YEHEZKIEL 2:6 - WUKE SUSI WATTI'U AL᷊AL᷊USASSA

⁶ Arawe i'o, ei taumata apan mattate, arie mata'uttu manga lumal᷊awangnga udde, ara'e manga apa apan iwisara mangitou. I mangitou sarun lumawangnga wuṛṛu mangadio'a si'o, na'oman sara ereola'u i'o mabbiakka su pattangngannu kalajengkinga. Salaiwe aroddi, arie paata'utta.

YEHEZKIEL 2:6 Iomraidhean Croise

2 MARARATU 1:15

Su orassa udde lai mala'ekattu Mawu nabbisarate si Elia, “Arie pa'ata'utta! Tantalongke si tou sumossokka wuassu wuidda indi.” Ana waugu udde i Elia inaite suadio'a ringannu tembonannu tantara udde inaite ringannu ratu.

YESAYA 51:12

Mawu nabbisara, “Ete i Ya'u Mawu apan malluassa si yamiu. Anio i'o matta'uttu taumata apan mattate, su taumata apan niramme ere wal᷊abbuka?

YESAYA 51:7

Paddaringikke si Ya'u, ei pabbawala-Ku, i yamiu masingkattu apa apan naṛṛino; al᷊aṛṛa-U sasahipunanna sulal᷊ummu naungngu. Arie paata'utta amungkangngu i yamiu eetannu taumata, arie passinggawanga amungkangngu i yamiu al᷊uandahanni mangitou.

YESAYA 9:18

Mawu Apan Lembontaṛṛino tumanite massa'u, wuṛṛu ṛuuman-Ne naal᷊ihidda putungnga apan lukkanganggabba wuṛṛu walahanna udde naola'a alune apan nasue. Tawe saran sangkatou apan umakkannu tuṛṛangnge.

YEREMIA 1:17

Pandiahite, Yeremia! Roote wuṛṛu pasingkata'a si mangitou, sarangkanambone apan Ta'u nirolokka si'o. Arie mata'utti mangitou, tadea'u i'o tawe Ta'u olaanna lembon matta'utta lai sumaruanna si mangitou.

YEREMIA 1:8

Arie paata'utti mangitou, ana waugu i Ya'u sarun maṛṛundinganna si'o tadea'u mallu'adda si'o. Ya'u, Mawu, buatte nabbisara!”

YEREMIA 18:18

Taumata mabbisara, “Wette i ite ma'ammulle lumawangnga si Yeremia. Wal᷊ine tumba'u i tou apan botongnge maggahatton Duata. Sidutu sarun pia imam apan botongnge mangonggollu al᷊aṛṛa'a, pia taumata pande apan botongnge mangonggollu tatantiro; wuṛṛu pia nabi apan wotongnge mamasingkatta si ite manga tanata wuassu Ruata. Wette i ite mangalaen tou su mallaṛṛuungnga wuṛṛu lai maddirite maddaringikka manga wisarane.”

YEREMIA 6:28

I mangitou sarangkanambone lumal᷊awangnga apan maatikka puane, ere aattikku witu'a wuṛṛu atta'a. I mangitou ala'uanne mawukku'a wuṛṛu u'amatta suapan tampa mannal᷊iawukku watti'a apan mandal᷊eo taumata waine.

YEHEZKIEL 24:3

I Ya'u, Mawu, pia sambau sasumandingnga iapasingkatta su uma-U apan apulune lumawangnga: Lal᷊ina'a ua'e sulal᷊ummu awali ana see wuntal᷊a'e su putungnga.

YEHEZKIEL 28:24

Mawu nabbisara, “Manga wanua al᷊indonganne apan buatte nallobbossa Israel, tate maola'a sambau roa'a wuṛṛu larangnga apan maataddu'a Israel. I mangitou sarun maatutukka manungku ete i Ya'u Mawu Apan Atanggaṛṛanne.”

MIKHA 3:8

Arawe su ola'u watangangku indi, Mawu buatte nalloṛṛo ringannu ghaṛṛaho-Ne wuṛṛu taṛṛino-Ne. I ya'u nionggol᷊an-Ne pasasunna su ola'u atatul᷊idda, wuṛṛu lai awawaṛṛani tadea'u mapal᷊iatta'a su taumatan Israel manga rosa apan buatte niolangnge.

