YEHEZKIEL 18:17 - WUKE SUSI WATTI'U AL᷊AL᷊USASSA

¹⁷ I tou taambe na'ola'a al᷊al᷊eo ara'e napawallassa ringannu pia bungane. I tou matuṛṛutta su manga tita-U wuṛṛu mararingikka parenta-Ku. Ana'a udde sarun tawe mate ana waugu rosan iamange, ewe'e sidutu wiakka.

YEHEZKIEL 18:17 Iomraidhean Croise

AYUB 29:16

Su taumata asiangnga, i ya'u naola'a iamangnge; su taumata raho, i ya'u naola'a mananambaane.

DARALO 119:1

Lal᷊umanna'a su taumata apan mabbiakka tawe sangkulle wuṛṛu matuṛṛutta su manga titan Mawu.

DARALO 119:3

Lal᷊umanna'a su taumata apan mabbiakka tuttuṛṛutta apulun Mawu. wuṛṛu tawe ma'ola'a al᷊al᷊eo.

AMSAL 14:31

Isai ma'ola'a mapia su taumata asiangnga, i tou mangngaddata Ruatane; isai mangngallangnga taumata lome, mallobbossa Mandariaddine.

AMSAL 29:14

Amungkangngu ratu mannamba'a taumata lome, su tonnane i tou sarun mamarenta.

AMSAL 29:7

Taumata mapia masingkattu hakku taumata lome, arawe taumata lal᷊eo tawe maasunna.

YEREMIA 16:19

Mawu, ete I'o apan ual᷊u'adda si ya'u wuṛṛu nangonggollu atatohassa si ya'u; I'o nantul᷊ungku sutempon asasusa. Manga walahanna wuassu pentakku runia sarun dumanta ringan-Nu wuṛṛu mabbisara, “Al᷊amonan kami tumba'u pia mawu awusu apan mangke tawe gunane.

YEHEZKIEL 18:13

I tou napawallassa ringannu bungane. Apa taumata aroddi wotonge mabbiakka? Tawe! I tou buatte na'ola'a anambon inolaanna apan ma'arantinna udde, wuṛṛu i tou sarun mate! Papatene eteudde pangillul᷊eannu inolaanne sassane.

YEHEZKIEL 18:18

Ewe'e mawal᷊i'a, iamange apan apulune mammahia, mangngaṛṛo wuṛṛu ma'ola'a al᷊al᷊eo waine, sarun nate ana waugu manga rosa apan niolangnge sassane.

YEHEZKIEL 18:28

I tou buatte naatutukka al᷊awo'u inolaanne ana see nangillol᷊ote ma'ola'a rosa. Ringannu aroddi i tou sarun tawe mate, ewe'e sidutu wiakka.

YEHEZKIEL 20:18

Arawe nawal᷊i'a ingana'a dario'a suwallatti mangitou Ta'u nitantiroanna arendi, ‘Imbaṛṛangnga tumuṛṛutta manga atoranna apan niola'u iupungngu al᷊amonanu. Arie mattanno anarammi mangitou wuṛṛu arie pa'ola'a rosa su watangannu ringannu massubba manga paal᷊uanni mangitou.

YEHEZKIEL 20:30

Nariaddi pasingkata'a su taumatan Israel apa apan i Ya'u, Mawu Apan Atanggaṛṛanne nabbal᷊o si mangitou. ‘Anio i yamiu na'ola'a manga rosa ere buatte niola'u iupungngu al᷊amonanu? Ere lai i mangitou, i yamiu lai mengngaṛṛussa manga paal᷊uanna apan maarantinna udde.

YEHEZKIEL 3:21

Amungkangngu taumata mapia udde i'o mapanaungnga tadea'u arie ma'ola'a rosa, wuṛṛu i tou naddaringikka al᷊aṛṛangngu, ne i tou tawe Ta'u iṛṛuumanna, wuṛṛu i'o sarun masal᷊amatta.”

YEHEZKIEL 33:13

Wotongnge mariaddi i Ya'u buatte naddiandi sarun manal᷊amatta taumata mapia, arawe amungkangngu i tou mannattakke ma'ola'a rosa wuṛṛu uaantimma manungku i tou sarun masal᷊amatta ana waugu apapiane dorone udde, i tou nial᷊iwune. I Ya'u tate lai mannaungnga apapiane apan dorone niolangnge wuṛṛu i tou sarun mate ana waugu manga rosane.

DANIEL 4:27

Ana waugu udde rinone Tuangku maddaringikka tatantiron allangnga. Ariete Tuangku ma'ola'a rosa apia, arawe pa'ola'a inolaanna apan mapia wuṛṛu matul᷊idda, wuṛṛu aakkanten taumata asiangnga. Ringannu aroddi Tuangku sidutu sarun su lal᷊ummanna'a.”

IMAMATTA 18:30

Ne Mawu nabbisara, “Paatuṛṛutte su manga atoranna apan Ta'u nionggola wuṛṛu imbaṛṛangnga mattanno inolaannu manga taumata uatana'a su leta'u Kanaan tantal᷊anna i yamiu taambe nirumanta. Imbaṛṛangnga i yamiu mandal᷊eo watanganni yamiu sassane ringannu ma'ola'a manga pallal᷊aghu udde. I Ya'u Ruatanu.”

IMAMATTA 18:4

Paatuṛṛutte su manga tita-U wuṛṛu daringiṛṛete sarangkanambone apan Ta'u iparenta. Ete i Ya'u Ruatanu.

MALEAKHI 3:7

Ere iupungngu al᷊amonanu dorone, i yamiu sarangkanambone buatte simewedda wuassu manga tita wuṛṛu tawe mattuṛṛutta mappaamanne. Pabbelengke ringang-Ku, ne i Ya'u lai sarun mabbelengnga ringannu. Arawe i yamiu ma'iwal᷊o, ‘Apa apan ṛinone olaanni yami tadea'u mabbelengnga ringan-Nu?’

LUKAS 19:8

Wua'udde su wal᷊ene i Zakheus nirumarisikka wuṛṛu nabbisara Mawu Yesus, “Mawu, sangkawageanganna wuassu rarotongku sarun ionggolla su taumata asiangnga; wuṛṛu su alawo'u taumata apan suete niawusuangku, sarun waeṛṛanna apia si tou paappatta wuassu paarorone!”

ROMA 2:7

Ruata mangonggolu wiakka tutune wuṛṛu saran mal᷊annu-l᷊annu si mangitou apan sidutu ma'ola'a apapia tadea'u maasomba apan awantuhanne, wuṛṛu apan aaddatanna wuṛṛu apan sarun uatialu.