YEHEZKIEL 13:9 - WUKE SUSI WATTI'U AL᷊AL᷊USASSA

⁹ I Ya'u sarun makkuumanni yamiu, ei manga nabi apan mammasingkattu pani'atta awusu wuṛṛu ma'ira-ira manga sondappa! I yamiu tate lai wotongnge mangonggollu laṛṛawessa sulal᷊ummu manga ammul᷊annu uma-U. Manga rannu sarun pappasanna wuassu reengannu walahannu Israel, wuṛṛu i yamiu tate maapule su leta'a inariaddiannu. Ne i yamiu masingkatte manungku ete i Ya'u Mawu Apan Atanggaṛṛanne.

YEHEZKIEL 13:9 Iomraidhean Croise

1 MARARATU 13:18

Ne nabi timmade wuassu Betel udde nagawusu si tou, ringannu nabbisara, “I ya'u lai nabi ere Tuṛṛangnga. Wuassu parentan Mawu sangkatou mala'ekatta buatte nandolo'u iapasol᷊oho wuṛṛu manaru Tuṛṛangnga su wal᷊en.”

EZRA 2:59

Manga taumata apan nanantangngu manga soa Tel-Melah, Tel-Harsa, Kerub, Adan wuṛṛu Imer, anambone 652 suatoune. I mangitou nasutta wawosoannu amonanni Delaya, Tobia wuṛṛu Nekoda, arawe i mangitou tawe pinangiananne mamasingkatta manungku i mangitou udde papapulunnu walahannu Israel.

DARALO 101:7

Taṛṛa wahia tawe wotongnge matana'a su wal᷊e'u; taṛṛa awusu tawe maataṛṛangnga su saruangku.

DARALO 69:28

Wala'e pasasal᷊an mangitou aatambanna anambone; arie i mangitou iapaṛṛino.

DARALO 69:5

Taumata apan maddantingku tawe pinangiananne, mannamboanna wuassu uta'a su pua'u. Manga taumata matohassa maapulu mamate si ya'u; i mangitou namangalo si ya'u ringannu aal᷊uandaga. I ya'u niwata'a mamelengngu darotongnga apan tawe ta'u niaṛṛo.

DARALO 87:6

Mawu sarun mapasuttan manga walahanna sulal᷊ummu reengannu tumana'u Yerusalem.

DARALO 95:11

Ne i Ya'u nassalu sulal᷊ummu asasa'u-U, i mangitou sarun tawe maasutta su wanua udde maddea'a maasomba pangillol᷊oanna suadio'a ringang-U.”

YESAYA 4:3

Suapan taumata apan natantangnga su Yerusalem, manga taumata apan nipilen Duata apan sal᷊amatanna, sarun isaggo na'ukkassa.

YEREMIA 14:15

I mangitou mabbisara sulal᷊ummu arang-Ku manungku wanua indi sarun tawe aṛṛiaannu pangalo ara'e al᷊aṛṛutumma, sumbal᷊i Ya'u tawe nandolokki mangitou mabbatti'u udde. I Ya'u, Mawu, namasingkatta si yamiu, Yeremia, apa apan sarun Ta'u olaanna ringannu manga nabi apan tawe Ta'u nirolokka udde. I Ya'u sarun mamate si mangitou ringannu pangalo wuṛṛu al᷊aṛṛutumma.

YEREMIA 17:13

Mawu, ete I'o aantimannu Israel, uman-Nu; sarangkanambone apan nanantang-Ngu sarun masili. I mangitou sarun mawul᷊i wuassu runia indi wuṛṛu inaite watukku runian taumata nate. Ana waugu, I'o al᷊imatang kua'en pabbiaṛṛanna buatte nitantangngi mangitou, oh Mawu.

YEREMIA 23:20

Asasa'u-Ne tawe umompo'a tantal᷊anna sarangkanambone apan niṛṛiinne taambe niola'a. Su allo addantane umattu Mawu sarun maasunna olangnge udde ringannu matualaga.”

YEREMIA 4:9

Mawu nabbisara, “Su allo udde manga ratu wuṛṛu manga tembonanne sarun mallome ikkanne; manga imam nata'utta wuṛṛu manga nabi niṛṛumoro.”

YEHEZKIEL 11:10

I yamiu sarun nate sulal᷊ummu pangalo su wanuanu sassane, ne i yamiu masingkatte manungku ete i Ya'u Mawu.

YEHEZKIEL 12:20

Manga soa apan orassa indi napenen tumanangnge sarun ṛimunsaanna wuṛṛu manga wawail᷊anna sarun mabbal᷊i wadda. Ne i mangitou maasingkatte manungku ete i Ya'u Mawu.”

YEHEZKIEL 13:14

I Ya'u pia pandumma mapaṛṛa'an darandungnga apan niwuṛṛanni yamiu udde, ringannu ihohakka ma'oman sara mallambe ete mal᷊itangnge sassane. Darandungnga udde sarun maṛṛa'a wuṛṛu mamate i yamiu sarangkanambone. Ne i yamiu masingkatte manungku ete i Ya'u Mawu.

