YEHEZKIEL 14:19 - WUKE SUSI WATTI'U AL᷊AL᷊USASSA

¹⁹ Wotongnge mariaddi i Ya'u mandantan ṛiwutta su wanua udde, wuṛṛu Ta'u iapasabbangnga asasa'u-U su saruanne ma'oman sara mawae taumata aroddi lai winatangnga sarun mate.

YEHEZKIEL 14:19 Iomraidhean Croise

2 SAMUEL 24:13

i Gad nirumanta sinumaruanna wuṛṛu namasingkatta si tou parentan Mawu udde, wisarane, “Suapa apan pileanni Tuangnga: Wanua indi aṛṛiaannu elessa al᷊annune tallu tonna, ara'e i Tuangnga tumal᷊angnga a'enggenannu seetta al᷊annune tallu wul᷊anna, ara'e wanua indi rantannu radda'a al᷊annune tallu allo? Ṛawesa'e orassa indi suapane apan sarun ta'u iapasingkatta su Mawu.”

2 SAMUEL 24:15

Ne Mawu nandantan radda'a su taumatan Israel nanattakka wuassu marua'allo udde naddatingngu tempo apan buatte nitantun-Ne. Su ahewallu Israel 70.000 suatoune nate.

1 MARARATU 8:37

Amungkangngu wanua indi naṛṛiaannu ṛutumma ara'e al᷊aṛṛussa'itta, wuṛṛu manga sasuanna naṛṛangu su anginna mal᷊oso, radda'a ara'e niinassu taṛṛangassa, ara'e amungkangngu uman-Nu pangaloannu seetta, ara'e nirumadda'a,

2 TAWARIKH 20:9

manungku amungkangu i mangitou iṛṛuumanna ana waugu rosan mangitou, wuṛṛu i mangitou naṛṛiaannu pangalo, sa'itta, ara'e ṛutumma, i mangitou wotongnge rumanta ringan-Nu, wuṛṛu rumarisikka su saruannu wal᷊en patataṛamawuanna indi. Sulal᷊ummu asasusan mangitou, i mangitou wotongnge umal᷊iomanna Si'o, wuṛṛu I'o sarun maddaringikka wuṛṛu umontolla si mangitou.

2 TAWARIKH 6:28

Amungkangu wanua, indi rantannu elessa ara'e sa'itta, ara'e manga sasuanna pateannu anginna mal᷊oso radda'u sasuanna ara'e saṛṛappalanna, ara'e amungkangu walahan-Nu pangaloannu seetta, ara'e rantannu radda'a,

2 TAWARIKH 7:13

Amungkangu i Ya'u tawe manossokku uranna ara'e i Ya'u mandolokku saṛṛappalanna iapainsue manga sasuanna ara'e mandantan saidalu su al᷊aṛṛana-U,

DARALO 91:3

I'o sarun ipallossu Mawu wuassu asasilaka apan awagananna, wuṛṛu wuassu radda'a apan maapate.

DARALO 91:6

asasilaka apan sarun rumanta sutempo marandumma, ara'e ahahohakka apan maṛṛia'a sutempo allattune.

YESAYA 34:3

Manga winal᷊unanni mangitou sarun tawe ilabbinga, arawe iwalate aroddi mawukku'a wuṛṛu mahal᷊uru. Manga wowone sarun masa'u ana waugu nielleṛṛannu daṛṛa mangitou.

YESAYA 37:36

Ṛabbi udde lai mala'ekattu Mawu nirumanta su paddasanannu taumatan Asyur wuṛṛu namate 185.000 su atoune tantara. Tiṛṛabbine marua allo manga winal᷊unanni mangitou uatal᷊eṛṛonga.

YEREMIA 14:12

Salaiwe i mangitou mappuasa, i Ya'u maddirite maddaringikka sasal᷊ande mangitou ma'intolla; wuṛṛu salaiwe i mangitou mangonggolla si Ya'u sasamba itattambunna ara'e sasamba gandumma, i Ya'u tawe mal᷊uassa si mangitou. Arawe mawal᷊i'a, i Ya'u sarun mamate si mangitou ringannu pangalo, al᷊aṛṛutumma wuṛṛu al᷊aṛṛusa'itta.”

YEREMIA 21:6

Tumana'u soa indi sarun Ta'u pateanna; mawae ete taumata aroddi lai winatangnga sarun mate ana waugu al᷊aṛṛusa'itta apan bahewalla.

YEREMIA 21:9

Suapan taumata apan uatana'a sulal᷊ummu soa sarun mate ana waugu pangalo, ṛutumma, al᷊aṛṛusa'itta. Arawe i mangitou apan sinumabbangnga nanantillu watanganne su taumatan Babel apan tantal᷊anna mammangalo soa indi, sarun mal᷊iu wuṛṛu tawe pateanna.

