YEHEZKIEL 12:2 - WUKE SUSI WATTI'U AL᷊AL᷊USASSA

² “Ei taumata apan mattate, i'o uatana'a suwallattu manga taumata mal᷊awangnga. I mangitou pia mata, arawe tawe maasilo; pia tal᷊inga, arawe tawe maaringikka, ana waugu i mangitou apulune lullawangnga.

YEHEZKIEL 12:2 Iomraidhean Croise

2 MARARATU 17:14

Arawe Israel wuṛṛu Yehuda maddiri maddaringikka. Puan mangitou maatikka ere al᷊amonan mangitou tawe mangimanna Mawu, Ruatan mangitou.

2 MARARATU 17:15

Israel wuṛṛu Yehuda maddiri tumuṛṛutta manga parentan Mawu wuṛṛu tawe tumuṛṛutta pa'aire apan buatte niolange ringannu al᷊amonan mangitou, ewe'e mattaṛṛamawu manga monganna tawe gunane, na'oman sara i mangitou sassane lai naola'a tawe gunane. I mangitou mannantuṛṛutta tul᷊adan manga walahanna su al᷊indonganni mangitou, salaiwe Mawu buatte naningadda.

DARALO 78:40

Aroddi asokkane i mangitou lumawangnga si Tou, wuṛṛu manaddu'a naung-Nge sutempo su wadda'a.

YESAYA 1:23

Manga piaṛṛangngu mammangalo wuṛṛu manga daroloṛṛannu manna'o; i mangitou apulune mannengkamma aonggolla wuṛṛu roitta sasogokka. I mangitou maddiri manamba'a asisin timpal᷊ussa su saruannu mallaṛṛuungnga; maddiri maddaringikka aalaen manga wawine wal᷊u.

YESAYA 30:1

Mawu nabbisara, “Nasilakate manga piaṛṛa'u Yehuda, ana waugu i mangitou lullawangnga si Ya'u. I mangitou tinumuṛṛutta manga ṛiinna apan bal᷊ine ṛiing-Ku. I mangitou nabartanda pa'aire apan lumawangnga apulu-U. Ne rosa mangitou pasi ombote.

YESAYA 30:9

Ana waugu, i mangitou udde walahanna apan apulunne lullawangnga su saruannu Ruata, apulune mammahia wuṛṛu mangke maddiri maddaringikka al᷊aṛṛa'u Mawu.

YESAYA 43:8

Ruata nabbisara, “Doloṛṛa'e ararisiṛṛa'e su saruanna pabbawala-U apan buta, salaiwe i mangitou pia mata; apan bengella, salaiwe i mangitou pia tal᷊inga.

YESAYA 44:18

Tumaniten boddo manga taumata ereudde! I mangitou mannutubbu mata wuṛṛu naungngi mangitou na'oman sara tawe maasunna manga apa.

YESAYA 6:5

Wua'udde i ya'u nabbisara, “Nasilakate! Tate antimma lai si ya'u, ana waugu moṛṛongku kotore ana waugu rosa, wuṛṛu i ya'u uatana'e su pattangngannu walahanna ereudde lai. Sallaiwe aroddi, ringannu mata'u sassane i ya'u buatte naasilo Ratu, Mawu Apan Lembontaṛṛino!”

YESAYA 65:2

I Ya'u sidutu uasaddia manal᷊oho uma-U, arawe i mangitou apulune lumawangnga. Walahanna udde ma'ola'a al᷊al᷊eo wuṛṛu tuttuṛṛuta hol᷊agge sassane.

YEREMIA 4:17

wuṛṛu malliwunna Yerusalem ere taumata uariagga wailla. Sarangkanambone udde mariaddi ana waugu walahannu Yehuda buatte nilumawangnga Mawu. Mawu buatte nabbisara.

YEREMIA 5:21

“Paddaringikka, ei i yamiu taumata woddo wuṛṛu longonna! I yamiu pia mata arawe tawe maasilo, pia tal᷊inga arawe tawe maaringikka!

YEREMIA 5:23

Arawe puan kamiu maattikka wuṛṛu apulune lumawangnga; i yamiu buatte sinumewadda i Ya'u tinantangkeng kamiu.

YEREMIA 7:26

Arawe taweddu maddaringikka ara'e massunna. I yamiu ewe'e lai nabbal᷊i lembon aattikke wuṛṛu lal᷊eo wuassu iupungngu al᷊amonanu.”

