YEHEZKIEL 16:3 - WUKE SUSI WATTI'U AL᷊AL᷊USASSA

³ Mawu Apan Atanggaṛṛanne nandolo'u niapapasingkattu tanata indi su Yerusalem, “Ei Yerusalem, i'o nasungkangnga su leta'u Kanaan. Iamangngu taumatan Amori wuṛṛu inangngu taumatan Het.

YEHEZKIEL 16:3 Iomraidhean Croise

PANDARIADDI 11:25

Wua'udde i Nahor ta'e nabbiakka 119 su tonnane lai, wuṛṛu naasomba al᷊aṛṛana'a waine.

PANDARIADDI 11:29

I Abram naawingngi Sarai, wuṛṛu i Nahor naawingngi Milka ana'i Haran wawine. I Haran ta'e pia ana'a esakka waine aranne i Yiska.

PANDARIADDI 15:16

Napawe nal᷊iute papapulunnu su aippatu ṛawanne, papapulunnu sarun mabelengnga apia isindi, ana waugu i Ya'u tawe mallimbuakka taumatan Amori tantal᷊anna i mangitou taambe naola'a aroddi al᷊aleone ma'oman sara wotongnge iṛṛuumanna.”

1 MARARATU 21:26

I Ahab na'ola'a manga rosa apan lembon maarantinna; i tou massubba paal᷊uanna ere apan a'olaannu taumatan Amori, eteudde manga taumata apan buatte nilimbuaṛṛannu Mawu niapasabbangnga wuassu wanua Kanaan sutempo taumatan Israel sinumutta su wanua udde.

2 MARARATU 21:11

“I Ratu Manasye tumaniten dal᷊eo. Pallal᷊agune maddal᷊eoanna wuassu pallal᷊agun taumatan Kanaan. Ringannu manga paal᷊uanna apan nilanginne, i tou naarosa taumatan Yehuda.

EZRA 9:1

Napawe sarangkanambone udde buatte niapaamatta, manga pira matatimmaddu walahannu Israel nirumanta ringangku. I mangitou namasingkatta manungku tumana'u Israel, nasutta lai manga imam, wuṛṛu manga taumatan Lewi tawe maṛṛaen batanganne wuassu manga walahanna apan uatana'a maranine isudde, eteudde walahannu Amon, Moab, Mesir, Kanaan, Het, Feris, Yebus, wuṛṛu Amori. Ewe'e lai manga imam wuṛṛu manga taumatan Lewi na'ola'a aroddi. I mangitou sarangkanambone na'ola'a manga pallal᷊agu apan maarantinna apan a'olaannu manga walahanna udde.

NEHEMIA 9:7

Ete I'o Ruata, Mawu Apan Lembontinggassa. I'o namile si Abram wuassu pattangngannu walahanne. Ur su Babel buatte nitantangnge, ana waugu I'o sassane apan uapiaṛṛa'a si tou. Ana see I'o nangonggolla si tou aranna apan wakku: Abraham, eteudde aranne nanattakka tempo udde.

YESAYA 1:10

Yerusalem, manga piaṛṛangnge wuṛṛu walahannu naola'a ere taumatan Sodom wuṛṛu Gomora. Paddaringikke apa apan niwisara Mawu si'o, panutukke apa apan niaṛṛa'u Ruata si ite.

YESAYA 43:27

Iupungngu al᷊amonanu paarorone buatte na'ola'a rosa, manga piaṛṛangngu buatte namangalo si Ya'u,

YEHEZKIEL 16:2

“Ei taumata apan mattate, pasiloa'e su Yerusalem manga inolaanna lal᷊eo apan buatte niola'i mangitou.”

YEHEZKIEL 16:4

Sutempo niasungkangnga taweddu namototta pusiddu, ara'e nandeno si'o, ara'e namuṛṛan asimma, ara'e nangoossu nasa.

YEHEZKIEL 16:45

Atonna, i'o uddewe ana'a wawinen inangngu. I tou maddantinnu awinge wuṛṛu su manga anangne sassane. I'o ual᷊al᷊ihiddu manga tuṛṛangngu wawine apan maddantinnu awinge wuṛṛu manga anangne. I'o wuṛṛu manga tuṛṛangngu, eteudde manga soa maraninu uatahuannu inangnga taumatan Het wuṛṛu iamangnga taumatan Amori.