YEREMIA 24:10

I Ya'u sarun mandanta si mangitou pangalo, ṛutumma, wuṛṛu sa'itta ma'oman sara i mangitou sarangkanambone mate wuṛṛu taweddu matantangnga su wanua indi apan buatte Ta'u nionggolla si mangitou wuṛṛu al᷊amona mangitou.”

YEHEZKIEL 14:18

Wuṛṛu salaiwe ingana'a siri tallu tanginna uatana'a isudde, ne ana waugu i Ya'u, Ruata apan biakka, Mawu Apan Atanggaṛṛanne, i mangitou tawe maapanal᷊amatta sisai-sai, ewe'e lai ana'i mangitou sassane lai tawe. Tumba'u i mangitou sassane apan masal᷊amatta.

YEHEZKIEL 14:20

Wuṛṛu salaiwe i Nuh, i Danel wuṛṛu i Ayub uatana'a isudde, ne ana waugu i Ya'u, Ruata apan biakka, Mawu Apan Atanggaṛṛanne, i mangitou tawe maapanal᷊amatta sisai-sai, ewe'e lai ana'i mangitou sassane tawe. Tumba'u i mangitou sassane apan masal᷊amatta ana waugu apapia mangitou.”

YEHEZKIEL 14:21

Mawu Apan Atanggaṛṛanne nabbisara, “I Ya'u mangema'u appatta ṛuumang-Ku apan asaddatanne su Yerusalem ipamate mawae taumata aroddi lai winatangnga. Ṛuumanna udde eteudde: pangalo, al᷊aṛṛutumma, winatangnga mal᷊aṛṛaga wuṛṛu ṛiwutta.

YEHEZKIEL 21:31

I Ya'u sarun mapassabbangu asasa'u-U apan lukkenggamma si yamiu. Wuṛṛu i yamiu sarun Ta'u itantilla su manga taumata apan maṛṛagissa wuṛṛu nal᷊atite mammate.

YEHEZKIEL 36:18

Ta'u niapasabbanga asasa'u-U si mangitou ana waugu i mangitou buatte na'ola'a manambo pamamate su leta'a udde wuṛṛu nandal᷊eo ringannu massubba manga paal᷊uanni mangitou.

YEHEZKIEL 38:22

I tou sarun Ta'u iṛṛuumanna ringannu al᷊aṛṛusa'itta wuṛṛu uapapate. Uranna masassaga wuṛṛu uranna eisse, putungnga wuṛṛu beleranga sarun Ta'u iwoso si tou wuṛṛu tantarane wuṛṛu su anambon balahanna apan buatte naammulli tou.

YEHEZKIEL 5:12

Sepertatallu wuassu lal᷊oṛṛon soanu sarun mate ana waugu ṛiwutta see al᷊aṛṛutumma apan maṛṛia'a su soa. Sepertatallu sarun pototannu hal᷊ele su liuddu soa, wuṛṛu sepertatallu lai sarun Ta'u ital᷊eṛṛonga su al᷊awo'u tampa wuṛṛu sarun Ta'u enggenannu hal᷊ele.

YEHEZKIEL 7:8

Tate mal᷊annu lai i yamiu sarun mamendamma asasa'u-U apan bahewalla. I yamiu Ta'u iṛṛuumanna uasul᷊ungngu inolaannu. Sarun Ta'u wal᷊isanna si'o al᷊awo'u inolaannu apan maarantinna.

AMOS 4:10

I Ya'u nangirimmu al᷊aṛṛusa'itta si yamiu ere lai Ta'u niiringnga su Mesir. Manga taumata saṛṛen tumuwo Ta'u nipate sulal᷊ummu pangalo, wuṛṛu manga awal᷊onu niaṛṛo. I Ya'u nalloṛṛo paddasanannu ringannu manga winal᷊uananna apan hal᷊urune maataddu'a ngirunna. Salaiwe aṛṛoddi, i yamiu ta'e lai maddiri mabbelengnga ringang-Ku.

REENGANNA 14:12

I Ya'u sarun mamate si mangitou ringannu mandantan radda'a ma'al᷊iu. Arawe i'o sarun Ta'u olaanna iamangnga wuassu sambau walahanna apan maggewal᷊anna wuṛṛu mattohasanna wuassi mangitou!”

MATIUS 24:7

Walahanna sambau sarun mamangalo lumawangnga walahanna waine, wuṛṛu araratuanna sambau sarun mamangalo araratuanna waine. Su al᷊awo'u tampa sarun mariaddi al᷊al᷊unussa wuṛṛu linukka.