YEHEZKIEL 16:46 - WUKE SUSI WATTI'U AL᷊AL᷊USASSA

⁴⁶ Iaangngu uddewe Samaria su sawannakka ringannu anambon ampungnge. Wuṛṛu tuarinu uddewe Sodom su timukka ringannu anambon ampunge.

YEHEZKIEL 16:46 Iomraidhean Croise

PANDARIADDI 14:8

Wua'udde manga ratu wuassu Sodom, Gomora, Adma, Zeboim wuṛṛu Bela nangatokku warisannu tantara mangitou su Wawal᷊annu Sidim ana see napapangalote,

PANDARIADDI 19:29

Etearoddi, napawe Mawu Ruata nanoṛṛoba manga soa udde su wawal᷊anna tatanaanni Lot, Mawu Ruata naanaungnga si Abraham wuṛṛu nantul᷊ungngi Lot tinumal᷊angngu watanganne.

YESAYA 10:11

Samaria wuṛṛu anambon walahanne buatte ta'u nipate. Sansul᷊ungnga lai ta'u olaanna su Yerusalem ringannu anambon paal᷊uanna apan sassubbanna poiaroddi.”

YEREMIA 23:14

Arawe su Yerusalem i Ya'u naasilo manga nabi ma'ola'a lembon al᷊al᷊eoanne lai. I mangitou mammahia wuṛṛu sussandaga, see mannasa taumata apan ma'ola'a al᷊al᷊eo, na;oman sara taweddu sangkatou apan mawal᷊u. Si Ya'u i mangitou sarangkanambone lal᷊eo ere tumana'u Sodom wuṛṛu Gomora.”

LAL᷊ALLU 4:6

Uma'u buatte niṛṛuumanna mabbakkatanna wuassu tumana'u Sodom apan tumba'u sulal᷊ummu sangkaṛṛondapa naṛṛimunsa'u liman Duata ringannu tawe inolaannu taumata.

YEHEZKIEL 16:27

Orassa indi i Ya'u makkuumannu wuṛṛu mangul᷊e al᷊amatta apan buatte Ta'u nionggolla si'o. I'o Ta'u itantilla su manga taumatan Filistin apan maddantinnu wuṛṛu apan u'amatta maasilo atorannu apan lal᷊eo udde.

YEHEZKIEL 16:51

Atonna Samaria lal᷊eo, arawe rosane tawe maasatenga wuassu manga rosanu. Pallal᷊agunu marau maddal᷊eoanna lai. Manga tuṛṛangngu wawine ereola'u tawe sal᷊ane isumandingnga si'o. I'o ṛinone masili wuṛṛu umol᷊obba!”

YEHEZKIEL 16:61

I'o sarun maanaungnga wuṛṛu maapendamma asasili sutempo manga tuṛṛangngu Ta'u iwelengnga ringannu. I mangitou sarun Ta'u oala'ana ere manga anangngu, salaiwe olangnge udde tawe nasutta sulal᷊ummu pa'aire-U si'o.

YEHEZKIEL 23:11

I Oholiba, tuarine naasilo arariadianna udde, arawe i tou lembon ma'apulu sumandaga wuassi Ohola.

YEHEZKIEL 23:2

“Ei taumata apan mattate, pia duang katou wawine, taṛṛa tuari.

YEHEZKIEL 23:4

Mappahul᷊uanna aranne i Ohola; i tou naola'a lambangu Samaria. Tuarine aranne Oholiba; i tou naola'a lambangu Yerusalem. I ya'u na'awingngi mangitou wuṛṛu naasomba ana'a wuassi tarua.

YEHEZKIEL 26:6

I mangitou sarun mangaṛṛo see mamate tumana'u manga soa su leta'u ammarannu Tirus. Ne tumana'u Tirus naasingkatte manungku ete i Ya'u Mawu.”

HOSEA 11:8

Mawu nabbisara, “Ei Israel, tawe mariaddi i'o Ta'u iwala ara'e Ta'u itantangnga. Wotongngewe i'o Ta'u ṛimunsaanna ere Adma? Ara'e Ta'u olaanna ere Zeboim? Tawe maola'a naung-Ku mapaammattu olangnge udde, ana waugu darangngu-U tumaniten bahewalla si yamiu!

HOSEA 14:1

Samaria ṛinone iṛṛumanna ana waugu mandona nilumawangnga si Ya'u. Tumanangnge sarun mate sulal᷊ummu pangalo; al᷊aṛṛanangnge maradio'a sarun ilaranna, wuṛṛu manga wawine pia illoṛṛo waana tianne.”

MIKHA 1:5

Sarangkanambone udde sarun mariaddi ana waugu taumatan Israel marosa wuṛṛu mammangalo su saruannu Ruata. Isaite apan naaola'a Israel marosa? Wal᷊inewe Samaria inangngu soane sassane? Isaite apan naaola'a Yehuda massubba paal᷊uanna? Wal᷊inewe Yerusalem sassane?

TAHIUL᷊E 29:23

Manga wawail᷊annu sarun maola'a wadda'a lol᷊okka tataapannu belerangnga wuṛṛu asimma. Letangnge tate asuananna wuṛṛu manga ahuranganna maddirite tumuwo isudde. Wanuanu sarun maola'a ere manga soa Sodom wuṛṛu Gomora, Adma wuṛṛu Zeboim apan nihohakku Mawu su tempo i Tou mangke nasa'u.

TAHIUL᷊E 32:32

Ana waugu i mangitou lal᷊eo ere Sodom wuṛṛu Gomora, ere punnu anggore apan mapetta wuṛṛu wuane ma'apate.

2 PETRUS 2:6

Uasul᷊ungnga lai ere Sodom wuṛṛu Gomora: Ruata nanutungnga manga soa udde ringannu putungnga tadea'u maola'a tul᷊ada su ola'u apa apan sarun mariaddi su manga taumata lal᷊eo.

YUDAS 1:7

Naunge'o lai soa Sodom wuṛṛu Gomora wuṛṛu manga soa maranine, apan inolaannu tumanangnge ere lai inolaannu manga mala'ekatta udde. I mangitou sussanddaga wuṛṛu ma'ola'a al᷊al᷊eo, na'oman sara i mangitou niramme sulal᷊ummu putungnga apan tawe panginsueanne, tadea'u maola'a sambau pannanaunganna su anambon taumata.

SONDAPPA 11:8

Wuṛṛu winal᷊unanni mangitou sarun iapatal᷊allada su amatannu soa wahewalla, suapa Mawu mangitou niarussa. Aranna sasanato'u soa udde, eteudde Sodom ara'e Mesir.

MAL᷊AṚṚUUNGNGA 19:22

Tantal᷊anna i mangitou mallal᷊umanna'a, inaṛombanganna wal᷊en udde papal᷊iwutanten manga taumata lal᷊eo wuassu soa udde. I mangitou namu'a ngara wuṛṛu nabbisara timmade udde, “Tantil᷊a'e si yami esakka apan niapiddu su wal᷊enu. Yami mappulu mappaatti tou!”