YEHEZKIEL 15:4 - WUKE SUSI WATTI'U AL᷊AL᷊USASSA

⁴ Tawe gunane ewe'e tumba'u olaanna alu papputunganna, wuṛṛu amungkangngu ruan poto natutungke, ne tangngane maola'e munsingnga, apa ta'e pia gunane?

YEHEZKIEL 15:4 Iomraidhean Croise

DARALO 80:16

Sal᷊amatewe al᷊aṛṛana'a apan naal᷊ihidda punnu anggore buatte nisuan-Nu sassane, wuṛṛu sollan anggore apan niolang-Ngu matohassa.

YESAYA 1:31

Naal᷊ihidda laṛṛami natutungngu waṛṛan putungnga, aroddi lai manga taumata apan uataṛṛino sarun iapawinasa ana waugu inolanni mangitou sassane apan tumaniten dal᷊eo, wuṛṛu taweddu wotongnge mapaillol᷊on awawinasa udde.

YESAYA 27:11

Napawe manga rannane maṛṛagasse wuṛṛu napaddite, manga wawine rumantate wuṛṛu manganute alu udde ipallaha anna. Walahanna udde mangke tawe maasunna apa-apa, ne Ruata Mandariaddine tate umakkanna ara'e tumal᷊antuppi mangitou.

YEHEZKIEL 15:3

Wotongngewe alune ipa'ola'a sambau saranapa? Wotongngewe olaanna aeleanna tadea'u pangeleannu saranapa?

YEHEZKIEL 15:5

Tate! Ewe'e lai tantal᷊anna taambe nironsolla, tawe iapaatta. Lembonete buatte nironsolla wuṛṛu natutungke su putungnga!”

YEHEZKIEL 15:6

Ana waugu udde Mawu Apan Atanggaṛṛanne nabbisara, “Naal᷊ihidda punnu alu anggore apan nial᷊appa wuassu mahurangnge wuṛṛu nitutungnga, aroddi lai sarun Ta'u olaanna su tumana'u Yerusalem!

YEHEZKIEL 19:14

Punnu anggore udde nilewan putungnga; ranna wuṛṛu wuane nasue nepodda. Rannane indi tate auatanne; tawe mariaddi olaanna ta'innu araratuanna. Eteudde sasangitta apan masokka-sokka ia'antarin umatta.

AMOS 4:11

Sambageanganna wuassi yamiu Ta'u pateanna ere lai i Ya'u namate Sodom wuṛṛu Gomora. Apan ta'e wiakka suwallatti amia uddewe naal᷊ihidda anutungnga sampaddi apan nianu wuassu putungnga. Salaiwe aroddi i yamiu ta'e lai maddiri mabbelengnga ringang-Ku.

MALEAKHI 4:1

Unnu Mawu Apan Lembontaṛṛino, “Sarun a'omanna anambon taumata mawunga wuṛṛu lal᷊eo soṛṛowanna ere laṛṛami. Su allo udde i mangitou sarun soṛṛowanna ma'oman sara masue, wuṛṛu taweddu mallambe wuassi mangitou.

MATIUS 3:12

Su limane pia niṛṛu ipattappa al᷊awo'u ammene ma'oman sara mawaresi. Amme sarun iammulla sulal᷊ummu wal᷊ingkakke, arawe anambon wal᷊aane sarun tutunganna su putungnga apan tawe mappadumma.”

YOHANES 15:6

Taumata apan maddiri uaaukka ringang-Ku, sarun iramme ere ranna, ana see maṛṛangute. Manga ranna ereudde sarun iammulla wuṛṛu iramme su putungnga, see tutunganna.

IBRANI 12:29

Ana waugu Ruatang kite ere putungnga apan maatutungnga.

IBRANI 6:8

Arawe amungkangu leta'a udde tatuwoannu manga akke wuṛṛu sasuanna ṛoaanna, ne leta'a udde tawe gunane wuṛṛu sarun bontohannu Ruata wuṛṛu panginsueanne tutunganna ma'oman sara masue.