YEHEZKIEL 20:19 - WUKE SUSI WATTI'U AL᷊AL᷊USASSA

¹⁹ Ete i Ya'u Mawu Ruatanu. Paatuṛṛutte manga tita wuṛṛu manga parenta-U.

YEHEZKIEL 20:19 Iomraidhean Croise

DARALO 105:45

tadea'u al᷊aṛṛanang-Nge udde matuṛutta su manga tita-Ne wuṛṛu maddaringikka manga parenta-Ne. Paddalote Mawu!

DARALO 119:4

I'o nangonggolu tita-Nu si yami, oh Mawu, tadea'u i yami mappaamattu udde ringannu matuṛutta.

SASABANGNGA 6:7

I yamiu sarun Ta'u iapidda watukku wanua apan buatte nipa'ire-U ringannu sasalu si Abraham, i Ishak wuṛṛu i Yakub; leta'a udde Ta'u ionggola si yamiu maola'a pussaanu sassane. Ete i Ya'u Mawu.”

YEHEZKIEL 11:20

Ne i mangitou sarun matuṛṛutta su manga atorang-Ku wuṛṛu mararingikka anambon parenta-U. I mangitou sarun maola'a uma-U wuṛṛu i Ya'u sarun maola'a Ruata mangitou.

YEHEZKIEL 36:27

Ghaṛṛaho-U sarun Ta'u ilal᷊inna sulal᷊ummu naungngu wuṛṛu i yamiu sarun Ta'u riaganna tadea'u mabbiakka tumuṛṛuttu manga tita-U see tuttuṛṛutta al᷊awo'u parenta-U.

YEHEZKIEL 37:24

I mangitou sarun i'aukka su al᷊ungngu sangkatou ratu ere i Ratu Daud apan sarun mamarenta saran mal᷊annu-l᷊annu. Ringannu satia i mangitou sarun tumuṛṛutta manga tita-U. Wuṛṛu saran mal᷊annu-l᷊annu i mangitou see papapulunni mangitou sarun mamanua su leta'a udde, leta'a apan Ta'u nionggolla si Yakub wuṛṛu niwanuannu iupungngu al᷊amona mangitou.

IMAMATTA 18:4

Paatuṛṛutte su manga tita-U wuṛṛu daringiṛṛete sarangkanambone apan Ta'u iparenta. Ete i Ya'u Ruatanu.

TAHIUL᷊E 11:1

“Pandangngute Mawu Ruatanu, wuṛṛu paatuṛṛutte al᷊awo'u parenta-Ne.

TAHIUL᷊E 12:1

“Indiwe manga tita apan ṛinone tuṛṛutanni yamiu su al᷊o'engngu pabbiaṛṛannu su wanua apan nionggolu Mawu, Ruatan iupungngu al᷊amonanu.

TAHIUL᷊E 4:1

Ana see i Musa nabbisara su walahanna udde, “Paatuṛṛute anambon tita apan ta'u niaṛṛa'a si yamiu, tadea'u i yamiu wotongnge mabbiakka ma'oman sara mamanua su leta'a apan nionggolu Mawu Ruatan al᷊amonanu si yamiu.

TAHIUL᷊E 5:1

I Musa nangammulu anambon balahanna Israel, ana see nabbisara si mangitou, “Manga tuṛṛangnga, paddaringikke manga tita apan ta'u ionggola allo indi. Urumete manga tita udde, wuṛṛu paatuṛṛutte ringannu maadunna.

TAHIUL᷊E 5:32

Tuṛṛa-tuṛṛangku, paatuṛṛutta ringannu mapia al᷊awo'u parentan Mawu Ruatanu si'o. Imbaṛṛangnga lumawangnga saran sambau wuassu manga parenta udde.

TAHIUL᷊E 5:33

Ola'e sarangkanambone apan nititan Mawu Ruatanu si yamiu tadea'u i yamiu su lal᷊umanna'a wuṛṛu sidutu mattatana'a su wanua apan sarun atanaanni yamiu.”

TAHIUL᷊E 6:1

“I Ya'u nirolokku Mawu Ruatanu iapatantiro anambon tita indi si yamiu tadea'u i yamiu ma'ola'a su wanua apan tate mal᷊annu lai atanaanni yamiu.

TAHIUL᷊E 6:2

Ṛinone i yamiu wuṛṛu papapulunnu su al᷊o'engngu pabbiaṛṛanna mangaddata Mawu Ruatanu wuṛṛu tuttuṛṛutta anambon tita-Ne apan ta'u niapasingkatta si yamiu tadea'u uukku malo'engnga mabbiakka su wanua udde.

TAHIUL᷊E 8:1

“Anambon tita apan ta'u nionggola si yamiu allo indi ṛinone olaanni yamiu ringannu matuṛṛutta, tadea'u i yamiu sidutu wiakka, a'atambanna anambone wuṛṛu mamanua su leta'a apan pina'iren Mawu su iupungngu al᷊amonanu.

TAHIUL᷊E 8:2

Paanaungete! Appatu pul᷊o su tonnane al᷊annune Mawu Ruatanu uapiaṛṛa'i yamiu sulal᷊ummu amatanna marau sumabbi wadda'a. Amamatta udde pandumanne pa'annamannu Mawu si yamiu, tadea'u i Tou wotongnge maasilo apa apan uaraddo sulal᷊ummu naungngu wuṛṛu tanne i yamiu sarun tumuṛṛutta manga parenta-Ne.