dumanta sangkatou tembonanne, apan sarun mamate manga seenne.”

MATIUS 28:18

Mawu Yesus nangundani mangitou wuṛṛu nabbisara, “Anambon taṛṛino su surga wuṛṛu su runia suete tinantilla si Ya'u.

LUKAS 1:32

I Tou sarun maola'a wahewa wuṛṛu sarun isago Ana'u Ruata Lembon Atanggaṛṛanne. Mawu Ruata sarun ma'ola'a si Tou ratu ere i Ratu Daud iupungngu al᷊amonane.

LUKAS 1:69

I Tou nangonggolla si ite mananal᷊amatta matohassa, papapulunni Daud, allang-Nge.

LUKAS 2:11

Allo indi su soan Daud nasungkangke Ratum Punnu Sal᷊amatti yamiu, eteudde i Kristus, Mawu.

YOHANES 1:4

Ṛengetanna udde punnu wiakka, wuṛṛu wiakka udde mannemakka taumata.

YOHANES 1:9

Semakka tutune apan mannemakka anambon taumata, nirumanta su runia.

1 PETRUS 3:22

wuṛṛu suete nasengkenga su surga. Orassa indi i Tou uataṛṛino suaddio'a ringannu Ruata wuṛṛu uaparenta anambon malaekatta, anambon tembonanne see lai anambon atatohassa.