YAKOBUS 5:5 - WUKE SUSI WATTI'U AL᷊AL᷊USASSA

⁵ I yamiu suete nabbiakka su al᷊al᷊uassa, wuṛṛu naatemmate apapian dunia indi. Yamiu paṛṛimaunnapa ere tantal᷊anna mapaatawan wadangnga ipaṛṛaddo allo pamamototanna.

YAKOBUS 5:5 Iomraidhean Croise

DARALO 17:14

Liuaawe i ya'u wuassu manga taumata apan mangngundu'u darotongngu runia. Ṛuumana'ewe i mangitou ringannu asasilaka apan buatte nissadia-Nu si mangitou. Wala'ewe ana'a papapulunni mangitou iṛṛuumanna lai.

DARALO 73:7

Wuassu naungngi mangitou sinumabbanga al᷊al᷊eo; i mangitou tawe illol᷊one ringannu hol᷊aga lal᷊eo.

AMSAL 17:1

Mappianne sangkawo'o nasi rarundinganannu paddarame, wuassu anna matemangnga manambo arawe rarundinganannu pattatiakka.

AMSAL 7:14

“Allo indi ṛinone i ya'u mamaekka riadi'u, wuṛṛu ringannu udde buatte nangonggollu sasamba.

MANNANASE 11:9

Paata'e temponu dario'a, ei umbasanna! Lalluasse tantal᷊anna i'o ta'e saṛṛentumuwo. Loṛṛoite al᷊awo'u hol᷊aggu ṛimuuddu, amata'e anambon apulun naungngu. Arawe naunge, Ruata apan su surga, sarun makkuungngu anambon manaranu.

YESAYA 22:13

Arawe mappianne, i yamiu pallal᷊umanna'e wuṛṛu papesetta. I yamiu pakkata sapi wuṛṛu domba, uminassa ṛemessa wuṛṛu ma'inumma ua'e anggore lapiddu mabbisara, “Wette i ite umanna wuṛṛu ma'inumma, ana waugu tiṛṛabbi i ite matete!”

YESAYA 3:16

Mawu nabbisara, “Mawunga atonna manga wawinen Yerusalem! I mangitou mammanemma, apulune mangngangkeramma wuṛṛu u'amatta ringannu mawunga. Lempangnge a'olaanna, wuṛṛu mangke sussal᷊ensekka tingikku manga hal᷊angnga su leddane.

YESAYA 47:8

Ana waugu udde paddaringikke si Ya'u, ei i'o apan tumba'u apulune maddea'a lal᷊umanna'a! I'o massunna manungku wiakku matammuda, wuṛṛu taweddu ere i'o. I'o maṛṛingidda tawe maola'a inawaluanna, wuṛṛu papapulunnu tawe mate.

YESAYA 56:12

Manga mabbawu'anna udde mabbisara, ‘Wette i ite ma'inumma anggore wuṛṛu ma'inumma sara mawusa! Tiṛṛabbi sarun mappianne wuassu allo indi!’ ”

YEREMIA 12:3

Arawe I'o, oh Mawu, masingka'u. I'o ma'asilo inolaangku, wuṛṛu I'o masingkattu ereapa apendammu naungku Si'o. Apira'e manga taumata lal᷊eo udde sumabbangnga, apira'e i mangitou ere domba su pamamototanna. Riagaite i mangitou maddatingngu tempone i mangitou ṛatanna.

YEREMIA 25:34

Ei manga piaṛṛa'a, ei manga mallal᷊u'addu umattu Mawu! Luaite pa'ikka-ikkatta! Tattal᷊inggite su awu, ana waugu nia'omante tempone i yamiu pateanna, wuṛṛu iapa naal᷊assanga sarun isal᷊iawukka. I yamiu naal᷊ihidda ere wensadda maarega apan nanawo see napesangnga.

YEHEZKIEL 16:49

Sodom wuṛṛu manga ampunge mawunga ana waugu uatahuanna manambo walingakku anna see wotongnga mabbiakka ringannu matammudda wuṛṛu paddarame. Arawe i mangitou tawe ma'ellega taumata asiangnga wuṛṛu taumata lal᷊ebone.

