YAKOBUS 5:7 - WUKE SUSI WATTI'U AL᷊AL᷊USASSA

⁷ Ana waugu udde, paasabbarete manga tuṛṛangku, ma'oman sara Mawu rumanta. Pa'ellege ereapa asabarene sangkatou mabbawailla ual᷊aṛṛado ma'oman sara letangnge mangonggolu hessine apan maarega si tou. Ringannu asasabbare i tou uaraṛṛaddo uranna su tempo manga rongnga matontonga wuṛṛu uranna su tempo maddongnga.

YAKOBUS 5:7 Iomraidhean Croise

YEREMIA 5:24

Taambe saran paassa i yamiu mannaungnga tadea'u mangaddatta si Ya'u, sumbal᷊i ete i Ya'u apan nandolokku uranna, mawae ete su panattaṛṛanne aroddi lai su panginsueannu tempon uranna. Ete i Ya'u lai apan nangonggolla si yamiu tempon pangitinganna suapan mattonna.

HOSEA 6:3

Ana waugu udde wette i ite mattinsahadde atonna-tonna ma'illal᷊a Mawu. I Tou sarun dumanta ringanni ite ere darantan matannallo, wuṛṛu ere uranna apan maṛṛolo runia su panguddusannu tempon urana.”

YOEL 2:23

Ei tumana'u Sion, lalluasse! Lallala'e wuṛṛu paggiote! ana waugu al᷊owo'u apapia wuassu Mawu Ruatanu. Sutempon manontongnga i Tou nangonggollu uranna manambo si'o. Sutempon masunge urana niwambin-Ne, wuṛṛu lai sutempo mallal᷊uwo ere su inanaramanne.

ZAKARIA 10:1

Napawe tempon manontongnga rumantate, paddorongke uranna su Mawu. Ne Mawu sarun mangammullu winabbawa ma'itumma, wuṛṛu manosokku urana masassaga ma'oman sara manga wawail᷊anna mabbal᷊i mangelomma mapia su anambon taumata.

MATIUS 16:27

Tate mal᷊annu lai Ana'u Taumata, su sampunna ringannu manga mala'ekanNe, sarun dumanta ringannu taṛṛinon IamangNge. Su tempo udde i Tou sarun mabbal᷊issa manga taumata tumuṛṛuttu inolaannu sangkatou-sangkatou.

MATIUS 16:28

Asingkatawe! Wuassu wallatti yamiu isindi piaddu tawe mate, tantal᷊anna taambe naasilo Ana'u Taumata rumanta mamarenta ere sangkatou Ratu.”

MATIUS 24:27

ana waugu rarantan Ana'u Taumata semakke ere sawallo ma'ilatta wuassu punnu ra'i, wuṛṛu semakke na'oman sara punnu waṛṛatta.

MATIUS 24:44

Ana waugu udde, i yamiu lai ṛinone uariaga. Ana waugu Ana'u Taumata sarun dumanta su orassa apan tawe iaṛṛangngong kamiu.”

LUKAS 18:8

Pangimante: I Tou ringannu mal᷊iha-l᷊ihakka manamba'a hatto mangitou! Arawe napawe Ana'u Taumata rumanta, apa ta'e asombanganna lai taumata apan mangngimanna si Tou su runia indi?”

LUKAS 21:27

Su tempo udde Ana'u Taumata sarun rumanta sulal᷊ummu winabbawa ringannu taṛṛinone wuṛṛu awawantuga apan bahewa.

LUKAS 8:15

Wualanna nanawo su leta'a masuwukka isassumandingnga su taumata madaringikka watti'a udde, see sinahipunna sulal᷊ummu naungnge apan baresi wuṛṛu matul᷊ida. I mangitou natataṛṛangnga na'oman sara nabua.”

YOHANES 21:22

Mawu Yesus sinumimbakka, “Unnu wisara i Ya'u maapulu i tou matatana'a wiakka ma'oman sara i Ya'u rumanta apia, udde wal᷊ine manaranu. Arawe i'o tantalongke si Ya'u!”

YOHANES 21:23

Ne tinumelengke watti'a su mallal᷊aṛṛenggennu Mawu Yesus manungku mallal᷊aṛṛenggenna udde tawe mate. Sumbal᷊i Mawu Yesus tawe nabbisara manungku mallal᷊aṛṛenggenna udde tawe mate, ewe'e: “Unnu wisara i Ya'u maapulu i tou matatana'a wiakka ma'oman sara i Ya'u rumanta apia, udde wal᷊ine manaranu.”

