YAKOBUS 4:9 - WUKE SUSI WATTI'U AL᷊AL᷊USASSA

⁹ Ṛinone atonna-tonna i yamiu sumassilla wuṛṛu lumuai lapiddu lumal᷊o; ṛinone lal᷊agenu maola'a lal᷊uai wuṛṛu al᷊al᷊uannu maola'a asasusa!

YAKOBUS 4:9 Iomraidhean Croise

NEHEMIA 8:9

Naaringikka pabbawasan Tita udde, tumanangnge nabbal᷊i lembon natuno, ana see nilumuai. Ne gubernure Nehemia wuṛṛu Imam Ezra mapapanden Tita udde, see manga taumatan Lewi apan nanal᷊a'an Tita udde, nabbisara su anambon tumanangnge arendi, “Allo indi allo apan niṛṛae su Mawu Ruatanu, nariaddi arie masusa ara'e lumuai.

AYUB 30:31

Dorone i ya'u naaringikka musikku al᷊al᷊uassa, orassa indi tumba'u lal᷊allu lal᷊uai sassane.

DARALO 119:136

Allommata'u mangngelekka ere sal᷊ukka, ana waugu tita-Nu tawe tuṛṛutanna.

DARALO 119:67

Tantal᷊anna taambe niṛṛuumanna, i ya'u buatte sinumewadda, orassa indi i ya'u uaagassa parenta-Nu.

DARALO 119:71

Atonna mappianne I'o makkuumangku, tadea'u i ya'u maaillal᷊a manga tita-Nu.

AMSAL 14:13

Pangillul᷊eannu lal᷊age asinungka pia lal᷊uai; al᷊al᷊uassa wotongnge muddussu asasusa.

MANNANASE 2:2

I ya'u wukkute naatutukka manungku lal᷊agge udde awawoddo wuṛṛu lal᷊umanna'a tawe gunane.

YEREMIA 31:13

Sutempo udde manga maṛṛuala sarun massal᷊aingnga ringannu naungnga mal᷊uassa. Timmadde wuṛṛu dario'a suadio'a lullala'a, ana waugu i Ya'u sarun malluassa naungngi mangitou. Asasusa mangitou Ta'u wal᷊uanna maola'a al᷊al᷊uassa, lal᷊uai mangitou Ta'u wal᷊uanna mabbal᷊i lal᷊umanna'a.

YEREMIA 31:9

I mangitou u'amatta ringannu allo mata apan mappinapi, Ta'u niwinalatanna wuṛṛu Ta'u niehetta i mangitou. Ta'u niapidda i mangitou niumamattu tampa apan manambo ua'ene, niummatta su lal᷊anna ratakke su tampa i mangitou tawe matara. Su Israel, i Ya'u maola'a Iamangnga; Efraim uddewe ana-U pahul᷊une.”

LAL᷊ALLU 5:15

I yami niawul᷊ianten lal᷊umanna'a; manga sal᷊aingnga nawal᷊ute lal᷊al᷊o.

YEHEZKIEL 16:63

I Ya'u sarun mangampunga al᷊awo'u pasasal᷊anu, arawe i'o tawe maabul᷊ine wuṛṛu i'o sarun maapendamma asasili amungkangu mabbisara manga apa. I Ya'u Mawu Apan Atanggaṛṛanne buatte nabbisara.”

YEHEZKIEL 7:16

Sambageanganna sarum maralukka wuṛṛu tumal᷊angngu watanganne su panenteanna. Isudde i mangitou sarun maola'a ere manu'a merpati apan lallimbuaṛṛanna wuassu manga wawal᷊anne; sarangkanambone sarun sumal᷊iomanna ana waugu manga rosa mangitou.

MATIUS 21:41

I mangitou sinumimbakka, “I tou sarun mamate manga taumata lal᷊eo udde, see mapasewatem baillu anggore udde su taumata waine apan maapulu mangagillu hessin leta'a udde su tempone.”

MATIUS 5:4

Lal᷊umanna'a su taumata apan massusa naungnge; Ruata sarun malluassa naungngi mangitou!

LUKAS 16:25

Arawe i Abraham sinumimbakka, ‘Naungewe ana'u: su alo'engngu pabbiaṛṛannu i'o suete naasomba manambo apianne; arawe i Lazarus naasomba alal᷊eoanne. Orassa indi i tou mal᷊uassa isindi, wuṛṛu i'o uatataṛṛangnga.

LUKAS 6:21

Lal᷊umanna'a i yamiu apan mal᷊unussa orassa indi; i yamiu sarun iapaal᷊aidda! Lal᷊umanna'a i yamiu apan lulluai orassa indi; i yamiu sarun lumagge!

LUKAS 6:25

Nasilakate i yamiu apan mal᷊aida orassa indi; ana waugu i yamiu sarun amal᷊unusanna! Nasilakate i yamiu apan lullage orassa indi; ana waugu i yamiu sarun masusa wuṛṛu lumuai!