YEHEZKIEL 20:22 - WUKE SUSI WATTI'U AL᷊AL᷊USASSA

²² Arawe i Ya'u tawe na'ola'a tadea'u arang-Ku tawe lobbosannu manga walahanna apan naasilo si Ya'u nangapiddu Israel sinumabbangnga wuassu Mesir.

YEHEZKIEL 20:22 Iomraidhean Croise

AYUB 13:21

illol᷊oa'e manansara si ya'u, wuṛṛu ariewe i ya'u mandantan araṛṛagin-Nu si ya'u!

DARALO 115:1

Wal᷊ine i yami, oh Mawu, wal᷊ine i yami, arawe tumba'u I'o apan raddaloanna, ana waugu I'o mapia wuṛṛu sidutu marangngu.

DARALO 25:11

Mawu, ampungewe i ya'u ere buatte nipa'ire-Nu, ana waugu pasasal᷊a'u tumaniten wahewalla.

DARALO 78:38

Arawe Ruata mandangngu wuṛṛu nangampunga al᷊aṛṛanang-Nge, wuṛṛu tawe namate si mangitou. Masokka-sokka i Tou maṛṛaddannu asasa'u-Ne, wuṛṛu tawe mapasabbangu naung-Nge lal᷊eo.

YEREMIA 14:21

Naungete paaire-Nu, ariewe i yami heloan-Nu; pa'aire-Nu si yami ariewe tawe maola'a. Yerusalem tampa bal᷊en araratuan-Nu apan mawantuga, ariewe heloan-Nu.

YEREMIA 14:7

Uma-U ma'ial᷊are, ‘Mawu, salaiwe rosan kami mammaṛṛansilla si yami arawe ontol᷊ewe i yami ere buatte nipa'ine-Nu. I yami buatte nanantang-Ngu masokka-sokka; atonna, i yami narosate su Mawu.

LAL᷊ALLU 2:8

Mawu buatte nakkawessa manungku manga darandungngu Sion ṛinone iṛṛa'a. Manga darandungnga udde buatte niuuṛṛan-Ne, tadea'u sarangkanambone wotongnge iṛṛa'a-Ne. Manga darandungnga wuṛṛu manga candi, orassa indi nabbal᷊ite tuidda abbi.

YEHEZKIEL 20:14

Arawe i Ya'u maddiri ma'ola'a udde waugu awawantugu arang-Ku, tadea'u arang-Ku tawe al᷊uandahannu manga walahanna apan naasilo si Ya'u nangapiddu Israel sumabbangnga wuassu Mesir.

YEHEZKIEL 20:17

Arawe wua'udde i Ya'u niumakkanni mangitou, na'oman sara i mangitou tawe nariaddi nipate-U su wadda'u anne udde.

YEHEZKIEL 20:9

Arawe i Ya'u tawe na'ola'a udde, tadea'u arang-Ku tawe al᷊uandahannu manga walahanna su tampa i mangitou uatana'a. Ana waugu su saruannu manga walahanna udde, i Ya'u buatte namasingkatta manungku walahannu Israel sarun Ta'u iapidda sumabbangnga wuassu Mesir.

DANIEL 9:17

Oh Ruatan kami, daringiṛṛewe aal᷊iomanna wuṛṛu sasalande'u. Welengaawe wal᷊e-Nu apan buatte niniṛṛimunsa'a udde, apiate tadea'u anambon taumata masingkatta manungku ete I'o Ruata.

DANIEL 9:19

Mawu, daringiṛṛewe i yami, ampungewe i yami, lu'arewe i yami wuṛṛu pammanarate ringannu mal᷊ihakka! Ariewe mal᷊annu-l᷊annu, tadea'u anambon taumata masingkatta manungku ete I'o Ruata, Ana waugu Yerusalem wuṛṛu uman-Nu udde pussaa-Nu apan apianne.”