ROMA 15:4

Sarangkanambone apan nawoṛṛette sulal᷊ummu Wuke Susi udde ipannantiro si ite. Ana waugu al᷊aṛṛa'a apan nisengkammi ite wuassu Wuke Susi mammal᷊u si ite maola'a masabbare wuṛṛu matohassa na'oman sara i ite wotongnge mangngantimma Ruata.

ROMA 2:7

Ruata mangonggolu wiakka tutune wuṛṛu saran mal᷊annu-l᷊annu si mangitou apan sidutu ma'ola'a apapia tadea'u maasomba apan awantuhanne, wuṛṛu apan aaddatanna wuṛṛu apan sarun uatialu.

1 KORINTUS 1:7

na'oman sara i yamiu tawe atalannu al᷊amatta, tantal᷊anna i yamiu uaraṛṛado Mawun kite Yesus Kristus rumanta wuṛṛu ellehannu anambon taumata.

GALATIA 5:5

Arawe si yami indi, yami mangngantima manungku ringannu tul᷊ungannu Ghaṛṛahon Duata wuṛṛu sulal᷊ummu pangangimanni ami si Kristus, Ruata namalan kami masasangkapia apia ringanni Tou.

GALATIA 6:9

Ana waugu udde arie i ite mawusa ma'ola'a manga inolaanna mapia; ana waugu amungkangu i ite tawe illol᷊one mammanara manara udde su paassa i ite sarun mangitingnga wuane.

TAHIUL᷊E 11:14

Amungkangngu i yamiu ma'ola'a aroddi, ne Mawu sarun manossokku uranna su letangngu su tempone matitimma, napawe i yamiu buatte nangitingnga, wuṛṛu su tempo i yamiu manattakke mangasi'a. Ne i yamiu sarun maatahuanna manambo gandumma, anggore wuṛṛu lanan zaitun,

KOLOSE 1:11

Doronganna ringannu taṛṛinon Duata apan mawantuga, i yamiu tohasanna ma'oman sara i yamiu wotongnge matataṛṛanga ringannu sabbare wuṛṛu naungnga mal᷊uassa

1 TESALONIKA 2:19

Atonna ete i yamiu aantimanna wuṛṛu maal᷊uassa si yami. Ana waugu napawe Mawu Yesus rumanta, wuṛṛu i ite sumaruanna si Tou, ne ete i yamiu apan maal᷊uassa si yami!

1 TESALONIKA 3:13

Ringannu aroddi Mawu sarun manohassa naungngu, na'oman sara i yamiu ma'ukkasa wuṛṛu tawe sal᷊ane su saruannu Ruata Iamangngi ite, su tempo Mawun kite Yesus rumanta suadio'a ringannu anambon taumata apan naola'a pussa'a-Ne.

IBRANI 6:15

Abraham uaṛṛado ringannu sabare, ne i tou nanengkamma apa apan pina'iren Ruata si tou.

YAKOBUS 4:11

Manga tuṛṛangnga, arie i yamiu uaal᷊uandaga ara'e mapaasal᷊an sangkatou ringannu waine. Taumata apan mangal᷊undaga wuṛṛu mapaasal᷊an tuṛṛange sansul᷊unga Saṛṛani, i tou mangngal᷊uandaga wuṛṛu mapaasal᷊an titan Duata. Wuṛṛu amungkangu i yamiu mapaasal᷊an titan Duata, udde atappasanne i yamiu tawe tumuṛṛutta manga tita udde, ewe'e maola'a lai mapaasal᷊an tita udde.

YAKOBUS 5:10

Manga tuṛṛangnga, paanaunge manga nabi apan mabbisara ringannu arannu Mawu. I mangitou masabbare wuṛṛu mataṛṛanga su asasusa. Nariaddi ola'e i mangitou ere sambau tul᷊ada.

YAKOBUS 5:3

Wul᷊awanna wuṛṛu sal᷊aanu nitaiante, taine sarun maola'a tatiala lumawangnga si yamiu wuṛṛu sarun umanna wadangu ma'oman sara masue ere putungnga. I yamiu suete nangombon darotongnga su tempo maraniten allon panginsueanne.

2 PETRUS 3:4

ringannu mabbisara arendi, “Anaudde Mawu na'ire rumanta! Orassa indi suapa i Tou? Manga iamangngu al᷊amonang kite natete arawe al᷊awo'a mangke uasul᷊ungnga ere ro'en runia indi niriaddi!”