YEHEZKIEL 2:1 - WUKE SUSI WATTI'U AL᷊AL᷊USASSA

¹ nabbisara, “Ei taumata apan mattate, darisikke. I ya'u mappulu maggahattonu.”

YEHEZKIEL 2:1 Iomraidhean Croise

DARALO 8:4

Amungkangu i ya'u maningngara langitta apan niriadi-Nu wul᷊anna wuṛṛu anumpitanna apan niaddo-Nu,

YEHEZKIEL 1:28

wuṛṛu manambo kalurene ere randipakka. Eteudde semakka lullansiangnga apan mapal᷊iatta'u daranta Mawu. Naasilo udde, i ya'u nanawo uarammangnga su leta'a. See i ya'u naaringikka tingikka apan

YEHEZKIEL 12:3

Ana waugu udde, ei taumata apan mattate, tantal᷊anna allo ta'e allatune, pandiahite manga saranapanu su lal᷊ummu sambau wungkusanna ere inanaramanna a'olaannu taumatan buanganna. Tantal᷊anna ṛabbi taambe, tantanga'e wal᷊enu su saruanni mangitou ere taumata apan iapidda su pamamuanganna. Ola'e loṛṛangnga su darandungngu wal᷊enu ringannu aellehannu taumata mal᷊awangnga udde, wuṛṛu apira'e pinampiunanna apan lal᷊oṛṛoannu manga saranapanu udde see sabbangnga wuassu loṛṛangnga udde. Pasante pinampiunanna udde su wambangngu. Amatte sulal᷊ummu wasa tuudda; taapete matanu ma'oman sara i'o tawe maasilo lal᷊anna apan a'amatannu. Wala'e ahewallu walahannu Israel maasilo sarangkanambone apan niolangngu udde, tadea'u maola'a pananaunganna si mangitou. Asinungka i mangitou sarun maatinnau manungku i mangitou udde lumal᷊awangnga.”

YEHEZKIEL 13:2

“Ei taumata apan mattate, tagguete manga nabin Israel apan mammasingkattu nubuatta apan niarangnge sassane. Doloṛṛa'e i mangitou maddaringikka wisara-U.”

YEHEZKIEL 14:13

amungkangngu sambau wanua pia dosane wuṛṛu tawe satia si Ya'u, i Ya'u sarun makkuumannu wanua udde. I Ya'u sarun makkimunsa'a wal᷊ingkakku pangadoannu anna, mandantan al᷊aṛṛutumma wuṛṛu mamate mawae taumata aroddi lai winatangnga.

YEHEZKIEL 14:3

“Ei taumata apan mattate, manga taumata indi buatte nanantillu watanganne su paal᷊uanna na'oman sara i mangitou nanawote sulal᷊ummu rosa. Manui mangitou maiwal᷊o si ya'u?

YEHEZKIEL 15:2

“Ei taumata apan mattate, apate lebbene alun anggore wuassu alu waine su mahurangnge? Apa apianne alu anggore wuassu manga aaluanna su mahurangne?

YEHEZKIEL 16:2

“Ei taumata apan mattate, pasiloa'e su Yerusalem manga inolaanna lal᷊eo apan buatte niola'i mangitou.”

YEHEZKIEL 17:2

apan i Ya'u, Mawu Apan Atanggaṛṛanne mamasingkatta si mangitou: Pia sambau manu'a asiaṛṛe apan wambul᷊une maṛṛansanga wuṛṛu papaidde mal᷊alakka see matohassa. I tou tinumalla'a su wowon Libanon, nanappo lal᷊uwo punnu alu cemara,

YEHEZKIEL 2:3

“Ei taumata apan mattate, i'o Ta'u irolokka inai ringannu manga taumatan Israel apan lullawangnga si Ya'u. I mangitou udde lullawangnga ere iupungngi mangitou lai.

YEHEZKIEL 2:6

Arawe i'o, ei taumata apan mattate, arie mata'uttu manga lumal᷊awangnga udde, ara'e manga apa apan iwisara mangitou. I mangitou sarun lumawangnga wuṛṛu mangadio'a si'o, na'oman sara ereola'u i'o mabbiakka su pattangngannu kalajengkinga. Salaiwe aroddi, arie paata'utta.

YEHEZKIEL 2:8

Ei taumata apan mattate, paddaringi'o apa apan iwisara-U si'o. Arie mallaṛṛenggenna lumawangnga lai. Wu'ate moṛṛongngu wuṛṛu ante apa apan Ta'u ionggolla si'o.”

YEHEZKIEL 20:3

“Ei taumata apan mattate, pabbisarate si manga piaṛṛa'a udde wuṛṛu wal᷊oa'a manungku i Ya'u, Mawu Apan Atanggaṛṛanne nabbisara arendi, ‘Waṛṛani atonna i yamiu maddorongnga tatantiro si Ya'u! Ringannu arang-Ku, Ruata apan biakka, i Ya'u maddiri paddorongannu tatantiro! I Ya'u, Mawu Apan Atanggaṛṛanne buatte nabbisara.’

YEHEZKIEL 3:1

Ruata nabbisara, “Ei taumata mattate, ante wuke lalul᷊unanna indi, wua'udde roote wuṛṛu pabbatti'e su manga taumatan Israel.”

