YEHEZKIEL 20:30 - WUKE SUSI WATTI'U AL᷊AL᷊USASSA

³⁰ Nariaddi pasingkata'a su taumatan Israel apa apan i Ya'u, Mawu Apan Atanggaṛṛanne nabbal᷊o si mangitou. ‘Anio i yamiu na'ola'a manga rosa ere buatte niola'u iupungngu al᷊amonanu? Ere lai i mangitou, i yamiu lai mengngaṛṛussa manga paal᷊uanna apan maarantinna udde.

YEHEZKIEL 20:30 Iomraidhean Croise

2 TAWARIKH 30:7

Ariewe ere iupungngu al᷊amonanu wuṛṛu manga taumatan Israel waine apan tawe maddaringikka Mawu Ruatan mangitou. I yamiu naasilote sassane ereapa awakkanne i Tou nakkuumanni mangitou.

DARALO 106:39

Ana waugu manga inolaanna udde i mangitou narosa, wuṛṛu tate maddaringikka Ruata.

YEREMIA 16:12

Arawe i yamiu ma'ola'a lembon al᷊al᷊eone lai. Puang kamiu maattikka wuṛṛu tumba'u tuttuṛṛutta apulunu sassane apan dal᷊eo. I yamiu tawe tumuṛṛutta si Ya'u.

YEREMIA 7:26

Arawe taweddu maddaringikka ara'e massunna. I yamiu ewe'e lai nabbal᷊i lembon aattikke wuṛṛu lal᷊eo wuassu iupungngu al᷊amonanu.”

YEREMIA 7:9

I yamiu manna'o, mammate, sussandaga, mattiala awusu, mangngongollu sasamba si Baal, wuṛṛu massubba manga monganna apan awagananni yamiu.

YEREMIA 9:14

I mangitou puane maattikka wuṛṛu massubba manga paal᷊uanni Baal ere buatte niaṛṛa'u al᷊amona mangitou.

YEHEZKIEL 2:3

“Ei taumata apan mattate, i'o Ta'u irolokka inai ringannu manga taumatan Israel apan lullawangnga si Ya'u. I mangitou udde lullawangnga ere iupungngi mangitou lai.

YEHEZKIEL 20:26

Ta'u niwala i mangitou nanggal᷊usaa'a watanganne ringannu manga sasamba mangitou sassane, ewe'e lai manga ana'a esakka pahul᷊u niola'i mangitou sasamba. Ringannu olangnge udde i Ya'u makkuumanni mangitou tadea'u i mangitou maasingkatta manungku ete i Ya'u Mawu.

YEHEZKIEL 20:29

I Ya'u naiwal᷊o si mangitou, ‘Manga tampa apan matanggakka ereapa apan tattemboanni yamiu udde?’ Ne nanattakka orassa udde manga tampa udde nisaggo ‘Manga tampa matanggakka’.

REENGANNA 32:14

Lumawangnga ere manga iamangngu! I yamiu atonna ammul᷊annu manga taumata marosa apan ma'ola'a asasa'un Mawu nangillembo su walahannu Israel!

MATIUS 23:32

Amungkangngu aroddi sidutua'e wuṛṛu insuete manga rosa apan suete tinattakku iupungngu al᷊amonang kamiu udde!

WATTI'U MANGA RASUL 7:51

Wal᷊ine hampa aatikku puan manga tuṛṛangnga, wuṛṛu aroddi asahadde tumuṛṛutta Ruata! Tal᷊inganu wengella ipadaringikka wisaran Ruata! I yamiu naal᷊ihida ere iupungngu al᷊amonanu; sidutu lullawangnga Ghaṛṛahon Ruata!

MAL᷊AṚṚUUNGNGA 2:19

Arawe napawe piaṛangnge udde natete, pallal᷊aghun balahanna udde maddal᷊eonna wuassi ngana'a dorone. I mangitou mattaṛamawu manga mawu waine wuṛṛu massubba manga mawu udde. I mangitou nabelengke su inananaramanni mangitou apan lal᷊eo wuṛṛu maddiri mamal᷊u pallal᷊aghun mangitou.