YEHEZKIEL 18:9 - WUKE SUSI WATTI'U AL᷊AL᷊USASSA

⁹ I tou matuṛṛutta su parenta-U wuṛṛu uaagassa manga tita-U. Ete taumata ereudde apan tawe mamahia wuṛṛu sidutu uata'a wiakka. I Ya'u, Mawu Apan Atanggaṛṛanne buatte nabbisara.

YEHEZKIEL 18:9 Iomraidhean Croise

1 MARARATU 9:4

Amungkangngu i'o mangngimanna si Ya'u ringannu naungnga mal᷊uassa wuṛṛu matul᷊idda ere iamangngu Daud, wuṛṛu i'o matuṛṛutta su manga tita wuṛṛu matul᷊idda ere iamangngu Daud, wuṛṛu i'o matuṛṛutta su manga tita wuṛṛu manga parenta-U,

AMSAL 12:28

Taumata apan u'amatta su lal᷊anna apan naṛṛino sarun mabbiakka su al᷊al᷊uassa; taumata apan u'amatta su lal᷊anna sal᷊a udde mattuddan papate.

YEHEZKIEL 11:12

Ne i yamiu masingkatte manungku ete i Ya'u Mawu wuṛṛu i yamiu Ta'u iṛṛuumanna ana waugu buatte nilumawangnga manga parenta-Ku ringannu tuttuṛṛutta manga titan balahanna maraninu.”

YEHEZKIEL 18:10

Arawe unnuwisara taumata udde uatahuanna ana'a apan apulune mangngaṛṛo, mammate, wuṛṛu ma'ola'a anambon al᷊al᷊eo waine apan

YEHEZKIEL 18:17

I tou taambe na'ola'a al᷊al᷊eo ara'e napawallassa ringannu pia bungane. I tou matuṛṛutta su manga tita-U wuṛṛu mararingikka parenta-Ku. Ana'a udde sarun tawe mate ana waugu rosan iamange, ewe'e sidutu wiakka.

YEHEZKIEL 18:19

Arawe asinungka pia taumata apan maiwal᷊o anio ana'a udde tawe lai suadio'a mamasanna pangillul᷊eannu manga rosan iamange. Sasimbakke eteudde, ana waugu ana'a udde mapia wuṛṛu tawe awusune. I tou matuṛṛutta su manga tita-U wuṛṛu mappaamatta ringannu satia, ne i tou sidutu wiakka.

YEHEZKIEL 20:11

Poiaroddi Ta'u nionggolla si mangitou manga parenta-U wuṛṛu Ta'u niaṛṛaannu manga tita-U apan ṛinone tuṛṛutanni mangitou, ana waugu taumata apan tuttuṛṛuta sidutu sarun wiakka.

YEHEZKIEL 20:13

Arawe su wadda'u anne udde, i mangitou nilumawangnga manga parenta-U, wuṛṛu nanol᷊a'u manga tita-U apan maola'a wataṛṛu manungku taumata apan matuṛṛuta sidutu wiakka. I mangitou tumanite nanggal᷊usa'a allon Sabat. Ana waugu udde, su wadda'u anne udde i Ya'u nasaddiate mamallossu asasa'u-U su saruanni mangitou wuṛṛu mamate si mangitou.

YEHEZKIEL 36:27

Ghaṛṛaho-U sarun Ta'u ilal᷊inna sulal᷊ummu naungngu wuṛṛu i yamiu sarun Ta'u riaganna tadea'u mabbiakka tumuṛṛuttu manga tita-U see tuttuṛṛutta al᷊awo'u parenta-U.

YEHEZKIEL 37:24

I mangitou sarun i'aukka su al᷊ungngu sangkatou ratu ere i Ratu Daud apan sarun mamarenta saran mal᷊annu-l᷊annu. Ringannu satia i mangitou sarun tumuṛṛutta manga tita-U. Wuṛṛu saran mal᷊annu-l᷊annu i mangitou see papapulunni mangitou sarun mamanua su leta'a udde, leta'a apan Ta'u nionggolla si Yakub wuṛṛu niwanuannu iupungngu al᷊amona mangitou.

IMAMATTA 18:5

Paatuṛṛutte manga atoranna wuṛṛu manga tita apan Ta'u nionggola si yamiu. Amungkangngu i yamiu na'ola'a aroddi, wiakku masal᷊amatta. Ete i Ya'u Mawu.”

