YEHEZKIEL 16:60 - WUKE SUSI WATTI'U AL᷊AL᷊USASSA

⁶⁰ Arawe i Ya'u sarun mannaungnga pa'aire apan buatte Ta'u niola'a ringannu sutempo i'o ta'e dario'a wuṛṛu ma'ola'a paaire ringannu apan ola'anna saran mal᷊annu-l᷊annu.

YEHEZKIEL 16:60 Iomraidhean Croise

PANDARIADDI 9:15

i Ya'u sarun mannaungnga pa'aire-U si yamiu wuṛṛu su al᷊awo'u riadianna biakka, eteudde manungku manawangnga tate lai mamate al᷊awo'a apan wiakka.

2 SAMUEL 23:5

Aroddi lai papapulungku nial᷊amatannu Ruata, pa'aire-Ne si ya'u, tawe mawal᷊u, pa'aire-Ne udde mal᷊annu-l᷊annu wuṛṛu nasuungnga, mangke sidutu uaatokka su sarangkanambone. Ruata uariaga auntungangku wuṛṛu nangutungngu al᷊awo'u apulun naungku.

DARALO 105:8

I Tou sidutu uanaungnga paaire-Ne, paaire-Ne iapaamatta saran mal᷊annu-l᷊annu.

DARALO 106:45

Ana waugu i mangitou i Tou naanaungnga paaire-Ne wuṛṛu niumakkanni mangitou ana waugu darangngu-Ne apan wahewalla.

YESAYA 14:1

Mawu sarun umakkannu Israel uman-Ne, wuṛṛu mamile si mangitou apia maola'a pussa'a-Ne. I Tou sarun mapaatana'i mangitou apia su wanua mangitou sassane. Taumata raho sarun dumanta wuṛṛu ma'ammulli mangitou.

YESAYA 55:3

Paddaringikke, ei pabbawala-U, rantate ringang-Ku, i yamiu sarun Ta'u onggol᷊annu wiakka tutune. Ringannu darangngu wuṛṛu tatuṛṛutta apan pina'ire-U si Daud, i Ya'u nangiittu riandi apan tawe auddusanne si yamiu.

YESAYA 61:8

Mawu nabbisara, “I Ya'u marangngu atatul᷊idda wuṛṛu maddantinnu pangangallanga se'e lai al᷊al᷊eo. I Ya'u sarun mangonggollu hadinu ringannu uaatokka, wuṛṛu mangiittu paddariandi sarangkal᷊o'enge ringanni yamiu.

YEREMIA 2:2

mangal᷊iatan batti'a indi su anambon taumata su Yerusalem, “Ei Israel, i Ya'u mannaungnga i'o aroddi asatiane sutempo i'o ta'e dario'a; aroddi ahewalle darangngunu sutempo i ite buatte naawingnga. Watukku wadda'u anne i Ya'u tatantalongannu u'amatta su wageangngu leta'a apan tawe nisuananna.

YEREMIA 50:5

I mangitou sarun maiwal᷊on lal᷊anna watukku Sion, ana see niumamatte su lal᷊anna udde. I mangitou sarun ma'ola'a pa'aire sarangkal᷊o'enge si Ya'u, wuṛṛu sidutu uaagassa pa'aire udde.

YEHEZKIEL 34:25

I Ya'u sarun makkiinnu pa'aire ringanni mangitou, apan uariaga atatammudi mangitou. I Ya'u sarun mallimbuakka anambon binatangnga mal᷊aṛṛaga wuassu ahewallu wanua, ma'oman sara manga domba-Ku wotongnge matana'a ringannu matammuda su manga wadda'a wuṛṛu matiilla su manga mahurangnge.

HOSEA 2:15

Manga waillu anggorene sarun Ta'u iul᷊e apia si tou, wuṛṛu Wawal᷊annu Asasusa sarun Ta'u olaanna ngaran pangangantimma. Poiaroddi i tou sarum manal᷊oho si Ya'u ere sutempo i tou ta'e saṛṛen tumuwo, sutempo i tou wakkute sinumabbangnga wuassu Mesir.

IMAMATTA 26:42

I Ya'u sarun mannaungnga pa'aire-U si Yakub, si Ishak wuṛṛu si Abraham. I Ya'u sarun mallimbakku pa'aire-U tadea'u mangonggolu leta'a udde su walahang-Ku.

IMAMATTA 26:45

I Ya'u sarun mallimbakku pa'aire apan Ta'u niola'a ringannu al᷊amonan mangitou, napawe i Ya'u mapal᷊iatta'u taṛino-U su al᷊awo'u walahanna ringannu mangapiddu walahang-Ku sinumabbanga wuassu Mesir, tadea'u i Ya'u, Mawu, mabbal᷊i Ruatan mangitou.”

LUKAS 1:72

Wuṛṛu mammasilo naungnge mapia su iupungngu al᷊amonang kite, pa'aire-Ne apan naukkassa sarun tipusan-Ne.

IBRANI 12:24

I yamiu nirumanta sumaruanna Mawu Yesus, Uatangnga pa'aire apan wakku udde; i yamiu sumaruanna ṛaṛṛa wawokka apan wotongnge maola'a tatubbusu inolaanna apan lembon apianne wuassu apan nitubbusanu ṛaṛṛan Habel.

IBRANI 13:20

Ruata suete napaawiakku Mawung kite Yesus Kristus wuassu papate. Ana waugu papate-Ne udde i Tou orassa indi naola'a Mallal᷊u'adda Mawantuga si ite, eteudde manga dombane. Papate-Ne udde lai mannohassa pa'aire apan tawe pangudusanne apan niola'u Ruata ringanni ite.

IBRANI 8:10

Arawe orassa indi, ete indi paaire apan sarun olaangku su walahannu Israel su miallo-miallo apan sarun dumanta unnu Mawu: I Ya'u sarun mantaṛṛon tita-U sulal᷊ummu ṛingiṛṛanni mangitou wuṛṛu iwoṛṛeta su naungngi mangitou. I Ya'u sarun maola'a Ruata mangitou, wuṛṛu i mangitou sarun maola'a pabbawala-U.