YAKOBUS 5:19 - WUKE SUSI WATTI'U AL᷊AL᷊USASSA

¹⁹ Manga tuṛṛangku! Amungkangu wuassu wallatti yamiu pia sangkatou apan maddirite tumuṛṛutta al᷊aṛṛa'u Ruata, wua udde sangkatou waine napaawelengngu taumata udde ringannu Ruata,

YAKOBUS 5:19 Iomraidhean Croise

DARALO 119:118

I'o napawelengu taumata apan sinumewadda wuassu raṛawen-Nu, tawe gunane wawahian mangitou.

DARALO 119:21

I'o nanagu taumata apan mawunga, wuṛṛu namontoga taumata apan sinumewadda wuassu parenta-Nu.

AMSAL 19:27

Ana'u, amungkangngu i'o maddirite lai massi'ala, i'o sarun maabul᷊in apa apan buatte niurumannu.

YESAYA 3:12

Uma-U sarun allangannu taṛṛa rea'a auntunganna wuṛṛu ipakkan taumata taṛṛa iṛṛuppa daṛṛa. Uma-U sarun ial᷊iwun manga piaṛṛangnge na'oman sara waggate lai dal᷊anna apan ṛinone amatanni mangitou.”

YEHEZKIEL 34:16

Iapa nawul᷊i Ta'u reaanna, iapa nilamammiṛṛane sarun Ta'u iapidda mapul᷊e, iapa nal᷊essa Ta'u wa'isanna, wuṛṛu iapa maradda'a ta'u undamanna; arawe iapa matawa wuṛṛu matohassa sarun Ta'u pateanna, ana waugu i Ya'u mallal᷊u'adda apan ma'ola'a apapia.

YEHEZKIEL 34:4

Manga domba apan lome tawe paddul᷊iananni yamiu, iapa maradda'a tawe undamanni yamiu, iapa nal᷊essa tawe wa'isanni yamiu, wuṛṛu iapa nilamammiṛṛane tawe reaanna wuṛṛu iapidda apia. Ewe'e lai anambon manga domba udde niola'i yamiu ringannu maṛṛagissa.

MATIUS 18:15

“Amungkangngu tuṛṛangngu ma'ola'a rosa su saruannu, roote ringanni tou wuṛṛu tantiroa'e passasal᷊ane. Ola'e udde ringannu mal᷊annaba su wallatti raddua sassane. Amungkangngu i tou tinumuṛṛutta al᷊awo'u wisaranu, i'o naauntungnga naasomba apia tuṛṛangngu udde mabelengnga.

LUKAS 22:32

Arawe i Ya'u suete inumal᷊iomanni yamiu, Simon, tadea'u pangangimannu tawe mallome. Wuṛṛu napawe i'o mabelengke ringang-Ku, i'o sarun manohassa manga tuṛṛangngu.”

GALATIA 6:1

Manga tuṛṛangnga! Amungkangngu sangkatou niaratinganna ma'ola'a rosa, ṛinone i yamiu mabbiakka tuttuṛṛuta Ghaṛṛahon Duata, mangehetta taumata udde mabbelengnga su lal᷊anna apan naṛṛino. Arawe i yamiu ṛinone ma'ola'a udde ringannu masaṛṛionto'a wuṛṛu paariagai arie ma'oman sara i yamiu sassane lai awono'anna.

1 TIMOTIUS 6:10

Ana waugu wuassu aapulun doitta, lumappute al᷊awo'u al᷊al᷊eo. Pia sambageanganna taumata apan maddea'a roitta na'oman sara tate tumuṛṛutta lai al᷊aṛṛa'u Saṛṛani, ana see i mangitou niaṛṛiaannu manambo asasusa naṛṛimunsa'a naungngi mangitou.

1 TIMOTIUS 6:21

Ana waugu pia manga taumata apan mabbisara manungku i mangitou pia asingkata udde, na'oman sara massal᷊ate amatta wuassu manga al᷊aṛṛa'u Saṛṛani apan pinangimananni mangitou paarorone. Antimanna Ruata mangal᷊amatta manga tuṛṛangnga. Tabea wuassi yami, Paulus

2 TIMOTIUS 2:18

I mangitou suete nalliu wuassu al᷊aṛṛa'a apan su ṛinone, wuṛṛu nangal᷊iwun pangangimannu sangkawageanganna taumata. I mangitou nabbisara manungku pabbawangunna wuassu papate suete nariaddi.

IBRANI 5:2

Imam Bahewa udde sassane lome su al᷊awo'u inolaanna wuṛṛu ana waugu udde i tou wotongnge mattingkaola'a masaṛṛionto'a su saruannu taumata apan waggan apa-apa wuṛṛu apan niumal᷊iwun dal᷊anne.

YAKOBUS 1:16

Ariewe i yamiu aawusuanna, manga tuṛṛangku apan aranguanna!

YAKOBUS 1:19

Panutukke indi paapia-pia, manga tuṛṛangnga apan arangnguanna! Suapan taumata ṛinone mal᷊ihakka maddaringikka, arawe mal᷊iwue mabbisara wuṛṛu mal᷊annu masa'u.

YAKOBUS 3:14

Arawe amungkangu i yamiu taṛṛa l᷊uadda, naungnge lal᷊eo, wuṛṛu maṛṛingiddu ririnu sassane, arie mamarabungan apande udde, ana waugu ringannu udde i yamiu mammal᷊elongngu watti'a mapia wuassu Ruata.

YAKOBUS 5:20

naungete addoanne indi: Taumata apan na'ola'a taumata marosa mabelengnga wuassu lal᷊anne apan nassal᷊a, taumata udde nanal᷊amatta niawan taumata marosa udde wuassu papate wuṛṛu na'ola'a manambo rosa niampunganna. Tabea wuassi yami, Yakobus

2 PETRUS 3:17

Arawe i yamiu manga tuṛṛangku apan arangnguanna, maasingkatte olangnge udde. Ana waugu udde, paatehamma, arie i yamiu iawol᷊engnga sulal᷊ummu ararandumu manga taumata lal᷊eo, ma'oman sara i yamiu manawo wuassu tampa dararisiṛṛanu apan matohassa.

YUDAS 1:11

Nasilakate i mangitou! I mangitou suete niumamatta su lal᷊anni Kain. Tadea'u maasomba roitta, i mangitou namontollu wadangnge su inolaanna lal᷊eo ere Bileam. Wuṛṛu i mangitou lai nipate ana waugu nilumawanna ere Korah.