YEHEZKIEL 17:10 - WUKE SUSI WATTI'U AL᷊AL᷊USASSA

¹⁰ Atonna i tou i tou nasuante matohassa, arawe wotongnge i tou tumuwo sarangkal᷊o'enge see aatambanna? Wal᷊inewe i tou sarun tumolangnga napawe tiupannu anginna Ra'i? Wal᷊inewe i tou sarun maṛṛangu su tampa i tou nisuanna?”

YEHEZKIEL 17:10 Iomraidhean Croise

PANDARIADDI 41:6

Wua'udde tinumuwote lai pitun rae gandumma waine, apan maṛṛisitta wuṛṛu tinumolangnga ana waugu anginnu wadda'a.

YEREMIA 32:5

Wua'udde i Zedekia sarun iapidda watukku Babel wuṛṛu matana'a poiaroddi ma'oman sara i Ya'u makkuumanni tou. Salaiwe i tou mamangalo taumatan Babel, i tou sarun tawe maauntungnga. Ya'u, Mawu, buatte nabbisara.”

YEREMIA 4:11

Tempone sarun dumanta taumatan Yehuda wuṛṛu tumana'u Yerusalem maasomba watti'a manungku anginna mal᷊oso wuassu wadda'u anne sarun tumiuppa watukku ringanni mangitou. Anginna udde wal᷊ine anginna wiasa apan tumba'u ma'atalla'u wal᷊a'a,

YEHEZKIEL 17:11

Mawu nabbisara si ya'u,

YEHEZKIEL 17:9

Ne, i Ya'u, Mawu Apan Atanggaṛṛanne, naiwal᷊o: Wotonge punnu anggore udde mabbiakka wuṛṛu a'atambanna? Wal᷊inewe manu'a asiaṛṛe apan paarorone sarun mangabutta si tou ringannu manga ṛamunne, mani'o wuane, mamaddi manga rannane wuṛṛu mamalan tou tumolangnga? Tawe mappanduma ikkatta manambo ara'e walahanna apan matohassa ipangabutta aal᷊uanna udde sara manga ṛamunne.

HOSEA 12:1

Mawu nabbisara, “Walahannu Israel uapal᷊iwutta si Ya'u ringannu awusu wuṛṛu wawahia; walahannu Yehuda sidutu lullawangnge si Ya'u, Ruata Apan Susi wuṛṛu satia.

HOSEA 13:15

Salaiwe Israel mabbiakka sulal᷊umanna'a ere nannal᷊o apan masuwukka, arawe i Ya'u sarun mandolokku anginna ra'i apan mal᷊oso wuassu wadda'a mamara. Anginna udde sarun mapamanaran anambon al᷊imatan kua'e wuṛṛu manga paṛṛihi, ma'oman sara mawul᷊ite sarangkanambone apan maarega.

MATIUS 21:19

I Tou naasilo sangkalu alu ara su winggin dal᷊anna. I Tou inaite su al᷊ungngu alu udde, arawe tawe naasomba wuane saran sambau, tumba'u rongngane sassane. See Mawu Yesus nabbisarate alu udde, “I'o sarun tate mabbua!” alu ara udde lapiddu tinumolangnga.

MARKUS 11:20

Tiṛṛabbine rua'allo, su tempo i mangitou sumabbi alu ara udde, i mangitou naasilo alu ara udde naṛṛangute na'oman sara ṛamunne.

YOHANES 15:6

Taumata apan maddiri uaaukka ringang-Ku, sarun iramme ere ranna, ana see maṛṛangute. Manga ranna ereudde sarun iammulla wuṛṛu iramme su putungnga, see tutunganna.

YUDAS 1:12

Su tempo i yamiu na'ola'a andeangnga, pallal᷊agu manga taumata udde maarantinna su wallatti yamiu. Ana waugu i mangitou u'anna manambo-nambo ringannu tawe masili, wuṛṛu tumba'u maṛṛingiddu watanganne sassane. I mangitou naal᷊ihida winabbawa iattalla'u anginna, arawe tawe manguranna. I mangitou lai ere alu apan tawe mabbua salaiwe su tempon pabbawua; manga alu apan suete niabutta ṛamunne wuṛṛu natete abbi.