YEHEZKIEL 1:1 - WUKE SUSI WATTI'U AL᷊AL᷊USASSA

^1-3 Su allo al᷊imane wul᷊anna aiappanne su tonna tallun pul᷊o, sulal᷊ummu tonna al᷊imane ro'en i Ratu Yoyakhin niapidda su pamamuanganna, i ya'u, Imam Yehezkiel ana'i Busi, isudde su winggin Sal᷊ukku Kebar su Babel suadio'a ringannu manga taumatan Yahudi apan niwuangnga waine. Inaṛṛombanganne langitta nawu'a wuṛṛu i ya'u naasomba sondappa su ola'u Ruata. I ya'u naaringikka Mawu nabbisara si ya'u wuṛṛu i ya'u naapendamma atatohassu taṛṛino-Ne.

YEHEZKIEL 1:1 Iomraidhean Croise

PANDARIADDI 15:1

Wua'udde, i Abram naasomba sondappa wuṛṛu naaringikka Mawu nabbisara si tou, “Arie paata'utta, i Abram, i Ya'u sarun mallu'adda si'o wuassu asasilaka, wuṛṛu mangonggolla si'o lal᷊antakke apan manambo.”

PANDARIADDI 46:2

Sulal᷊ummu sambau aellega su tempo ṛabbi, Ruata nabbisara si tou, “I Yakub, i Yakub!” “I ya'u, Mawu,” sasimbakke.

DARALO 137:1

Su winggin manga sal᷊ukku Babel i yami ua'ianna wuṛṛu lulluai napawe maananungnga Sion.

SASABANGNGA 24:10

wuṛṛu i mangitou naasilote Ruata Israel uarisikka al᷊iurosone su sambau tampa naal᷊ihidda apampakku wal᷊en wuassu nilam, wuṛṛu ma'elomma naal᷊ihidda langitta masemakka.

YESAYA 1:1

Wuke indi lal᷊oṛṛoannu manga tanata su ola'u Yehuda wuṛṛu Yerusalem apan niapal᷊iatta'u Ruata si Yesaya ana'i Amos sutempo i Uzia, i Yotam, i Ahas wuṛṛu i Hizkia namarenta su Yehuda.

YESAYA 6:1

Sulal᷊ummu tonna i Ratu Uzia nate, i ya'u naasilo Mawu. I Tou ua'ianna su adderan araratuan-Ne apan matanggakka wuṛṛu mawantuga. Juba-Ne uataappa ahewallu Wal᷊en Mawu.

YEREMIA 29:15

Tumuṛṛuttu yamiu, Mawu buatte nangonggolla si yamiu manga nabi su Babel.

YEHEZKIEL 10:1

Ana see i ya'u na'ellega watukku atuppa apan roso su pua manga mala'ekatta udde, wuṛṛu i ya'u naasilo sambau apan ere adderan araratuanna wuassu watu nilam.

YEHEZKIEL 10:15

Ete manga mala'ekatta udde apan dorone ta'u nasiloanna su winggin Sal᷊ukku Kebar. Suapan manga mala'ekatta udde umal᷊ore ara'e mani'akka papaidde, ire'e watukku winalanganna wuṛṛu tumalla'a watukku saruanne ara'e matta'alla, manga bola udde sidutu uatantalongnga, ana waugu tataṛṛinoannu manga mala'ekatta udde.

YEHEZKIEL 10:20

I ya'u naanaungnga manungku eteudde manga mala'ekatta apan dorone ta'u niasiloanna bowa su al᷊ungngu Ruatan Israel, su winggin Sal᷊ukku Kebar.

YEHEZKIEL 10:22

Hatin mangitou uasul᷊ungngu lai hatin manga mala'ekatta apan ta'u niasiloanna su winggin Sal᷊ukku Kebar. Sambau-sambau sidutu u'amatta matul᷊idda watukku saruanne.

YEHEZKIEL 11:24

Sulal᷊ummu aellega udde, Ghaṛṛahon Duata namengketta si ya'u wuṛṛu namelengku ringannu manga taumata niwuangnga su Babel. Wua'udde nawul᷊ite sondappa udde.

YEHEZKIEL 3:15

Ne i ya'u na'omate su atatanaannu manga taumata apan niwuanga su Tel-Abib su winggin Sal᷊ukku Kebar. Al᷊annune pitu allo i ya'u uatana'a isudde; i ya'u mangke niagukke ana waugu sarangkanambone apan wakkute niaringiṛṛangku wuṛṛu niasiloangku udde.

YEHEZKIEL 3:23

Ne i ya'u inaite watukku wawal᷊anne, wuṛṛu isudde i ya'u naasilo semakka sussal᷊ol᷊ota apan mammasingkattu daranta Mawu ere lai apan buatte ta'u niasiloanna su winggin Sal᷊ukku Kebar. Wua'udde i ya'u nawal᷊atta uarammangnga su leta'a.

YEHEZKIEL 40:2

Sulal᷊ummu sambau aellega, Ruata nangapi'u watukku leta'u Israel wuṛṛu i ya'u niaddo su wowone apan atanggaṛṛanne. Su saruangku aellehangku ammul᷊annu bangunanna naal᷊ihidda sambau soa.

YEHEZKIEL 43:3

Aellega uasul᷊ungnga ere lai ta'u niasiloanna sutempo Ruata nirumanta makkimunsa'a Yerusalem, wuṛṛu ere lai ta'u niasiloanna su Sal᷊ukku Kebar. Ana see i ya'u naṛṛa'a wuṛṛu niumal᷊intudda.

