YEHEZKIEL 12:23 - WUKE SUSI WATTI'U AL᷊AL᷊USASSA

²³ Ne, wal᷊oa'e si mangitou manungku i Ya'u, Mawu Apan Atanggaṛṛanne sarun mangonggollu sasimbakke indi: Sasanato'a udde sarun Ta'u pappasanna, ma'oman sara tate lai iwisara su Israel. Maola'a hahantine wal᷊oa'a si mangitou manungku tempone nia'omante, wuṛṛu suapan nubuatta sarun matipussa.

YEHEZKIEL 12:23 Iomraidhean Croise

DARALO 37:13

Arawe Mawu lullaggen taumata lal᷊eo, ana waugu i Tou masingkatte panginsueannu taumata udde maranite.

YESAYA 28:22

I ya'u naaringikke laṛṛawessu Ruata Apan Atanggaṛṛanne wuṛṛu Lembontaṛṛino ipamate ahewallu runia. Arie mapasal᷊a manga wisara tatagu apan iwabbal᷊o'u indi. Sal᷊immurine mabbal᷊i nangillembon asaharanne si yamiu maddea'a asasal᷊amattu waddangnga!

YEHEZKIEL 12:25

i Ya'u, Mawu Apan Atanggaṛṛanne sarun mabbisara ringannu walahannu Israel, wuṛṛu anambon wisara-U sarun mariaddi, ringannu tawe iasoṛṛotta lai. Paddaringikka, ei ṛuanganna mal᷊awangnga! Sutempon pabbiaṛṛannu sarun Ta'u olaanna al᷊awo'a apan Ta'u niapanaungnga si yamiu. I Ya'u, Mawu Apan Atanggaṛṛanne buatte nabbisara.”

YEHEZKIEL 16:44

Mawu nabbisara, “Ei Yerusalem, manga taumata sarun mappaattu sasanato'a indi si'o, ‘Ere inangnge, aroddi lai sinangiane.’

YEHEZKIEL 18:3

Sulal᷊ummu arang-Ku, Ruata apan biakka, sasanato'a udde tate lai isaggo su Israel.

YEHEZKIEL 7:2

“Ei taumata apan mattate, i Ya'u, Mawu Apan Atanggaṛṛanne, ṛinone mamasingkattu wisara indi su Israel: Ete indi pangudusannu watti'u ahewallu wanua indi!”

YOEL 2:1

Paniuppe trompetta, patuntingia'e tatialan asasilaka su wuiddu Sion apan susi, aṛṛa'uanu Ruata. Pangngiladde, ei tumana'u Yehuda! Ana waugu Allon Mawu maranite wuṛṛu mal᷊ihakke rumanta.

ZEFANYA 1:14

Allon pallaṛṛuungngu Mawu maranite, ore, marani-ranite, manungku sarun dumanta ringannu mal᷊ihakka. Allo udde napenen atataddu'a, na'oman sara manga tantara apan atohasanne lai sarun sumal᷊iomanna ana waugu niasueannu ṛingidda!

MALEAKHI 4:1

Unnu Mawu Apan Lembontaṛṛino, “Sarun a'omanna anambon taumata mawunga wuṛṛu lal᷊eo soṛṛowanna ere laṛṛami. Su allo udde i mangitou sarun soṛṛowanna ma'oman sara masue, wuṛṛu taweddu mallambe wuassi mangitou.

MATIUS 24:34

Asingkate! Manga olangnge udde sarun mariaddi, tantal᷊anna manga taumata wiakka orassa indi taambe nate abbi.