MIKHA 7:4

Apan apianne wuṛṛu atul᷊iranne wuassi mangitou lai naal᷊ihidda aputta ṛoaanna apan tawe gunane. Nia'omante tempone Ruata makkuumannu uman-Ne ere buatte niapasingkan-Ne si mangitou wuassu manga nabi-Ne. Orassa indi nilumapputte aal᷊iba'ukka suwallatti mangitou.

MATIUS 10:28

Arie mata'utti mangitou apan mammate wadangnga, arawe tawe taṛṛino mamate niawa. Ata'utten Duata apan uataṛṛino mamate, mapia ete wadangnga aroddi lai ṛimuudda sulal᷊ummu naraka.

LUKAS 10:19

Asingkatewe! I yamiu suete inonggol᷊annu taṛṛino tadea'u i yamiu wotongnge maṛṛinda atoanna wuṛṛu kalajengking lapiddu mamadi al᷊awo'u auatannu seetta, ringannu tawe saran sambau wotongnge manilaka si yamiu.

LUKAS 11:12

Ara'e mangagillu kalajengkingnga amungkangngu i tou madorongnga tallukka?

LUKAS 12:4

“Paanaunge, manga hawe'u! Arie pa'ata'utti mangitou apan mammate wadangnga arawe tawe maaola'a manampal᷊iu wua isudde.

WATTI'U MANGA RASUL 4:13

Manga wageangngu ammul᷊annu Mamamarikissa udde naherangnga naasilo awawaṛṛanin Petrus wuṛṛu i Yohanes, see lai i mangitou masingkatta manungku rasul darua udde taumata wiasa apan tawe si'ol᷊ane. See i mangitou naatutukke manungku rasul darua eteudde manga taumata apan uatantalongnga Mawu Yesus.

WATTI'U MANGA RASUL 4:19

Arawe i Petrus wuṛṛu i Yohanes sinumimbakka, “Ṛingiṛṛa'e sassane apa apan ṛinone su saruannu Ruata: tumuṛṛuttu parenta manga mawu ara'e tumuṛṛutta parentan Ruata.

WATTI'U MANGA RASUL 4:29

Orassa indi, Mawu, ellehete ereapa i mangitou mammansaggi yami. Wuṛṛu wala'e i yami, manga allang-Ngu indi mamasingkattu watti'a ringannu tawe matta'utta.

EFESUS 6:19

Wuṛṛu aal᷊iomante lai hunan kamiu, tadea'u su tempo i ya'u mabbisara, Ruata mangonggola si ya'u manga wisara apan naṛṛino. Wuṛṛu tadea'u ya'u ringannu waṛṛani wotongnge mabatti'u addappingu Watti'u Al᷊al᷊uassa udde.

FILIPI 1:28

Ṛinone i yamiu siddutu waṛṛani; arie matta'uttu manga seennu. Ringannu aroddi yamiu mapaal᷊iatta'a manungku i mangitou sarun maruggi, wuṛṛu i yamiu sarun maauntunga, ana waugu Ruata sassane apan mangonggolu auntunganna si yamiu.

2 TIMOTIUS 1:7

Ana waugu Ghaṛṛaho apan nionggolu Ruata si ite, wal᷊inewe Ghaṛṛaho apan ma'ola'a si ite matal᷊o. Arawe Ghaṛṛahon Duata udde maatohassa si ite, nepenen darangngu wuṛṛu maaṛṛaddannu watanganne.

IBRANI 11:27

Ana waugu mangngimanna, ne i Musa nanantangu Mesir ringannu tawe matta'utta su asasa'un ratu. Musa niumamatta mattudam pattudanne ere ola'u i tou naasilote Ruata apan tawe asiloanna udde.

1 PETRUS 3:14

Arawe salaiwe i yamiu uatataṛṛanga ana waugu ma'ola'a manga inolaanna mapia, i yamiu naauntunga! Arie paata'utti sai-sai wuṛṛu arie suminggawangnga.

SONDAPPA 9:10

I mangitou pia tol᷊ene wuṛṛu pia a'uinne naal᷊ihidda kalajengking. Wuṛṛu sulal᷊ummu tol᷊e mangitou udde pia atatohassi mangitou ipanansara taumata al᷊annune lima wul᷊anna.