YEHEZKIEL 3:10

Wua'udde Ruata nabbisara, “Ei taumata apan mattate, panutukke paapia-pia wuṛṛu naungete sarangkanambone apan Ta'u iwisara si yamiu.

YEHEZKIEL 3:17

“Ei taumata apan mattate, i'o Ta'u nitenega maola'a mallal᷊u'addu walahannu Israel. Wal᷊oa'a si mangitou pananaungnga apan Ta'u nionggolla indi.

YEHEZKIEL 3:4

Ruata nabbisara apia, “Ei taumata apan mattate, roote ringannu manga taumatan Israel wuṛṛu wal᷊oa'e anambon tanata-U si mangitou.

YEHEZKIEL 37:3

Mawu naiwal᷊o si ya'u, “Ei taumata apan mattate, wotongngewe manga duṛṛi indi mabbiakka apia?” I ya'u sinumimbakka, “Mawu Apan Atanggaṛṛanne, tumba'u I'o apan masingkatta.”

YEHEZKIEL 4:1

Ruata nabbisara, “Ei taumata apan mattate, panganute sambau tela, addoa'e su saruannu wuṛṛu akkitte rosone hambarannu soan Yerusalem.

YEHEZKIEL 40:4

Esakka udde nabbisara si ya'u, “Ei taumata apan mattate, paddaringikke paapia-pia wuṛṛu panutukke al᷊awo'u inolaanna apan ta'u iapasilo si'o, ana waugu eteudde i'o niapidda inawarendi. Pasingkata'e su walahannu Israel sarangkanambone apan ellehannu.”

YEHEZKIEL 43:18

Mawu Apan Atanggaṛṛanne nabbisara si ya'u, “Ei taumata apan mattate, paddaringikke apa apan iwisara-U si'o. Napawe mezbah udde nasuete niapararisikka, i'o ṛinone massa'e mezbah ringannu manambunnu sasamba su wowone wuṛṛu maṛṛente'u daṛṛan sasamba.

YEHEZKIEL 5:1

Mawu nabbisara, “Ei taumata apan mattate, panganute hal᷊ele apan maṛṛoro wuṛṛu paata'e udde pamol᷊oa'a omengngu wuṛṛu utangngu. Wua'udde timbanga'e uta'a udde su tatimbanganna wua'udde tahia maola'a tatallung kawageanganna.

YEHEZKIEL 7:2

“Ei taumata apan mattate, i Ya'u, Mawu Apan Atanggaṛṛanne, ṛinone mamasingkattu wisara indi su Israel: Ete indi pangudusannu watti'u ahewallu wanua indi!”

DANIEL 10:11

Mala'ekatta udde nabbisara si ya'u, “Daniel, i'o arangnguannu Ruata. Pabbuatte wuṛṛu darisikke wua'udde paddaringikke manga wisara'u indi mapia-mapia. I ya'u indi buatte nirolokka ringannu.” Sutempo i tou mabbisaran olangnge udde, i ya'u dirumarisikke ringannu mangngiladda.

DANIEL 10:19

I tou nabbisara, “Ruata mandangngu si'o, ana waugu udde ariete suminggawangnga ara'e mata'utta, wette, ariaddite matohassa!” Tantal᷊anna i tou mabbisaran olangnge udde, i ya'u naapendamma lembon matohassa lai wuṛṛu nabbisara, “Otte pabbisarate, Tuangnga. Tuangnga buatte nanamba atatoha'u.”

DANIEL 8:17

Wua'udde Gabriel apan uarisikka su saruangku udde nangundani'u. I ya'u nabbal᷊i aroddi ata'unne, na'oman sara i ya'u naṛṛa'a. Unni Gabriel si ya'u, “Ei taumata apan mattate, i'o rinone masingkatta manungku sondapa udde mammasingkatta su ola'u pangudusannu runia.”

MATIUS 17:7

Arawe Mawu Yesus nirumanta wuṛṛu nangeṛṛetta si mangitou. “Pabbangunte,” wisara-Ne, “arie mata'utta!”

YOHANES 3:13

Tawe saran sangkatou apan suete nasengkengnga watukku surga, tumba'u i Tou apan sinumossokka su runia, eteudde Ana'u Taumata.

YOHANES 3:16

Ana waugu Ruata aroddi arangngune su taumatan runia indi, na'oman sara i Tou nanantillu Anang-Nge tinggassa, tadea'u suapan taumata apan mangngimanna si Tou tawe mate, ewe'e maasomba wiakka tutune wuṛṛu saran mal᷊annu-l᷊annu.

WATTI'U MANGA RASUL 26:16

Pabbangunte wuṛṛu darisikke! I Ya'u nattingkapasilom batangang-Ku si'o pandumanne i'o Ta'u itenega maola'a mangangimbe-U. I'o ṛinone mamasingkatta su taumata waine apa apan niasiloannu allo indi su ola'u riri-U wuṛṛu apa apan sarun ipantingidda si'o su tempo apan sarun dumanta.

WATTI'U MANGA RASUL 9:6

Arawe orassa indi darisikke wuṛṛu suttate su soa. Isudde sarun iapaasingkatta si'o apa apan sarun manarannu.”