YEHEZKIEL 20:40 - WUKE SUSI WATTI'U AL᷊AL᷊USASSA

⁴⁰ Ana waugu udde su leta'u Israel, su puiddu wowone-U apan na'ukkassa, i yamiu sarangkanambone walahannu Israel sarun massubba si Ya'u. Poiaroddi i Ya'u saru mal᷊uassa wuṛṛu mappulute manengkamma sasambanu, manga aonggolla apan apianne wuṛṛu manga darangngunu apan uaṛṛaete.

YEHEZKIEL 20:40 Iomraidhean Croise

2 SAMUEL 24:23

I Arauna nangonggollu sarangkanambone udde su ratu, lapiddu nabbisara, “Doronganna Mawu Ruatan Tuangnga manengkamma aonggolli Tuangnga.”

DARALO 2:6

Wisara-Ne, “Su Sion wui-U apan susi buatte Ta'u nitenega ratu nipile-U.”

YESAYA 56:7

“I Ya'u sarun Ta'u iapidda watukku Sion, su wui-U apan susi, wuṛṛu Ta'u onggol᷊annu al᷊al᷊uassa su wal᷊en patataṛṛamawuanna si Ya'u. Manga sasamba apan nionggolli yamiu su mezbah-U sarun Ta'u sengkamanna. Wal᷊e-U sarun isaggo wal᷊en a'al᷊iomanannu anambon walahanna.”

YESAYA 60:7

Ambingnga domba wuassu Kedar niapidda ringannu domba mendangenna wuassu Nebayot nasaddiate su ipattaṛṛamawunu. Sasamba udde ma'al᷊uassa naungngu Mawu i Tou nalloggakka Wal᷊en-Ne apan napenen awawantuga.

YESAYA 66:20

Wuassu manga wanua udde i mangitou sarun mangapidda apia manga tuṛṛangngi yamiu sambalahanna maola'a aonggolla si Ya'u. I mangitou sarun mangapiddu manga taumata udde su wui-U apan susi su Yerusalem ringannu uasa'e awal᷊o, keledai wuṛṛu unta, wuṛṛu ringannu kereta see roda, ere inanaramannu taumatan Israel mangngapidda su Wal᷊en Mawu sasamba gandumma sulal᷊ummu tampane apan baresi.

YESAYA 66:23

Suapan Bul᷊anna wakku wuṛṛu suapan allon Sabat anambon umattu taumata sarun dumanta massubba si Ya'u su Yerusalem.

YEREMIA 31:12

Watukku Wuiddu Sion i mangitou sarun dumanta ringannu hati apan matilangnga, lapiddu mangngantari ringannu lullala'a ana waugu anambon aonggo-U si mangitou, eteudde gandumma, lana, anggore, sapi wuṛṛu domba. I mangitou naal᷊ihidda wailla apan ua'ene natimu, tawe atalannu apa-apa.

YEHEZKIEL 17:22

Eteindi apan niwisara Mawu Apan Atanggaṛṛanne, “Wuassu punnu alu cemara apan al᷊angkasanne, sarun ta'u sappoanna lal᷊uwone see Ta'u paddianna sambau rannane apan ta'e wakku; Ta'u isuanna ranna udde su wowone apan manunggakka watukku winabbawa.

YEHEZKIEL 17:23

Su wowone apan atanggaṛṛanne su Israel, i tou Ta'u ipasi'a. Poiaroddi i tou sarun mallal᷊uwo, wuṛṛu mangonggollu wuane, see maola'a alun cemara apan mawantuga. Al᷊awo'u hati manu'u winalanganna sarun massal᷊akka sulal᷊umme wuṛṛu massirungnga su al᷊ungne.

YEHEZKIEL 28:14

Mala'ekatta apan maata'utta Ta'u iaddo isudde iapariagga si'o. I'o uatana'a su wowone-U apan na'ukkassa wuṛṛu u'amatta su pattangngannu watu permata apan lullendappa.

YEHEZKIEL 40:2

Sulal᷊ummu sambau aellega, Ruata nangapi'u watukku leta'u Israel wuṛṛu i ya'u niaddo su wowone apan atanggaṛṛanne. Su saruangku aellehangku ammul᷊annu bangunanna naal᷊ihidda sambau soa.

