YEHEZKIEL 19:12 - WUKE SUSI WATTI'U AL᷊AL᷊USASSA

¹² Arawe i tou niabuttu manga lima apan massa'u, wua'udde niema'a su leta'a. Anginna Ra'i tinumiuppa, naṛṛangute wuane apan mapia. Rannane napaddi, naṛṛangu see nitutungnga.

YEHEZKIEL 19:12 Iomraidhean Croise

2 MARARATU 23:34

Wua'udde i Ratu Nekho nanenegu ana'i Yosia aranne i Elyakim naola'a ratun Yehuda, wuṛṛu namal᷊u aranni Elyakim nabbal᷊i Yoyakim. I Yoahas niapiddi tou watukku Mesir wuṛṛu i tou natete poiaroddi.

DARALO 52:5

I'o lembon marangngu al᷊al᷊eo wuassu apapia, mallutuanna mammahia wuassu mabbisara atonna.

DARALO 80:16

Sal᷊amatewe al᷊aṛṛana'a apan naal᷊ihidda punnu anggore buatte nisuan-Nu sassane, wuṛṛu sollan anggore apan niolang-Ngu matohassa.

YESAYA 27:11

Napawe manga rannane maṛṛagasse wuṛṛu napaddite, manga wawine rumantate wuṛṛu manganute alu udde ipallaha anna. Walahanna udde mangke tawe maasunna apa-apa, ne Ruata Mandariaddine tate umakkanna ara'e tumal᷊antuppi mangitou.

YESAYA 27:8

Mawu nakkuumannu uman-Ne ringannu nandamme mangitou watukku wanua awagananna. I Tou nallimbuakka si mangitou ringannu anginna lal᷊eo wuassu ra'i.

YEREMIA 22:30

“Taumata udde buatte nitantunna tadea'u awul᷊iannu al᷊aṛṛanangnge wuṛṛu sidutu tawe maaola'a wiakke. Wuassu papapulunne taweddu mahessi sulal᷊ummu mammarenta su Yehuda ere sangkatou ratu papapulunni Daud. I Ya'u, Mawu, buatte nabbisara.”

YEREMIA 31:28

Su ereapa dorone i Ya'u buatte nallu'adda si mangitou tadea'u wua'udde i Ya'u mangabbutta, maṛṛa'a wuṛṛu makkimunsa'a si mangitou, aroddi lai i Ya'u sarun mallu'adda si mangitou tadea'u i Ya'u manohassa wuṛṛu i mangitou mabbangunna apia.

LAL᷊ALLU 2:1

Mawu nammanara sulal᷊ummu asasa'u, Sion nioossu Mawu ringannu ararandumma. Awawantugu Israel atanggakke ere langitta, buatte niemang-Nge su runia. Sutempo Mawu nasa'u, Wal᷊en-Ne su Sion tate lai nipanduman-Ne.

YEHEZKIEL 15:2

“Ei taumata apan mattate, apate lebbene alun anggore wuassu alu waine su mahurangnge? Apa apianne alu anggore wuassu manga aaluanna su mahurangne?

YEHEZKIEL 15:4

Tawe gunane ewe'e tumba'u olaanna alu papputunganna, wuṛṛu amungkangngu ruan poto natutungke, ne tangngane maola'e munsingnga, apa ta'e pia gunane?

YEHEZKIEL 17:10

Atonna i tou i tou nasuante matohassa, arawe wotongnge i tou tumuwo sarangkal᷊o'enge see aatambanna? Wal᷊inewe i tou sarun tumolangnga napawe tiupannu anginna Ra'i? Wal᷊inewe i tou sarun maṛṛangu su tampa i tou nisuanna?”

YEHEZKIEL 19:11

Pengane matohassa, tawe hampa paddianna ṛinone olaanna ta'innu araratuanna. Puidde matanggakka uatantingnga mangamete manga winabbawa. I tou iaatiangngan awadaalla ana waugu i tou matanggakka wuṛṛu rongngane maappala.

YEHEZKIEL 28:17

Hatinu apan maṛṛamaga naa'ola'a si'o mawunga wuṛṛu atatelengnga naaola'a si'o mammanara woddo. Ana waugu udde i'o Ta'u iwantinga su leta'a wuṛṛu Ta'u olaanna pananaunganna su manga ratu waine.’ ”

HOSEA 13:15

Salaiwe Israel mabbiakka sulal᷊umanna'a ere nannal᷊o apan masuwukka, arawe i Ya'u sarun mandolokku anginna ra'i apan mal᷊oso wuassu wadda'a mamara. Anginna udde sarun mapamanaran anambon al᷊imatan kua'e wuṛṛu manga paṛṛihi, ma'oman sara mawul᷊ite sarangkanambone apan maarega.

YUNUS 4:8

Napawe matannallo sinumabbangke, Ruata nandantan anginna mal᷊oso apan nattiuppa wuassu ra'i. Yunus maraniten napinsanna ana waugu niaṛṛinoannu samakku matannallo apan ereola'u mannutungnga puane. I tou tate ṛingidda wuṛṛu mappulute mate. Wisarane, “Mappianne i ya'u mate sul᷊ungnge wiakka!”

MATIUS 3:10

Bal᷊iungnga nasaddiate ipanuwangnga alu, ma'oman sara manga ṛamunne. Al᷊awo'u alu apan tawe mabbua apan mapia sarun tuwanganna wuṛṛu iramme sulal᷊ummu putungnga.

YOHANES 15:6

Taumata apan maddiri uaaukka ringang-Ku, sarun iramme ere ranna, ana see maṛṛangute. Manga ranna ereudde sarun iammulla wuṛṛu iramme su putungnga, see tutunganna.

TAHIUL᷊E 29:28

Asasa'u Mawu mangke sinumopa, wuṛṛu sulal᷊ummu asasa'u-Ne apan bahewalla udde i Tou nallimbuakka walahannu Israel wuassu leta'i mangitou wuṛṛu nangapidi mangitou watukku wanua apan awagananna, na'oman sara i mangitou natana'e poiaroddi.’

TAHIUL᷊E 32:22

Asasa'u-U sarun sumawudda naal᷊ihidda putungnga apan nanoṛṛobba naddatingngu runian taumata nate. Putungnga udde nanutungnga runia wuṛṛu al᷊awo'u lal᷊oṛṛone, wuṛṛu manga wowone na'oman sara manga ṛamunne.