YEHEZKIEL 12:1

Mawu nabbisara apia si ya'u, wisara-Ne,

YEHEZKIEL 12:25

i Ya'u, Mawu Apan Atanggaṛṛanne sarun mabbisara ringannu walahannu Israel, wuṛṛu anambon wisara-U sarun mariaddi, ringannu tawe iasoṛṛotta lai. Paddaringikka, ei ṛuanganna mal᷊awangnga! Sutempon pabbiaṛṛannu sarun Ta'u olaanna al᷊awo'a apan Ta'u niapanaungnga si yamiu. I Ya'u, Mawu Apan Atanggaṛṛanne buatte nabbisara.”

YEHEZKIEL 17:12

“Iwal᷊oite su manga lumal᷊awanga udde, apa i mangitou maasunna atappasannu sasumandinga udde. Wal᷊oa'a si mangitou manungku ratun Babel buatte nirumanta su Yerusalem, wuṛṛu naṛṛootta ratun Yehuda see manga mamanaran soa udde watukku Babel.

YEHEZKIEL 2:3

“Ei taumata apan mattate, i'o Ta'u irolokka inai ringannu manga taumatan Israel apan lullawangnga si Ya'u. I mangitou udde lullawangnga ere iupungngi mangitou lai.

YEHEZKIEL 24:3

I Ya'u, Mawu, pia sambau sasumandingnga iapasingkatta su uma-U apan apulune lumawangnga: Lal᷊ina'a ua'e sulal᷊ummu awali ana see wuntal᷊a'e su putungnga.

YEHEZKIEL 3:9

I'o Ta'u olaanna atohanne ere rapappakka wuṛṛu aatikke ere intan. Arie mata'uttu manga lumal᷊awangnga udde.”

YEHEZKIEL 44:6

Wal᷊oa'e su umattu Israel apan apulune lumawangnga udde manungku i Ya'u, Mawu Apan Atanggaṛṛanne, maddirite mamalang kami ma'ola'a al᷊al᷊eo.

MARKUS 4:12

tadea'u ‘I mangitou sidutu maatutukka arawe wagga apa apan sarun mariaddi, i mangitou sidutu maddaringikka arawe tawe maasunna, olangnge indi mariaddi tadea'u i mangitou tawe maasilo wuṛṛu tawe maasunna wuṛṛu arie i mangitou rumanta ringannu Ruata wuṛṛu Ruata mangampungnga si mangitou.’ ”

LUKAS 8:10

Mawu Yesus sinumimbakka, “I yamiu suete nionggol᷊annu al᷊amatta tadea'u maasingkatta addapingnga su ola'u ereapa Ruata mamarenta ere sangkatou Ratu. Arawe manga taumata waine niaṛṛaannu sasumandingnga, tadea'u i mangitou madaringikka, arawe wagga apa apan mariaddi; wuṛṛu i mangitou madaringikka, arawe tawe maasunna.”

YOHANES 12:40

‘I Ya'u mapaawuta mata mangitou, maola'a naungngi mangitou maatikka; tadea'u i mangitou tawe maasilo, ṛingiṛṛanni mangitou tawe maasunna. Tadea'u i mangitou tawe mabelengnga ringang-Ku, see I Ya'u mapaapia mangitou.’ ”

2 KORINTUS 3:14

Ṛingiddi mangitou nawul᷊ite. Wuṛṛu na'oman sara allo indi lai ṛingiṛṛanni mangitou ta'e lal᷊indumannu tatindungnga su tempo i mangitou mabbasa manga wuken paaire tabbe udde. Lal᷊indumma udde mante mawu'a amungkangngu taumata uaaukka ringanni Kristus.

EFESUS 4:18

Ṛingiṛṛanni mangitou marandumpe. I mangitou tawe maaillal᷊a pabbiaṛṛanna apan nionggolu Ruata, ana waugu i mangitou atonna-tonna tawe asingkatta saran kadio'a su ola'u Ruata. I mangitou aroddi, ana waugu tawe maddaringikka Ruata.

TAHIUL᷊E 29:3

I yamiu lai naasilote manga asasusa wuṛṛu manga al᷊aṛṛindu'a apan niola'u Mawu.

TAHIUL᷊E 29:4

Arawe naddatingngu allo indi i Tou taambe namalan kamiu massunna sarangkanambone apan niapendamanni yamiu udde.

TAHIUL᷊E 31:27

I ya'u masingkatta i mangitou puane mangke maatikka wuṛṛu apulune lullawangnga. Ro'en i ya'u ta'e wiakka lai i mangitou lullawangnga Mawu; nangillembo lai su allo addantane, napawe i ya'u natete!

TAHIUL᷊E 9:24

Ro'en i ya'u masingkatti yamiu, i yamiu sidutu lullawangnga Mawu.

TAHIUL᷊E 9:7

Paanaungete ereapa i yamiu na'ola'a Mawu Ruata nasa'u su wadda'a. Ro'en i yamiu nanantangngu Mesir na'oman sara i yamiu na'omate isindi, yamiu mannal᷊are Mawu.