YEHEZKIEL 16:10 - WUKE SUSI WATTI'U AL᷊AL᷊USASSA

¹⁰ Wua'udde Ta'u niluṛṛe si'o laubba apan nikarawanga, sapatu wuassu pisi apan aal᷊usanne, wawa'issu pua wuassu linen wuṛṛu juba sutra.

YEHEZKIEL 16:10 Iomraidhean Croise

DARALO 45:15

Ringannu laubba manambo hatine i tou niuntudda ringannu ratu, tatantalongannu maṛṛuala, manga hawene, i mangitou lai hunane su ratu.

SASABANGNGA 25:5

pisin domba esakka apan niwuṛṛannu maṛṛamu, pisi al᷊ussa, wuṛṛu alu akasia,

SASABANGNGA 26:14

Pa'ola'e darua lal᷊uuba su wageangngu liuddu Rasanna, sambau wuassu pisin domba esakka apan niwuṛṛannu maṛṛamu wuṛṛu sambau lai wuassu pisi al᷊ussa.

SASABANGNGA 26:36

Pa'ola'e pampele ngaran Dasanna wuassu linen al᷊ussa apan niraddu'u wol ma'elomma, ungu wuṛṛu maṛṛamu, laggaṛṛannu hambaranna.

SASABANGNGA 28:5

Laubba udde ṛinone olaanni mangitou wuassu wol ma'elomma, ungu wuṛṛu maṛṛamu, wananna wul᷊awanna wuṛṛu linen al᷊ussa. Wua'udde lai laubbu imam ṛinone loggaṛṛannu karawange.

AMSAL 31:22

I tou sassane apan na'ola'a permadanine; laungnge wuassu mal᷊aṛṛenessa linen ungu apan maarega.

YESAYA 3:23

laubba manipissa, laubba linen, wawa'issa ullekka wuṛṛu tatindungnga mal᷊o'engnga.

YESAYA 61:10

Yerusalem nabbisara, “I ya'u lulluassa ana waugu Mawu, naungku lullal᷊a'a ana waugu Ruata. Naal᷊ihidda ma'aawingnga esakka wuṛṛu wawine uapa'attu lal᷊oggakka mangkaṛṛansanga, etearoddi Mawu nameddetta si ya'u laubbu asasal᷊amatta wuṛṛu auntunganna.

YESAYA 61:3

hunan ipangonggollu al᷊al᷊uassa wuṛṛu lal᷊ala'a su taumata apan massusa wuṛṛu lullal᷊o; hunan ipamal᷊u asasusan mangitou maola'a aantarin daralo. I mangitou sarun maola'a ere alu apan nisuannu Mawu sassane. I mangitou sarun pia pallal᷊aghu mapia wuṛṛu naṛṛino, na'oman sara Mawu sarun bantuhanna.

YEHEZKIEL 16:13

Etearoddi i'o lal᷊ogaṛṛannu wul᷊awanna wuṛṛu sal᷊a'a; laungngu niola'a wuassu linen wuṛṛu sutra pia karawange. I'o wotongnge umanna roti wuassu taponna apan apianne, ringannu pul᷊a, wuṛṛu lanan zaitun. Araṛṛamagu ete nangillembo wuṛṛu i'o naola'e wo'i.

YEHEZKIEL 16:18

Niluṛṛenu su manga paal᷊uanna laubba karawanga apan buatte Ta'u nionggolla si'o. Niolangngu sasamba si mangitou lanan zaitun wuṛṛu amania apan buatte nisengkammu wuassia-U.

YEHEZKIEL 16:7

I Ya'u nanganu ua'e ana see Ta'u niukkassa daṛṛa wuassu waddangngu. Ta'u niraddassa awangngu ringannu lanan zaitun. Ta'u niwuwunna i'o ere sasuanna apan masuwukka. I'o tinumuwo mal᷊ihakka, sehatta wuṛṛu mal᷊angkassa, see naola'a sangkatou maṛṛuala. Susunu mannattakke tuttuwo wuṛṛu utangngu mal᷊o'engnga, arawe i'o tantol᷊e. Sutempo i Ya'u sinumabbi apia, i Ya'u naasilo manungku nia'omante tempone matatunanga. Ta'u niluṛṛe juba-U su waddangngu apan uatantol᷊e, wuṛṛu Ta'u pina'ire pattatunga-U si'o. Ore, i Ya'u na'ire paa'awingnga ringannu, wuṛṛu i'o mabbal᷊i tatahuanang-Ku. I Ya'u, Mawu Apan Atanggaṛṛanne buatte nabbisara.

YEHEZKIEL 26:16

Naasilo pal᷊addu pabbiaṛṛannu, manga ratu waussu manga walahanna su winggin sahatta sarun dumarisikka wuassu adderan araratuanna, malluatta juban araratuanna wuṛṛu laubbi mangitou apan pia sujine, see inuma'ianna mangngindo su leta'a. I mangitou lembon matta'utta na'oman sara tawe matammudda.

YEHEZKIEL 27:16

Manga mabbawal᷊u'a wuassu wanuan Siria namalli manga saranapa wal᷊u'annu wuṛṛu auntungannu manambo atonna. I mangitou mammaekka ringannu permata wuassu watu zamrud, mal᷊aṛṛenessa maṛṛamu ungu, mal᷊aṛṛenessa pia sujine, linen al᷊ussa, permata wuassu watu koral wuṛṛu watu maṛṛamu delima.

YEHEZKIEL 27:7

Senggotta wuṛṛu waneṛṛanu wuassu linen niola'u Mesir, ringannu anambon sujine. Tumaniten al᷊ussa aola'u manga rasannu, mal᷊aṛṛenessa wuassu Siprus kalurene ungu.

LUKAS 15:22

Arawe iamangnge namago manga mangangimbene wuṛṛu nabbisara, ‘Paal᷊ihakka! Panganu laubba apianne, wuṛṛu luṛṛea'e si tou. Luṛṛea'a lai sinsingnga su tal᷊imadone, wuṛṛu sapatu su leddane.

SONDAPPA 18:12

Tateddu mamalli wul᷊awanna, sal᷊a'a, permata, wuṛṛu mutiara mangitou; wuṛṛu lai mal᷊aṛṛenessa linen, ungu, sutera, wuṛṛu mal᷊aṛṛenessa maṛṛamu ua'itumma; alawo'u hating kalu apan mal᷊awa asombanganna, sarannapa wuassu gadinga wuṛṛu wuassu alu apan maarega, wuassu witu'a, atta'a, wuṛṛu pualam;

SONDAPPA 19:8

Peddeta lenan apan sussal᷊endapa suete nionggolla si tou iapaal᷊uṛṛe.” (Peddeta lenanna udde eteudde manga inolaanna apan mapia apan niola'u al᷊aṛṛana'u Ruata.)

SONDAPPA 21:2

Ne i ya'u naasilo soa susi udde, eteudde Yerusalem wakku, nonto'a wuassu surga wuassu Ruata. Soa udde suete nissaddia ere sangkatou ma'a'awingnga wawine nipeddetanna iapasasomba ma'a'awingnga esakka.