YEHEZKIEL 18:5 - WUKE SUSI WATTI'U AL᷊AL᷊USASSA

⁵ Unnuwisara pia taumata apan mapia, matul᷊idda wuṛṛu tawe awusune.

YEHEZKIEL 18:5 Iomraidhean Croise

PANDARIADDI 18:19

I tou buatte Ta'u nipile tadea'u mamarenta al᷊aṛṛanangnge wuṛṛu papapulunne tadea'u tumuṛṛutta si Ya'u wuṛṛu ma'ola'a inolaanna mapia wuṛṛu matul᷊idda. Amungkangngu olange udde olaanni mangitou, al᷊awo'u pa'aire-U si Abraham sarun Ta'u tipusanna.”

AMSAL 21:3

Inolanna apan matul᷊idda wuṛṛu naṛṛino lembon maal᷊uassa Mawu sul᷊ungnge wuassu al᷊awo'u sasamba.

YEREMIA 22:15

Paddaringikka, ei Ratu Yoyakim! Amungkangngu i'o mapararisikku wal᷊en araratuanna ringannu alu cemaran Libanon apan apianne, apa udde tatialane manungku i'o ratu apan apianne wuassu manga ratu waine? Naunge'o iamangngu: i Tou mabbiakka su lal᷊umanna'a wuṛṛu mahessi sulal᷊ummu al᷊awo'u pinitanne, ana waugu i tou sidutu matul᷊idda wuṛṛu tawe awusune see makkuungngu hatton taumata asiangnga ringannu atatul᷊idda. Atonna etearoddi ṛinone inolaannu taumata apan masingkattu Mawu.

YEREMIA 7:5

Wal᷊ute ola'u pabbiaṛṛannu wuṛṛu pallal᷊agunu. Pa'ola'e atatul᷊idda sangkatou ringannu waine.

YEHEZKIEL 18:4

Niawa suapan taumata uddewe tatahuanang-Ku, mawae ete niawan taumata timmadde aroddi lai niawan anange. Taumata apan marosa, ete i tou apan sarun nate.

YEHEZKIEL 18:6

I tou sarun tawe massubba paal᷊uannu taumatan Israel ara'e umanna sasamba su manga tampa passubbanna manga monganna. I tou tawe saran paassa mamono'a awingngu taumata waine ara'e matiilla suadio'a ringannu wawine apan tantal᷊anna a'amatannu radda'u wawine.

YEHEZKIEL 33:14

Wotongnge mariaddi i Ya'u buatte napanaungngu taumata lal᷊eo manungku i tou sarun mate. Arawe napawe i tou maddote ma'ola'a rosa wuṛṛu mannattakke ma'ola'a apapia wuṛṛu naṛṛino, tul᷊addane ere i tou napawelengngu saranapa wua nihadden taumata, ara'e saranapa apan buatte nita'one see tinumuṛṛutte su manga tita apan mangngapiddu pabbiaṛṛanna, ne i tou tawe nate.

1 YOHANES 2:29

I yamiu masingkatte manungku Kristus mabbiakka tuttuṛṛuta apulun Duata. Ana waugu udde i yamiu ṛinone masingkatta lai manungku suapan taumata apan mabbiakka tuttuṛṛuta apulun Ruata eteudde lai ana'u Ruata.

1 YOHANES 2:3

Amungkangu i ite matuṛṛutta su manga parentan Duata, udde tatialane manungku i ite maaillal᷊a Ruata.

1 YOHANES 3:7

Manga al᷊aṛṛana'u, arie mamalan taumata mamono'a si yamiu. Taumata apan tuttuṛṛutta apulun Duata, uddewe ana'u Ruata ere lai Kristus Ana'u Ruata.

SONDAPPA 22:14

Lal᷊umanna'a su taumata apan nabbansala jubahne na'oman sara nawaresi, ana waugu i mangitou wotongnge umanna wuassu alum pabbawiakka wuṛṛu sumutta sulal᷊ummu soa udde sumabbi ngarane.