YEHEZKIEL 43:12

Eteindi ola'u atokku Wal᷊e Mawu: Ehewallu wageangngu leta'a maranine su puiddu wowone uddewe lembon na'ukkassa.”

YEHEZKIEL 43:27

Napawe pitu allo udde nal᷊iudde, manga imam ṛinone mannattakke mangonggollu sasamba itattambunna wuṛṛu sasamban paddarame maola'a hausannu umatta. Ne i Ya'u mal᷊uassa ringanni yamiu sarangkanambone. I Ya'u, Mawu Apan Atanggaṛṛanne buatte nabbisara.”

OBAJA 1:16

Su puiddu wowone-U apan susi uma-U buatte na'inumma ua'e apan nammasingkattu ṛuumanne. Arawe ua'en manga walahanna su runia indi mappetanna lai. Ṛuumanna udde tawe ial᷊asso'i mangitou. I mangitou sarun ma'inumma ma'iman sara masue, wua'udde i mangitou sarun mawul᷊i tawe lannangnge.”

ZEFANYA 3:11

Sutempo udde, ei uma-U, i yamiu ariete paasili lai ana waugu buatte nilumawangnga si Ya'u. I Ya'u sarun mallimbuakka suapan taumata mawunga wuṛṛu matanggakka, wuṛṛu i yamiu tate lumawangnga apia si Ya'u su wui-U apan susi.

MALEAKHI 1:11

I Ya'u aaddatannu manga walahanna su ahewallu runia. Suapan tampa itattambunna amania iapangaddatta arang-Ku wuṛṛu nionggolla manga sasamba apan suṛṛinone, ana waugu anambon balahanna mangngaddatta si Ya'u!

MALEAKHI 3:4

Ne ere sutempon dorone, Mawu sarun manengkamma manga sasamba apan niongollu umattu Yehuda wuṛṛu Yerusalem si Tou.

ROMA 8:23

Wuṛṛu wal᷊ine tumba'u pati'uppu runia sassane sussal᷊ande; i ite sassane lai sussal᷊ande sulal᷊ummu naungngi ite. I ite buatte nanengkamma Ghaṛṛahon Duata, aonggolu Ruata apan paarorone, arawe i ite lai ta'e uaraṛṛado Ruata mapaal᷊iun kite wuassu sarangkanambone, wuṛṛu manga'u si ite maola'a al᷊aṛṛanang-Nge.

IBRANI 13:15

Ana waugu udde, ringannu tatangngannu Mawu Yesus, ṛinone i ite sidutu maddalo Ruata; udde maola'a sambau aonggolu a'adiangkamanni ite si Tou, apan nionggoli ite ringannu wisaram wiwikka ipaddalo aran-Ne.

1 PETRUS 2:5

I yamiu naal᷊ihida manga watu apan wiakka. Ana waugu udde ṛinone i yamiu pia apulu ipaatta ipa'ola'a Wal᷊en Duata apan pia ghaṛṛaho. Ringannu aroddi yamiu naola'a manga imam, apan mabbiakka tumba'u hunane su Ruata, wuṛṛu sulal᷊ummi Yesus Kristus mangonggola su Ruata, sasamban pangangimanna apan ipaapulun Duata.

SONDAPPA 12:1

See niasiloanna su langitta sambau apan ma'aṛṛindu'a wuṛṛu tumaniten ma'atiangnga. Sangkatou wawine ual᷊uṛṛen matannallo peddene, tantal᷊anna uarisikka su wowon wul᷊anna. Su puane pia sambau araposan araratuanna niola'a wuassu mapul᷊o dua anumpitanna.

SONDAPPA 21:10

Ne Ghaṛṛahon Ruata nangintaṛṛo si ya'u, wuṛṛu mala'ekatta udde nangapi'u watukku wowone apan tumaniten matanggaka. I tou namantingiddu Yerusalem si ya'u, soa susi udde, soa udde nonto'a wuassu surga, wuassu Ruata,