YEHEZKIEL 16:61 - WUKE SUSI WATTI'U AL᷊AL᷊USASSA

⁶¹ I'o sarun maanaungnga wuṛṛu maapendamma asasili sutempo manga tuṛṛangngu Ta'u iwelengnga ringannu. I mangitou sarun Ta'u oala'ana ere manga anangngu, salaiwe olangnge udde tawe nasutta sulal᷊ummu pa'aire-U si'o.

YEHEZKIEL 16:61 Iomraidhean Croise

ESTER 9:27

pangillul᷊eanne i mangitou na'ola'a sambau atoranna su watanganni mangitou sassane, su papapulunnu mangitou wuṛṛu su anambon taumata apan sarun maola'a reengannu walahannu Yahudi. Tumuṛṛuttu atoranna udde suapan tonna i mangitou ṛinone mallaghun allo darua apan buatte nitantunni Mordekhai.

DARALO 119:59

I ya'u buatte naṛṛingiddu pallal᷊aghu'u, wuṛṛu maddiandi sarun tumuṛṛutta parenta-Nu.

YESAYA 60:4

Pa'ellege apa apan nariaddi su uapal᷊iwutta si'o; tumana'u soa ma'ammulla ana mapul᷊e ringannu. Manga anangngu esakka nirumanta wuassu tampa marau, manga anangngu wawine wawawananna.

YEHEZKIEL 16:63

I Ya'u sarun mangampunga al᷊awo'u pasasal᷊anu, arawe i'o tawe maabul᷊ine wuṛṛu i'o sarun maapendamma asasili amungkangu mabbisara manga apa. I Ya'u Mawu Apan Atanggaṛṛanne buatte nabbisara.”

YEHEZKIEL 20:43

Poiaroddi i yamiu sarun maanaungnga anambon inolaanna apan maarantinna apan buatte naarosa watangannu. Ne i yamiu sarun maddantinna maanaungnga anambon arariadianna udde.

YEHEZKIEL 36:22

Ana waugu udde, wal᷊oa'e apa apan i Ya'u Mawu Apan Atanggaṛṛanne nabbisara su walahannu Israel, ‘Apa apan sarun Ta'u olaanna sal᷊immurine wal᷊inewe ana waugu i yamiu, ei manga taumatan Israel, ewe'e ana waugu arang-Ku apan na'ukkassa, apan buatte nilal᷊eong kamiu watuakkuapa i yamiu inai.

YEHEZKIEL 43:10

Wua'udde Mawu nabbisara apia, “Ei taumata apan mattate, pasingkata'e su umattu Israel su ola'u Wal᷊e-U indi wuṛṛu doloṛṛa'e i mangitou mamarikissa ṛiinne. Ola'e i mangitou masili ana waugu al᷊awo'u rosa mangitou.

YEHEZKIEL 44:13

I mangitou imbaṛṛanga lai mangimbe si Ya'u maola'a sangkatou imam ara'e mangeṛṛetta apa apan na'ukkassa si Ya'u, ara'e sumutta su tampa Apan Lembonsusi. Eteudde ṛuumanna ana waugu manga inolaanna apan maarantinna apan buatte niola'i mangitou.

YEHEZKIEL 6:9

poiaroddi i mangitou mabbiakka sulal᷊ummu pamamuanganna. See i mangitou sarun maanaungnga si Ya'u wuṛṛu maasunna manungku i Ya'u makkuumanna wuṛṛu mallobossa si mangitou ana waugu naungngi mangitou tawe satia si Ya'u. I mangitou buatte nanantang-Ku wuṛṛu namile paal᷊uanna maola'a hahanti-U. Wua'udde i mangitou sarun umuallu watanganni mangitou sassane ana waugu al᷊awo'u al᷊al᷊eo wuṛṛu ararantinna apan buatte niola'i mangitou.

YOHANES 15:16

Wal᷊ine i yamiu namile si Ya'u. Ete I Ya'u apan namile si yamiu, wuṛṛu nandolokki yamiu tadea'u mabua manambo – manga wua apan tawe mal᷊al᷊eo. Ne Iamangnga sarun mangonggolla si yamiu al᷊awo'u apa apan radoronganni yamiu si Tou sulal᷊ummu arang-Ku.

ROMA 11:11

I Ya'u maiwal᷊o apia; Su tempon taumatan Yahudi nanawo, apa udde mariaddi tadea'u i mangitou maṛṛimunsa'a? Atonna-tonna tawe! Arawe ana waugu i mangitou marosa, ne walahanna waine naasomba asasal᷊amatta, na'oman sara taumatan Yahudi tawe mal᷊uassa su walahanna waine udde.

ROMA 15:16

I Tou buatte na'ola'a si ya'u mangangimben Kristus Yesus tadea'u irolokka su manga walahanna apan wal᷊ine Yahudi. Wuṛṛu i ya'u naola'a sangkatou imam, apan mammasingkattu Watti'u Al᷊al᷊uassa wuassu Ruata, tadea'u manga taumata apan wal᷊ine Yahudi maola'a sambau sasamba su Ruata apan wotongnge sengkamanni Tou. Doronganna Ghaṛṛahon Duata ma'ola'a si mangitou sambau sasamba apan apianne su Ruata sassane.

EFESUS 3:6

Addapingnga udde ete indi: Sulal᷊ummu Watti'u Al᷊al᷊uassa udde, taumata wal᷊ine Yahudi, maapendamma lai manga al᷊amattu Ruata apan dorone nissaddia tumba'u su taumatan Yahudi. Manga taumata wal᷊ine Yahudi naola'e wageangngu wadangnga sambau, wuṛṛu manengkamma lai suadio'a apa apan suete pina'ire Ruata sulal᷊ummi Kristus Yesus.

IBRANI 7:12

Ne amungkangu a'iannu manga imam nawal᷊u, titan agama Yahudi ṛinone mawal᷊u lai.

IBRANI 8:13

Ringannu napaasingkattu sambau pa'aire wakku, Ruata na'ola'a pa'aire apan paarorone udde natabbete wuṛṛu nal᷊al᷊eote, wuṛṛu apa apan tabbete sarun mal᷊ihakke mawul᷊i.