YEHEZKIEL 13:20 - WUKE SUSI WATTI'U AL᷊AL᷊USASSA

²⁰ Mawu Apan Atanggaṛṛanne nabbisara su manga wawine apan mammunga ere nabi wawine udde, “I Ya'u maddantinna ma'ellega manga hal᷊imagaru apan nipaatti yamiu ipanantunnu wiakka ara'e papaten uma-U. Manga hal᷊imagaru udde Ta'u aṛṛoanna wuassu pulal᷊annu, wuṛṛu manga taumata apan tataṛṛinoannu sarun Ta'u ipallossa.

YEHEZKIEL 13:20 Iomraidhean Croise

YEHEZKIEL 13:18

wuṛṛu wal᷊oa'e apa apan i Ya'u, Mawu Apan Atanggaṛṛanne nabbal᷊o si mangitou: ‘Nasilakate i yamiu! I yamiu na'ola'a aonggolla su anambon taumata manga hal᷊angnga al᷊imagaru wuṛṛu manga paporongnga pia taṛṛinone tadea'u taumata apan maappaane wotongnge maakuasa wiakku taumata waine. I yamiu mappulu maatantunnu wiakka wuṛṛu papaten uma-U, wuṛṛu taṛṛino udde nipaatti yamiu maola'a auntungannu sassane.

YEHEZKIEL 13:19

I yamiu buatte nangaddio'a si Ya'u su saruannu uma-U tumba'u ana waugu see maasomba pirang kangkumma jelai wuṛṛu piran paddi roti. Manga taumata apan tawe sal᷊ane, nipateng kamiu arawe manga taumata apan ṛinone mate niwalang kamiu wiakka. Ana see i yamiu namahia uma-U wuṛṛu i mangitou nangimanna si yamiu.’ ”

YEHEZKIEL 13:21

Manga paporongnga apan pia taṛṛinone sarun Ta'u hesaanna, wuṛṛu uma-U sarun Ta'u ilinda'a wuassu wawono'a lal᷊eo wuassi yamiu saran mal᷊annu-l᷊annu. Ne i yamiu masingkatte manungku ete i Ya'u Mawu.