YEHEZKIEL 14:8 - WUKE SUSI WATTI'U AL᷊AL᷊USASSA

⁸ I Ya'u sarun mando'appa si tou wuṛṛu ma'ola'a si tou tul᷊adda su taumata waine. I Ya'u sarun mallimbuakka si tou wuassu ammul᷊annu uma-U, ne uma-U masingkatte manungku ete i Ya'u Mawu.

YEHEZKIEL 14:8 Iomraidhean Croise

DARALO 34:16

Mawu ma'ellega taumata apan ma'imanna, i Tou maddaringikka napawe i mangitou mangintul᷊i maiontolla.

DARALO 34:17

Arawe taumata apan ma'ola'a al᷊al᷊eo raddo'apan-Ne; amungkangu i mangitou nate, i mangitou mal᷊ihakka timbul᷊iananna.

DARALO 37:22

Taumata apan nial᷊amatannu Mawu sarun manahuanna leta'a udde, arawe taumata apan niwontohan-Ne sarun limbuaṛṛanna.

YESAYA 65:15

Manga taumata nipile-U sarun mappaattu arannu maola'a wawontoga; ‘Antimanna Mawu Apan Atanggaṛṛanne mamate si yamiu ere lai si mangitou!’ Arawe taumata apan matuṛṛutta si Ya'u sarun Ta'u onggol᷊annu aranna wakku.

YEREMIA 21:10

I Ya'u buatte nakkawessa makkimunsa'a soa indi, wuṛṛu tawe umakkanne. Soa indi sarun itantilla su ratun Babel; i tou sarun manoṛṛobba ma'oman sara mepodda. I Ya'u, Mawu, buatte nabbisara.”

YEREMIA 24:9

I Ya'u sarun manilaka si mangitou aroddi olangnge na'oman sara al᷊awo'u walahanna su ahewallu runia mabbal᷊i mata'utta. Suapan tampa i mangitou Ta'u itantilla, i mangitou sarun al᷊uandahanna, maola'a ilallage wuṛṛu lallobbosanna. Aranni mangitou sarun ipaatta maola'a wawontoga.

YEREMIA 29:22

Ne amungkangngu manga taumata apan buatte niapidda wuassu Yerusalem watukku Babel mappulu mamontoga sangkatou taumata, i mangitou sarun mabbisara, ‘Antimanna Mawu ma'ola'a si'o ere i Zedekia wuṛṛu i Ahab, apan buatte nitambunnu ratun Babel ta'e wiakka.’

YEREMIA 44:11

Ana waugu udde, i Ya'u, Mawu Apan Lembontaṛṛino, Ruatan Israel, sarun mando'appa si yamiu wuṛṛu makkimunsa'a ahewallu Yehuda.

YEHEZKIEL 13:23

Orassa indi nuddusee manga sondappa awusu wuṛṛu manga pani'atta wawahianu. Ta'u iapasal᷊amatta uma-U wuassu wawonongu lal᷊eo. Ne i yamiu masingkatte manungku ete i Ya'u Mawu.”

YEHEZKIEL 15:7

I Ya'u sarun makkuumanni mangitou. Salaiwe i mangitou buatte naal᷊assanga wuassu putungnga, arawe putungnga lai apan mamate si mangitou. Ne i yamiu masingkatte manungku ete i Ya'u Mawu.

YEHEZKIEL 5:15

Amungkangngu i Ya'u masa'u wuṛṛu mannaungnga lal᷊eo si'o see makkuumannu, anambon araratuanna uapal᷊iwutta si'o sarun maapendamma atata'utta. I mangitou sarun mangal᷊uandaga si'o wuṛṛu mammuta maasilo si'o.

YEHEZKIEL 6:7

Suapa-suapa pia taumata apan iapate, wuṛṛu i mangitou apan nasal᷊amatta sarun maasingkatta manungku ete i Ya'u Mawu.

IMAMATTA 17:10

Amungkangngu sangkatou taumatan Israel ara'e sangkatou taumata raho apan uatana'a namanua su wallatu taumatan Israel na'inumma daṛṛa, i tou sarun iṛṛuumannu Mawu wuṛṛu tate lai mareengnga ere al᷊aṛṛanang-Nge.

IMAMATTA 22:3

Amungkangngu sangkatou wuassu papapulunnu ta'e ia'arantinna nangundani manga sasamba susi apan niṛṛaen balahannu Israel si Ya'u, i tou tawe wotongnge lai mangimbe su mezbah. Atoranna indi ipaatta saran mal᷊annu-l᷊annu. Ete i Ya'u Mawu.

IMAMATTA 26:17

I yamiu sarun Ta'u iṛṛuumanna, na'oman sara i yamiu lawaddon manga seennu wuṛṛu paparentannu manga taumata maddantinnu. I yamiu mabbal᷊i lembon matta'utta na'oman sara i yamiu tumal᷊angnga, salaiwe taweddu.

REENGANNA 19:20

Taumata apan nabbal᷊i ma'arantinna wuṛṛu tawe mallaghu pangangukkassa watanganne, sidutu ma'arantinna ana waugu taambe niwokkannu ua'e lal᷊aghu. I tou nanapadda Rasannu Mawu, wuṛṛu tate mareengnga al᷊aṛṛana'u Ruata.

REENGANNA 26:10

Ana see leta'a nawa'a wuṛṛu nangalluppa si mangitou na'oman sara itarua nate suadio'a ringanni Korah wuṛṛu mallal᷊aṛṛenggene su tempo putungnga namate 250 su atoune esakka. Hatto udde maola'a pananaunganna su walahannu Israel.

ROMA 11:22

Nariaddi isindi i ite naasilo aroddi apiane Ruata wuṛṛu aroddi aattike lai i Tou. I Tou maṛṛagissa su saruanni mangitou apan marosa, arawe naungngi Tou masaṛṛionto'a si'o – sambal᷊iate i'o sidutu mabbiakka wuassu darangngu-Ne. Amungkangngu tawe, i'o lai sarun iramme.

1 KORINTUS 10:11

Sarangkanambone udde mariaddi si mangitou, maola'a tul᷊ada su manga taumata waine. Wuṛṛu sarangkanambone udde uawoṛṛetta lai, maola'a pananaunganna si ite. Ana waugu i ite orassa indi mabbiakka su tempo panginsueanne.

TAHIUL᷊E 28:37

Su manga wanua tampan kamiu nisal᷊iawukku Mawu, manga taumata sarun mata'utta maasilo si yamiu; yamiu sarun al᷊uandahanna wuṛṛu ilagge mangitou.

TAHIUL᷊E 28:46

Manga asasusa udde maola'a sambau tiala wuassu titan Mawu si yamiu wuṛṛu papapulunnu saran mal᷊annu-l᷊annu.

TAHIUL᷊E 29:19

Suwallatti yamiu apan naaringikka atoranna apan masahadda udde, imbaṛṛangnga piaddu maṛṛingidda manungku ola'u pabbiaṛṛanne sidutu mapia, salaiwe i tou ringannu apulun naungnge niumamatta su lal᷊anne sassane. Olangnge udde sarun maawinasa si yamiu sarangkanambone, manga taumata lal᷊eo ara'e lai taumata mapia.