YEHEZKIEL 20:39 - WUKE SUSI WATTI'U AL᷊AL᷊USASSA

³⁹ Mawu Apan Atanggaṛṛanne nabbisara, “Ei manga taumatan Israel, orassa indi walate i'o. Asal᷊a'e ma'ola'a rosa ringannu massubba manga paal᷊uannu! Arawe paanaungete manungku wua'udde i yamiu ṛinone tumuṛṛutta si Ya'u wuṛṛu tate lai mallobbossa arang-Ku apan na'ukkassa ringannu mangngapiddu sasamba su manga paal᷊uannu udde.

YEHEZKIEL 20:39 Iomraidhean Croise

2 MARARATU 3:13

“Anio maitul᷊unga si ya'u?” wisaran Elisa su ratun Israel. “Roote su manga nabin hagurangngu!” “Tawe!” sasimbakki Yoram. “Ana waugu ete Mawu apan nakkiinna manantilli yami siri tallu su ratun Moab.”

DARALO 81:12

Arawe al᷊aṛṛana-U maddiri maddaringikka si Ya'u, Israel maddiri tumuṛṛutta si Ya'u.

AMSAL 21:27

Mawu tawe lumuassu sasamban taumata lal᷊eo, nangillembote amungkangngu ionggolla ringannu naungnga lal᷊eo.

YESAYA 66:3

Arawe walahanna udde ma'ola'a walate apulu mangitou; i mangitou mal᷊uassa mattaṛṛamawu ringannu atokke apan ma'arantinna. Si mangitou tawe paddaṛṛalanne: mangngonggollu sapi esakka wuṛṛu mangngonggollu taumata, mangngonggollu ana'u domba wuṛṛu mammaddi ullekkan asu; mangngonggollu gandumma wuṛṛu mangngonggollu daṛṛan bawi, mannambunnu amania wuṛṛu massubba pa'al᷊uanna.

YEHEZKIEL 43:7

“Ei taumata apan mattate, eteindi adderan araratuang-Ku. Ete isindi i Ya'u sarun matana'a su pattangngu umattu Israel wuṛṛu mamarenta si mangitou saran mal᷊annu-l᷊annu. Mawae ete i mangitou aroddi lai manga ratu mangitou, tate lai mandal᷊eo arang-Ku apan na'ukkassa ringannu massubba paal᷊uanna ara'e ringannu mallabingu winal᷊unannu manga ratu mangitou su tampa indi.

HOSEA 4:17

Umattu Israel niawono'ante paal᷊uanna. Ana waugu udde wala'e i mangitou.

AMOS 6:10

Sangkatou reengannu amonanna apan mammanara pallal᷊abbinge, sarun dumanta wuṛṛu mangapidda su liuddu winal᷊uanannu tuṛṛangnge. I tou sarun mangintul᷊i su taumata apan poi su liuddu wal᷊en udde, “Apa ta'e piaddu wiakka wal᷊ine wuassi'o?” Ne sarun aringiṛṛanna sasimbakke, “Tate!” Reengannu amonanna mammanara mallabbingu winal᷊unanna udde sarun mabbisara, “Imbaṛṛangnga mabbisara apia! I ite tawe wotongnge managgon arannu Mawu.”

MATIUS 6:24

“Tawe saran sangkatou taumata maamanara su ruang katou mawu. Ana waugu i tou sarun lembo marangngu sangkatou wuassu sangkatou apan baine. Ara'e i tou lembo matuṛṛutta su mawune apan sambau wuassu mawune apan baine. Aroddi lai matataṛṛino si yamiu. I yamiu tawe maappammanara manara su Ruata wuṛṛu su darotongnga lai.

WATTI'U MANGA RASUL 7:42

Ne Ruata nanantangngi mangitou wuṛṛu namala mangitou massubba manga anumpitanna su langitta. Udde ere lai uawoṛṛetta sulal᷊ummu Wuke Manga Nabi. Arendi, ‘Ei manga taumatan Israel! Wal᷊inewe hunane si Ya'u i yamiu mammototta wuṛṛu ma'ola'a sasamba wuassu winatangnga, appatu pul᷊o su tonnane al᷊annune su wadda'a.

2 TESALONIKA 2:11

Ana waugu udde Ruata napaarantan taṛṛino apan mangngal᷊iwun mangitou, na'oman sara i mangitou nangimanna watti'a apan nassal᷊a udde.

YOSUA 24:15

Unnu wisara i yamiu mattaṛṛamawu su Mawu, paaṛṛawesse allo indi lai, ete sisai yamiu maapulu mattaṛṛamawu; su manga Mawu waine apan sassubbannu iupungngu al᷊amonanu su Mesopotamia dorone, ara'e su manga mawun taumatan Amori apan wanuane atatanaanni yamiu orassa indi. Arawe yami – i ya'u wuṛṛu amonangku sarun tumba'u mattaṛṛamawu su Mawu sassane.”

MAL᷊AṚṚUUNGNGA 10:14

Roote ringannu manga monganna apan nipilen kamiu udde. Sassal᷊andete si mangitou! Walate i mangitou mantul᷊ungnga su tempo i yamiu sulal᷊ummu asasusa.”