AMOS 5:14

Pattinsahadde ma'ola'a apapia wuṛṛu imbaṛṛangnga ma'ola'a al᷊al᷊eo, tadea'u i yamiu wiakka. Ne Mawu Apan Lembontaṛṛino sarun atonna-tonna matana'a suwallatti yamiu ere buatte niwasaran kamiu.

AMOS 5:24

Mappianne, pattinsahadde tadea'u atatul᷊idda mangelekka ere ua'e, wuṛṛu apapia ere sal᷊ukka apan tawe umatti.

AMOS 5:4

Mawu nabbisara su umattu Israel, “Pabbelengke ringang-Ku, ne i yamiu sarun mabbiakka.

HABAKUK 2:4

Wuṛṛu paanaungete: Taumata apan dal᷊eo tawe masal᷊amatta, arawe taumata apan tuttuṛṛutta apulun Duata sarun mabbiakka ana waugu tatuṛṛunne su Ruata.”

LUKAS 1:6

Rua sangkawinganna udde, mabbiakka ma'al᷊uassa naungngu Ruata. Itarua matuṛṛutta anambon parenta wuṛṛu tita Mawu ringannu ahewallu naungnge.

YOHANES 14:21

Taumata apan tuttuṛṛutta manga parenta-U wuṛṛu ma'ola'a, i tou marangngu si Ya'u. Iamang-Ku sarun mandangngu taumata apan mandangngu si Ya'u. I Ya'u lai sarun mandangngu taumata udde wuṛṛu mapaal᷊iatta'u riri-U si Tou.”

WATTI'U MANGA RASUL 24:16

Ana waugu udde i ya'u sidutu ma'ola'a apapia, tadea'u naungku waresi su saruannu Ruata wuṛṛu waresi su saruannu taumata.

ROMA 1:17

Ana waugu ringannu Watti'u Al᷊al᷊uassa udde Ruata napaal᷊iatta'a ereapa lal᷊anne paa'aukku taumata ringannu Ruata maola'a apia; lal᷊anne eteudde ringannu mangngimanna Ruata, wuassu panattaṛṛanne saran pangudusanne. Udde ere lai uawoṛṛetta sulal᷊ummu Wuke Susi, “Taumata apan mangngimanna Ruata ma'oman sara paa'aukka ringannu Ruata maola'a mapia, taumata udde sarun masal᷊amatta!”

ROMA 8:1

Orassa indi tate lai ṛuumanna si mangitou apan mabbiakka su sambau ringannu Mawu Yesus.

TAHIUL᷊E 11:1

“Pandangngute Mawu Ruatanu, wuṛṛu paatuṛṛutte al᷊awo'u parenta-Ne.

TAHIUL᷊E 4:1

Ana see i Musa nabbisara su walahanna udde, “Paatuṛṛute anambon tita apan ta'u niaṛṛa'a si yamiu, tadea'u i yamiu wotongnge mabbiakka ma'oman sara mamanua su leta'a apan nionggolu Mawu Ruatan al᷊amonanu si yamiu.

TAHIUL᷊E 5:1

I Musa nangammulu anambon balahanna Israel, ana see nabbisara si mangitou, “Manga tuṛṛangnga, paddaringikke manga tita apan ta'u ionggola allo indi. Urumete manga tita udde, wuṛṛu paatuṛṛutte ringannu maadunna.

TAHIUL᷊E 6:25

Amungkangngu i ite ringannu maṛṛimadda tuttuṛṛuta al᷊awo'a apan nirolokku Mawu Ruatan kite, ne i Tou sarun maṛṛundinganna si ite.’ ”

1 YOHANES 2:29

I yamiu masingkatte manungku Kristus mabbiakka tuttuṛṛuta apulun Duata. Ana waugu udde i yamiu ṛinone masingkatta lai manungku suapan taumata apan mabbiakka tuttuṛṛuta apulun Ruata eteudde lai ana'u Ruata.

1 YOHANES 3:7

Manga al᷊aṛṛana'u, arie mamalan taumata mamono'a si yamiu. Taumata apan tuttuṛṛutta apulun Duata, uddewe ana'u Ruata ere lai Kristus Ana'u Ruata.