YEHEZKIEL 20:16 - WUKE SUSI WATTI'U AL᷊AL᷊USASSA

¹⁶ Wawansaga udde Ta'u niwisara ana waugu i mangitou tawe maddaringikka manga parenta-U, nilumawangnga manga tita-U wuṛṛu nanggal᷊usa'a allon Sabat. I mangitou mappianne massubba manga paal᷊uanni mangitou.

YEHEZKIEL 20:16 Iomraidhean Croise

YEHEZKIEL 11:21

Arawe manga taumata apan apulune massubba manga paal᷊uanna apan lal᷊eo wuṛṛu maarantinna sarun Ta'u iṛṛuumanna ana waugu pallal᷊agu mangitou lal᷊eo udde.” Etearoddi wisara Mawu Apan Atanggaṛṛanne.

YEHEZKIEL 20:38

Manga lumal᷊awangnga wuṛṛu mandal᷊al᷊eo sarun Ta'u iramme wuassu wallatti yamiu. I mangitou sarun Ta'u iapidda sumabbangnga wuassu manga wanua tampa atatanaanni mangitou orassa indi wuṛṛu tawe Ta'u iwala mabbelengnga su leta'u Israel. Ne i yamiu naasingkatte manungku i Ya'u Mawu.”

YEHEZKIEL 20:8

Arawe i mangitou lullawangnga si Ya'u wuṛṛu maddiri maddaringikka si Ya'u. I mangitou maddiri manddamme manga paal᷊uanna apan maarantinna udde wuṛṛu lai maddiri mangillol᷊o massubba manga paal᷊uanna wuassu Mesir. Sutempo i mangitou ta'e poiaroddi, i Ya'u nasaddiate mapasabbangngu asasa'u-U si mangitou.

YEHEZKIEL 23:8

I tou uatatana'a sussandaga ere dorone a'olaanne su Mesir, isudde i tou niawul᷊iannu perawanne. Ro'en ta'e addio'a, i tou buatte niatiilanna ere sangkatou masandaga.

REENGANNA 15:39

Manga wawungkele uddewe maola'a pananaunganna: Suapan i yamiu maasilo, i yamiu maanaungnga al᷊awo'u parenta-U wuṛṛu tuttuṛṛuttanna. Wuṛṛu ana waugu udde i Ya'u tawe abbul᷊iananni yamiu su ipamatu'a apulu naungngu wuṛṛu ira-iranu sassane.

REENGANNA 25:2

Manga wawine udde mangngahe si mangitou watukku andeangngu sasamba ipangaddata monganni mangitou. Taumatan Israel inumanna lai sasamba udde wuṛṛu massubba mongannu taumatan Moab.