YEHEZKIEL 8:3

I tou nangul᷊ukku sambau saranapa ere ta'iakka, see nangametta uta'u. Wua'udde sulal᷊ummu sondappa udde, i ya'u niwengkettu Ghaṛṛahon Duata watukku winalanganna wuṛṛu niapidda su Wal᷊en Mawu su Yerusalem, su ngara sasuttanna su rallakku lal᷊umme apan su samba'an sawannakka. Isudde pia paal᷊uanna sassubbanna apan buatte naaranta asasa'un Duata.

HOSEA 12:10

Arawe i Ya'u, Mawu Ruatanu, apan nangapiddi yamiu sinumabbangnga wuassu Mesir, sarun ma'ola'a si yamiu matana'a apia su manga rasanna ere dorone sutempo i Ya'u nirumanta ringanni yamiu su wadda'a mamara.

YOEL 2:28

“Wua'udde sal᷊immurine anambon taumata sarun Ta'u onggol᷊annu ghaṛṛaho-U. Ne manga anangngu umbasanna maṛṛuala sarun mamasingkattu manga tanata-U; manga matatimmade suwallannu sarun maasomba wal᷊iawa sodappa sarun ionggolla su manga umbasanna maṛṛuala.

REENGANNA 12:6

wuṛṛu Mawu nabbisara, “Paddaringikke manga wisara-U indi! Amungkangngu suwallati yamiu pia sangkatou nabi, i Ya'u mapal᷊iatta'u watangang-Ku si tou sulal᷊ummu manga aellega, wuṛṛu maggahatton tou sulal᷊ummu wal᷊iawa.

REENGANNA 4:3

ana see namoṛṛettu arannu anambon esakka apan uukke tallun pul᷊o maddatingngu liman pul᷊o, apan botongnge mammanara su Rasannu Mawu.

MATIUS 17:9

Su tempo i mangitou sinumossokke wuassu wuidda udde, Mawu Yesus napaanaungnga si mangitou, “Arie pabbatti'a sisai-sai, apa apan suete niasiloanni yamiu tanginna, tantal᷊anna Ana'u Taumata taambe niapawangunna wuassu papate.”

MATIUS 3:16

Napawe suete nissaṛṛani, Mawu Yesus mal᷊iha-l᷊ihakka sinumapputta wuassu ua'en sal᷊ukka udde. Inaṛṛombanganne langitta nawu'a wuṛṛu Mawu Yesus naasilo Ghaṛṛahon Ruata niumonto'a ere manu'a merpati niumarunna si Tou.

MARKUS 1:10

Aroddi Mawu Yesus nilumapputta wuassu sal᷊ukka udde, i Tou naasilo langitta nawu'a wuṛṛu Ghaṛṛahon Ruata naal᷊ihida ere manu'a merpati inumonto'a si Tou.

LUKAS 3:21

Napawe manga taumata udde nissaṛṛanite, Mawu Yesus lai nissaṛṛani. Wuṛṛu tantal᷊anna i Tou u'al᷊iomanna, langitta nati'akka,

LUKAS 3:23

Su tempo udde Mawu Yesus nanattakken manara-Ne, uukke iraṛṛangngo tallum pul᷊o su tonnane. Tumuṛṛuttu addapattu taumata, i Tou ana'i Yusuf, ana'i Eli,

YOHANES 1:51

Mawu Yesus nabbisara apia, “Atonna, pangimante, i'o sarun maasilo langitta mawu'a, wuṛṛu manga mala'ekattu Ruata uapapal᷊ele ringannu Ana'u Taumata.”

WATTI'U MANGA RASUL 10:11

I tou naasilo langitta nawu'a wuṛṛu pia sambau naal᷊ihida ere mal᷊aṛṛenessa apan mal᷊al᷊akka, ia'ul᷊ukka watukku runia ua'ele su wuune appata.

WATTI'U MANGA RASUL 10:3

Su sambau allo iraṛṛangngo puulla tatallu allattune i tou naasilo ringannu masemakka sulal᷊ummu sondappa, sangkatou mala'ekattu Mawu nirumanta wuṛṛu namaggo si tou, “Kornelius!”

WATTI'U MANGA RASUL 7:56

“Pa'ellega” unni Stefanus, “i ya'u ma'asilo surga nawu'a wuṛṛu Ana'u Taumata uarisikka su samba'an uanannu Ruata!”

2 KORINTUS 12:1

Atonna tawe auntunganne amungkangngu mamarabunga. Arawe i ya'u lai maapulu mamarabunga manga inolaanna apan niapaasilon Duata si ya'u sulal᷊ummu sondapa ara'e sulal᷊ummu aellega.

SONDAPPA 19:11

Wua'udde i ya'u naasilo surga nawu'a, see niasiloanna sambau awal᷊o mawira. Sumasa'e-Ne aranne Matuṛṛuta wuṛṛu Atonna. I Tou matul᷊idda sulal᷊ummu mangema'u ṛuumanna wuṛṛu sulal᷊ummu pangalo apan niolang-Nge.

SONDAPPA 4:1

Wua'udde ya'u naasomba aellega lai. I ya'u naasilo sambau ngara nawu'a su surga. Wua'udde inaringikka lai tingikka apan paarorone suete nabbisara si ya'u ere tingikku trompeta. Tingikka udde nabbisara, “Wette rangante isindi. I Ya'u sarun mamasingkata si'o apa apan sarun mariaddi murine.”