YEHEZKIEL 21:30

Ei taumatan Amon, suṛṛia'e apia hal᷊elenu su ṛomane! I yamiu sarun Ta'u iṛṛuumanna su tampang kami nariaddi wuṛṛu niasungkanga.

MATIUS 11:24

Paanaunge, su Allong Kiamatta, taumatan Sodom malluasanna ampungannu Ruata wuassi yamiu!”

MATIUS 3:7

Manambo lai taumatan Farisi wuṛṛu Saduki nirumanta ringanni Yohanes maisaṛṛani. Arawe su tempo i tou naasilo si mangitou nirumanta, i tou nabbisara si mangitou, “I yamiu taumata lal᷊eo! Isai suete nabbal᷊o manungku i yamiu mal᷊iudda wuassu ṛuumannu Ruata apan sarun rumanta?

LUKAS 3:7

Manambo taumata nirumanta ringanni Yohanes maisaṛṛani. I Yohanes nabbisara si mangitou, “I yamiu taumata lal᷊eo! Isai nabbisara manungku i yamiu wotongnge mal᷊iu wuassu ṛuumannu Ruata apan sarun rumanta?

YOHANES 8:44

Ete Setanna iamangngu, wuṛṛu i yamiu tuttuṛṛutta apulun iamangngu. Ro'en panataṛṛanne Setanna udde taṛṛa pate. I tou taambe saran paassa manamba'a apapia, ana waugu tawe apapia si tou. Amungkangngu i tou mangawusu, udde naṛṛino ana waugu ete aroddi pallal᷊agune. I tou taṛṛa awusu wuṛṛu punnu al᷊awo'u awusu.

EFESUS 2:3

Dorone i ite sarangkanambone lai uasul᷊ungngi mangitou; i ite mabbiakka tuttuṛṛuta pallal᷊agun kite taumata wuṛṛu mammanara manara apan maal᷊uassa wadangnga wuṛṛu ṛingiṛṛanni ite. Su tempo udde i ite naola'a manga taumata apan niaṛṛiaannu asasa'un Duata, ere lai manga taumata waine.

TAHIUL᷊E 20:17

Ere buatte nirolokku Mawu Ruatanu, i yamiu ṛinone mamate manga taumatan Het, Amori, Kanaan, Feris, Hewi wuṛṛu Yebus.

TAHIUL᷊E 7:1

“Mawu Ruatanu sarun mangapiddi yamiu watukku wanua apan sarun wanuanni yamiu, wuṛṛu manambo walahanna apan limbuaṛṛanna wua'isudde. Su saruannu matanu i Tou sarun mallimbuakka pitu walahanna apan maggewal᷊anna wuṛṛu mattohasanna wuassi yamiu, eteudde manga taumatan Het, Girgasi, Amori, Kanaan, Feris, Hewi wuṛṛu Yebus.

YOSUA 13:4

Wuṛṛu lai ta'e aṛṛoanna: ahewallu leta'u Kanaan wuṛṛu Meara (tatahuanannu walahannu Sidon), naddatingngu Afek su passarannu leta'u walahannu Amori;

YOSUA 24:14

“Nariaddi, orassa indi,” unni Yosua nanassukku wisarane, “pangaddate Mawu. Pattaṛṛamawute si Tou ringannu naungnga mal᷊uassa wuṛṛu matammuda. Paaraua'a manga passasubba Mawu waine apan sassubannu iunpungngu al᷊amonanu tiwatta su Mesopotamia wuṛṛu su Mesir. Pattaṛṛamawute tumba'u su Mawu sassane.

1 YOHANES 3:10

Ete indi papaṛṛalane wuassu alaṛṛana'u Ruata wuṛṛu al᷊aṛṛana'u Setanna: suapan taumata apan tawe tumuṛṛutta apulun Duata, ara'e tawe mandangngu tuṛṛange, i tou wal᷊ine ana'u Ruata.