YEHEZKIEL 39:17

Mawu Apan Atanggaṛṛanne nabbisara si ya'u, “Ei taumata apan mattate, waggoite anambon manu'u winalanganna wuṛṛu winatangnga waine tadea'u rumanta wuassu al᷊awo'u tampa umanna sasamba apan Ta'u nissadia ionggolla si mangitou. I Ya'u sarun ma'ola'a andeangnga wahewalla su manga wowon Israel, poiaroddi i mangitou sarun uminassa ṛemessa wuṛṛu ma'inumma daṛṛa.

AMOS 6:1

Nasilakate i yamiu apan mabbiakka matemangnga su Sion, wuṛṛu i yamiu apan uapendamma mal᷊angnganna su Samaria – i yamiu ei manga matatimmaddu walahannu Israel apan apianne indi, i yamiu apan inanaramanne raddantannu tumanangnge paddoronganna tul᷊unganna!

LUKAS 16:19

“Pia sangkatou ala. Peddenne mangkasagada aregane wuṛṛu wiakke mannampal᷊iu apiane su miallo-miallo.

LUKAS 16:25

Arawe i Abraham sinumimbakka, ‘Naungewe ana'u: su alo'engngu pabbiaṛṛannu i'o suete naasomba manambo apianne; arawe i Lazarus naasomba alal᷊eoanne. Orassa indi i tou mal᷊uassa isindi, wuṛṛu i'o uatataṛṛangnga.

ROMA 13:13

I ite ṛinone ma'ola'a inolaanna apan aaddatanna ere su inanaramanne a'olaannu taumata su tempo allo; imbaṛṛangnga maddamea tumaniten manampal᷊iu, ara'e mabbu'anna. Imbaṛṛangnga sumandaga, ara'e pia pallal᷊agu tawe addane. Imbaṛṛangnga mabbawul᷊o, ara'e mangune.

1 TIMOTIUS 5:6

Arawe wawine wal᷊u apan maapulu mabbiakka mal᷊uassa, i tou natete salaiwe i tou ta'e wiakka.

2 TIMOTIUS 3:4

I mangitou apulune mandal᷊eo taumata, mawunga wuṛṛu tawe maṛṛingidda mal᷊o'e. I mangitou apulune tuttuṛṛuta lal᷊umanna'u runia wuassu tumuṛṛutta al᷊aṛṛa'u Ruata.

2 PETRUS 2:13

Maola'a wawal᷊issu asasusa apan suete niola'i mangitou, i mangitou sarun matataṛṛanga susa. Inolaanna apan maal᷊uassa naungngi mangitou eteudde ma'ola'a al᷊awo'u inolaanna su allo allattune maddea'a mapaawusan apulun wadangi mangitou. Amungkangu i mangitou uaianna su sambau ringanni yamiu sulal᷊ummu andeangngu anna, pallal᷊agu mangitou maarantinna ana waugu i mangitou niwu'annu apulu naungngi mangitou.

YUDAS 1:12

Su tempo i yamiu na'ola'a andeangnga, pallal᷊agu manga taumata udde maarantinna su wallatti yamiu. Ana waugu i mangitou u'anna manambo-nambo ringannu tawe masili, wuṛṛu tumba'u maṛṛingiddu watanganne sassane. I mangitou naal᷊ihida winabbawa iattalla'u anginna, arawe tawe manguranna. I mangitou lai ere alu apan tawe mabbua salaiwe su tempon pabbawua; manga alu apan suete niabutta ṛamunne wuṛṛu natete abbi.

SONDAPPA 18:7

Onggol᷊a'a si tou papaṛṛanga wuṛṛu asasusa apan anambone uasul᷊ungngu awawantuga wuṛṛu pa'a'ala apan nionggole su wadange sassane. Ana waugu i tou sidutu mabbisara su watanganne, ‘I ya'u indi ratu apan mammarenta: I ya'u wal᷊ine wawine wal᷊u; i ya'u sarun tawe mamendama asasusa!’

1 SAMUEL 25:36

Sutempo i Abigail nabelengke ringanni Nabal, inauranna pia andeangnga wahewalla su wal᷊ene, naal᷊ihidda andeangngu mararatu. Ne ana waugu i Nabal wu'ante wuṛṛu lulluassa, i tou tawe niawatti'annu awingnge naddatingngu tiṛṛabbine.

1 SAMUEL 25:6

niaparanta ringanni Nabal niapawal᷊on tabean Daud si tou, “Wuṛṛu amonannu see lai anambon darotongngu.