YAKOBUS 5:9 - WUKE SUSI WATTI'U AL᷊AL᷊USASSA

⁹ Arie sumamboṛṛe wuṛṛu mapapaṛṛansila, tadea'u i yamiu tawe irṛṛuumannu Ruata. Paanaunge! Mallaṛṛuungnga maranite, wuṛṛu nasaddiate rumanta.

YAKOBUS 5:9 Iomraidhean Croise

PANDARIADDI 4:7

Amungkangngu i'o ma'ola'a apapia, i'o umamminna; o arawe amungkangngu i'o ma'ola'a al᷊al᷊eo, ne rosa uaṛṛadote sumutta sulal᷊ummu naungngu. Rosa sarun uataṛṛino wadangngu arawe i'o ṛinone mangindaun tou.”

DARALO 59:15

Sutempo wawallo i mangitou nabelengnga, tuttawanna naal᷊ihidda asu lapiddu mammal᷊iwutta soa.

YEHEZKIEL 7:12

Tempone mal᷊ihakke rumanta, allone maranite! Mamamalli wuṛṛu mabbawal᷊u'a tawe naasomba auntunganne apa-apa, ana waugu ṛuumannu Ruata maṛṛia su anambon taumata.

IMAMATTA 19:18

Imbaṛṛangnga mabbal᷊issa a'une wuṛṛu maddantinnu taumata waine, arawe pandangngute sansul᷊ungngu ere lai yamiu mandangngu watangannu sassane. Ete i Ya'u Mawu.

MATIUS 24:33

Aroddi lai amungkangngu i yamiu maasilo manga olangnge udde mariaddi, yamiu masingkatta manungku tempone maranite atonna.

MARKUS 13:29

Aroddi lai amungkangngu i yamiu maasilo al᷊awo'u olangnge udde mariaddi, i yamiu masingkatte manungku tempone maranite atonna.

MARKUS 6:19

Ana waugu udde i Herodias pia naungnga lal᷊eo si Yohanes wuṛṛu maapulu mamate si Yohanes, arawe i tou tawe mapa'ola'a olangnge udde, ana waugu isassingaddi Herodes.

1 KORINTUS 10:11

Sarangkanambone udde mariaddi si mangitou, maola'a tul᷊ada su manga taumata waine. Wuṛṛu sarangkanambone udde uawoṛṛetta lai, maola'a pananaunganna si ite. Ana waugu i ite orassa indi mabbiakka su tempo panginsueanne.

1 KORINTUS 4:5

Ana waugu udde, amungkangu taambe tempone, arie i yamiu mal᷊iha-l᷊ihakka manantunna manungku sangkatou nassal᷊a ara'e tawe. Paṛṛadote Ruata rumanta. Ete i Tou sarun mamu'a al᷊awo'u addapingnga apan uawuni sulal᷊ummu ararandumma. Ete i Tou apan mamongkakku anambon pandumanna apan uawuni sulal᷊ummu naungngu taumata. Su tempo udde suapan taumata wakkute udde maasengkamma daralo wuassu Ruata apan wotongnge sengkamanni tou.

2 KORINTUS 9:7

Suapan taumata ṛinone mangonggola tumuṛṛuttu al᷊al᷊uassu naungnge. Arie i tou mangonggola ringannu uapapadua ara'e ipabbawata'a, ana waugu Ruata mandangngu taumata apan mangonggola ringannu naungnga mal᷊uassa.

GALATIA 5:14

Anambon titan agama naammulle sulal᷊ummu parenta sambau indi, “Ṛinone i yamiu uararangngu su sansul᷊ungngu taumata ere lai yamiu mandangngu wadangngu sassane.”

GALATIA 5:26

I ite tawe wotongnge mattingkawunga, wuṛṛu maddal᷊al᷊eo naungnga, wuṛṛu uaa'une sangkatou ringannu waine.

YAKOBUS 4:11

Manga tuṛṛangnga, arie i yamiu uaal᷊uandaga ara'e mapaasal᷊an sangkatou ringannu waine. Taumata apan mangal᷊undaga wuṛṛu mapaasal᷊an tuṛṛange sansul᷊unga Saṛṛani, i tou mangngal᷊uandaga wuṛṛu mapaasal᷊an titan Duata. Wuṛṛu amungkangu i yamiu mapaasal᷊an titan Duata, udde atappasanne i yamiu tawe tumuṛṛutta manga tita udde, ewe'e maola'a lai mapaasal᷊an tita udde.

YAKOBUS 4:12

Wutte'e tumba'u sangkatou apan wotongnge makkuumannu taumata wuṛṛu mamarikissa taumata. Eteudde Ruata apan uataṛṛino manal᷊amatta wuṛṛu mamate. Nariaddi, isai yamiu, na'oman sara i yamiu mapaasal᷊an sansul᷊ungu taumata?

YAKOBUS 5:10

Manga tuṛṛangnga, paanaunge manga nabi apan mabbisara ringannu arannu Mawu. I mangitou masabbare wuṛṛu mataṛṛanga su asasusa. Nariaddi ola'e i mangitou ere sambau tul᷊ada.

YAKOBUS 5:7

Ana waugu udde, paasabbarete manga tuṛṛangku, ma'oman sara Mawu rumanta. Pa'ellege ereapa asabarene sangkatou mabbawailla ual᷊aṛṛado ma'oman sara letangnge mangonggolu hessine apan maarega si tou. Ringannu asasabbare i tou uaraṛṛaddo uranna su tempo manga rongnga matontonga wuṛṛu uranna su tempo maddongnga.

1 PETRUS 4:5

Arawe i mangitou ṛinone mangonggolu sasimbakke su Ruata apan nasaddiate mamarikissa taumata wiakka wuṛṛu nate.

1 PETRUS 4:9

Ṛinone i yamiu uasasal᷊oho sangkatou ringannu waine sulal᷊ummu wal᷊enu sambau-sambau, ringannu tawe sumamboṛṛe.

SONDAPPA 3:20

Pa'ellega! I Ya'u uarisikka su saruannu ngara wuṛṛu manengkela. Amungkangu pia taumata apan naaringikka tingi-U, wuṛṛu namu'a ngara, i Ya'u sarun sumutta maisasomban tou; i Ya'u sarun umanna suadio'a ringanni tou wuṛṛu i tou umanna suadio'a ringang-Ku.