YEHEZKIEL 20:36 - WUKE SUSI WATTI'U AL᷊AL᷊USASSA

³⁶ ere lai buatte Ta'u niola'a su saruannu al᷊amonanu su Wadda'u Sinai. I Ya'u Mawu Apan Atanggaṛṛanne buatte nabbisara.

YEHEZKIEL 20:36 Iomraidhean Croise

YESAYA 3:14

Mawu naola'a mallaṛṛuungnga su manga mamamiaṛṛa'u uman-Ne. Eteindi papaṛṛansillu Mawu si mangitou: “Ete i yamiu apan nangaṛṛo wuan manga wawail᷊annu anggore; wal᷊enu napenen darotongnga apan niaṛṛon kamiu wuassu taumata asiangnga.

YEREMIA 2:9

Mawu nabbisara, “Orassa indi pabbawala-U Ta'u ipaggatto apia, wuṛṛu papapulunne Ta'u parikisanna.

YEREMIA 25:31

Naddatingngu pentakku runia tingik-Ke nunnalunna; Mawu na'ola'a hatto su saruannu manga walahanna. Anambon taumata sarun parikisanna wuṛṛu iapa lal᷊eo sarun iṛṛuumanna pateanna.’ ”

YEHEZKIEL 17:20

I Ya'u sarun mamataddu soma ipanametta si mangitou. I tou sarun Ta'u iapidda su Babel wuṛṛu Ta'u iṛṛuumanna poiaroddi, ana waugu i tou tawe satia si Ya'u.

YEHEZKIEL 20:13

Arawe su wadda'u anne udde, i mangitou nilumawangnga manga parenta-U, wuṛṛu nanol᷊a'u manga tita-U apan maola'a wataṛṛu manungku taumata apan matuṛṛuta sidutu wiakka. I mangitou tumanite nanggal᷊usa'a allon Sabat. Ana waugu udde, su wadda'u anne udde i Ya'u nasaddiate mamallossu asasa'u-U su saruanni mangitou wuṛṛu mamate si mangitou.

YEHEZKIEL 20:21

Arawe ingana'a saṛṛen tumuwo udde mal᷊awangnga si Ya'u. I mangitou lullawangnga manga tita-U wuṛṛu tawe maddaringikka manga parenta-U, apan maola'a wataṛṛu manungku taumata apan tuttuṛṛuta udde sidutu wiakka. I mangitou manggal᷊usa'a allon Sabat. Ana waugu udde i Ya'u nasaddiate mamallossu asasa'u-U su saruanni mangitou su wadda'u anne udde wuṛṛu mamate si mangitou sarangkanambone.

YEHEZKIEL 20:35

See i yamiu sarun Ta'u iapidda watukku ‘Wadda'u Manga walahanna’. Poiaroddi i yamiu sarun Ta'u parikisanna ringannu uahahati,

YEHEZKIEL 34:17

Paddaringikka, ei manga domba-Ku! I Ya'u, Mawu Apan Atanggaṛṛanne nabbisara si yamiu manungku i Ya'u sarun makkuungngi yamiu sambau-sambau wuṛṛu maṛṛaen iapa mapia wuassi iapa lal᷊eo, manga domba wuassu manga ambinga.

AMOS 3:2

“Wuassu anambon walahanna su runia, ete i yamiu sassane walahanna apan asingkatang-Ku wuṛṛu lal᷊u'arang-Ku. ana waugu udde rosanu wahewalla, wuṛṛu i Ya'u sarun makkuumanni yamiu.”

TAHIUL᷊E 32:10

I Tou naaratingnga si mangitou tantal᷊anna lullalele su tampa apan mal᷊annaba su wadda'a mal᷊alangnga. Ana see i Tou nallu'adda wuṛṛu nappadul᷊i si mangitou wuṛṛu nandiaga si mangitou naal᷊ihidda pussaa-Ne.