YEHEZKIEL 13:23

Orassa indi nuddusee manga sondappa awusu wuṛṛu manga pani'atta wawahianu. Ta'u iapasal᷊amatta uma-U wuassu wawonongu lal᷊eo. Ne i yamiu masingkatte manungku ete i Ya'u Mawu.”

YEHEZKIEL 20:38

Manga lumal᷊awangnga wuṛṛu mandal᷊al᷊eo sarun Ta'u iramme wuassu wallatti yamiu. I mangitou sarun Ta'u iapidda sumabbangnga wuassu manga wanua tampa atatanaanni mangitou orassa indi wuṛṛu tawe Ta'u iwala mabbelengnga su leta'u Israel. Ne i yamiu naasingkatte manungku i Ya'u Mawu.”

DANIEL 12:1

Mala'ekatta apan ual᷊uṛṛen laubba linen udde nabbisara apia, “Sutempo udde sarun lumapputta mala'ekatta wahewalla Mikhael mallalu'adda walahannu. Wua'udde sarun pia tempon asasusa apan taweddu panumandinganne ro'en pia manga walahanna. Arawe anambon taumata wuassu walahannu apan aranne uawoṛṛetta sulal᷊ummu buken Duata, sarun iapasal᷊amatta.

HOSEA 4:5

Allo ṛabbi i yamiu ma'ola'a pasasal᷊a, aroddi lai manga nabi. Ana waugu udde i Ya'u sarun manginsue Israel, inangngu.

HOSEA 9:3

I yamiu, ei walahannu Israel, tawe sidutu uatana'a su leta'a apan niongonggollu Mawu si yamiu. I yamiu ṛinone mabbelengnga su Mesir, wuṛṛu ṛinone umanna anna ipapapalli su Asyur.

MIKHA 3:5

Walahangku niwahiannu manga nabi apan manni'attu apapia su taumata apan tawe mongonggolla. Su manga nabi aroddi, Mawu nabbisara,

MIKHA 3:6

“Ei nabi, temponi maraniten masue; matannallonu maraniten umattuppa. I yamiu tate lai maasomba sondappa apan mammasingkattu ṛiing-Ku. I yamiu tate lai maasi'attu manga apa.”

LUKAS 10:20

Salaiwe aroddi arie lumuassa ana waugu manga ghaṛṛaho lal᷊eo nassuṛṛubawa si yamiu. Mappianne i yamiu lulluassa ana waugu arannu uawoṛṛetta su surga.”

FILIPI 4:3

Su hawe'u apan matuṛṛuta, i ya'u madorongnga lai tadea'u tuṛṛanga massumbala wawine darua udde. I mangitou suete nammanara maṛṛimadda ringangku mabatti'u Watti'u Al᷊al᷊uassa wuassu Ruata; ere lai Klemen wuṛṛu anambon taumata waine apan mammanara suadio'a ringangku. Manga aranni mangitou uawoṛṛetta sulal᷊ummu Wuken Taumata Wiakka.

IBRANI 12:23

I yamiu nassemodda su ammulanna apan maal᷊uassa – ammul᷊annu al᷊aṛṛana'a pahul᷊un Ruata, apan manga aranne uawoṛṛetta sulal᷊ummu surga. I yamiu nirumanta sumaruanna Ruata, Mallaṛṛuungngu walahannu taumata. I yamiu sumaruanna manga ghaṛṛaho manga taumata mapia, apan suete niola'a nasuungnga.

SONDAPPA 13:8

Winatangnga udde sarun subbannu anambon taumata apan mabbiakka su wowon runia indi, tabbene'e manga taumata apan aranne niwoṛṛeta tantal᷊anna runia indi taambe nariaddi, sulal᷊ummu wuken taumata wiakka pussa'an Ana'u Domba apan suete nipototta.

SONDAPPA 19:20

Ne winatangnga udde niasametta suadio'a ringannu nabi awusu apan suete na'ola'a manga al᷊aṛṛindu'a su saruannu winatangnga udde. (Ringannu manga al᷊aṛṛindu'a uddewe winatangnga udde nangawusu manga taumata apan uatahuanna tatialam binatangnga udde, wuṛṛu manga taumata apan massubba paal᷊uannu winatangnga udde.) See winatangnga udde wuṛṛu nabi awusu udde niramme ta'e wiakka sulal᷊ummu tahal᷊oangngu putungnga apan lukkenggama ringannu belerangnga.

SONDAPPA 20:12

Wuṛṛu i ya'u naasilo manga taumata nate, timmade dario'a, uarisikka su saruannu adderan araratuanna udde. Ne manga wuke niwu'ate. See sambau wuke apan baine niwu'ate, eteudde Wuken Taumata Wiakka. Wua'udde ṛuumanna niema'a su taumata nate, uasul᷊ungngu pallal᷊agune tumuṛṛuttu apan uawoṛṛetta sulal᷊ummu manga wuke udde.

SONDAPPA 20:15

Manga taumata apan aranne tawe uawoṛṛetta sulal᷊ummu Wuken Taumata Wiakka, iramme sulal᷊ummu tahal᷊oangngu putungnga.