YEHEZKIEL 16:7 - WUKE SUSI WATTI'U AL᷊AL᷊USASSA

^7-9 I Ya'u nanganu ua'e ana see Ta'u niukkassa daṛṛa wuassu waddangngu. Ta'u niraddassa awangngu ringannu lanan zaitun. Ta'u niwuwunna i'o ere sasuanna apan masuwukka. I'o tinumuwo mal᷊ihakka, sehatta wuṛṛu mal᷊angkassa, see naola'a sangkatou maṛṛuala. Susunu mannattakke tuttuwo wuṛṛu utangngu mal᷊o'engnga, arawe i'o tantol᷊e. Sutempo i Ya'u sinumabbi apia, i Ya'u naasilo manungku nia'omante tempone matatunanga. Ta'u niluṛṛe juba-U su waddangngu apan uatantol᷊e, wuṛṛu Ta'u pina'ire pattatunga-U si'o. Ore, i Ya'u na'ire paa'awingnga ringannu, wuṛṛu i'o mabbal᷊i tatahuanang-Ku. I Ya'u, Mawu Apan Atanggaṛṛanne buatte nabbisara.

YEHEZKIEL 16:7 Iomraidhean Croise

PANDARIADDI 22:17

i Ya'u sarun mangal᷊amatta si'o ringannu lumambalanna wuṛṛu ma'ola'a papapulunnu anambone naal᷊ihidda anumputanna su langitta wuṛṛu anambone naal᷊ihidda anne su apannu tahal᷊oangnga. Anangngu pulunnu sarun malluṛṛugu manga seetti mangitou.

AYUB 1:21

wuṛṛu nabbisara, “I ya'u niasungkangnga tawe uaapiddu apa-apa, wuṛṛu i ya'u sarun mate tawe mangapiddu manga apa lai. Mawu buatte nangonggolla wuṛṛu Mawu lai buatte nangul᷊e. Paddalote aran-Ne!”

DARALO 135:4

I Tou namile si Yakub su watangan-Ne, wawosoannu Israel naola'a pussa'a-Ne.

DARALO 147:20

I Tou tawe na'ola'a aroddi su walahanna waine, i mangitou tawe maaillal᷊a manga tita-Ne. Paddalote Mawu!

DARALO 148:14

I Tou buatte nanohassa walahan-Ne, na'oman sara i Tou raddaloannu al᷊aṛṛanang-Nge, Israel umatta arangnguan-Ne. Paddalote Mawu!

SASABANGNGA 1:7

Arawe papapulunni mangitou, eteudde manga taumatan Israel, naṛṛana'e napulunna manambo atonna, wuṛṛu reenganni mangitou a'atambanna mal᷊ihakka atonna, na'oman sara wanua Mesir napene mangitou.

SASABANGNGA 12:37

Taumatan Israel inaite wuṛṛu niumamattu ledda wuassu soa Raamses watukku soa Sukot. Reenganni mangitou sarangkanambone 600.000 su atoune, tawe nareengnga wawine wuṛṛu al᷊aṛṛana'a.

SASABANGNGA 3:22

Suapan wawinen Israel sarun madorongnga su al᷊indonganne taumata Mesir wuṛṛu wuassu wawinen Mesir apan uatana'a su wal᷊en sambau, laubba see lai lal᷊ogakka sal᷊a'a wuṛṛu wul᷊awanna. Udde sarun iluṛṛeng kamiu su manga anangngu. Ringannu olangnge aroddi yamiu sarun mangaṛṛo taumata Mesir.”

ANTARI MAWANTUGA 4:5

Susunu naal᷊ihidda ana'u rusa darua, ana'u kijangnga ṛindua apan tantal᷊anna mannioma suwallattu manga bunga hal᷊ohomma.

ANTARI MAWANTUGA 8:10

I ya'u indi sambau darandunga, wuṛṛu susu'u candine. Arangnguangku masingkatta manungku si tou i ya'u su lal᷊umanna'a.

ANTARI MAWANTUGA 8:8

I yami pia sangkatou tuari wawine apan ta'e addio'a susune. Apate apan ṛinone olaanni yami si tou amungkangngu piaddu rumanta mangonokka si tou?

YESAYA 61:10

Yerusalem nabbisara, “I ya'u lulluassa ana waugu Mawu, naungku lullal᷊a'a ana waugu Ruata. Naal᷊ihidda ma'aawingnga esakka wuṛṛu wawine uapa'attu lal᷊oggakka mangkaṛṛansanga, etearoddi Mawu nameddetta si ya'u laubbu asasal᷊amatta wuṛṛu auntunganna.

YESAYA 62:3

I'o naola'a ere mahkota maṛṛamaga si lima Mawu, mahkotan araratuanna su liman Duatanu.

YEHEZKIEL 16:16

Sambageanganna wuassu laungngu nipa'annu ipallogakka tampa passubbanna paal᷊uannu. I'o nabbal᷊i masandaga wuṛṛu nangonggollu watangannu su anambon esakka.

YEHEZKIEL 16:22

Sulal᷊ummu pabbiaṛṛannu apan maarantinna ere sumasandaga udde, sara addio'a lai tate mannaungnga i'o ta'e addio'a dorone, sutempo i'o tantol᷊e wuṛṛu tuttondo sulal᷊ummu laikku daṛṛanu sassane.”

YEHEZKIEL 16:6

Wua'udde sinumabbite i Ya'u wuṛṛu naasilo si'o tuttambul᷊ilinga sulal᷊ummu laikku daṛṛanu, arawe i Ya'u tawe namala i'o mate.

HOSEA 2:3

Amungkangngu i tou sidutu sussandaga, i Ya'u sarun malluatta laungnge tadea'u i tou matantol᷊e ere lai sutempo i tou siasungkangnga. Sarun Ta'u olaanna i tou ere leta'a mamara wuṛṛu maṛṛasa, ne i tou sarun mate amarouanna.

WATTI'U MANGA RASUL 7:17

Napawe maranite tempone Ruata manipussa pa'aire-Ne si Abraham, walahanni ite su Mesir niatambante anambone.

TAHIUL᷊E 1:10

Mawu Ruatanu buatte na'ola'a reengannu a'atambana anambone ere anumpitanna su langitta.

TAHIUL᷊E 1:11

Antimanna Mawu, Ruatan iupungngu al᷊amonanu sidutu mannamba anambonu ma'oman sara paasaṛṛiwu lappuanna anambone, wuṛṛu ma'ola'a si yamiu walahanna apan ala ere lai buatte nipa'ire-Ne!

TAHIUL᷊E 4:8

Wuṛṛu walahanna wahewalla suapa apan pia manga tita apan aroddi atul᷊idde ere manga tita apan ta'u niaṛṛa'a si yamiu allo indi?