YAKOBUS 4:16 - WUKE SUSI WATTI'U AL᷊AL᷊USASSA

¹⁶ Arawe orassa indi yamiu namarabunga wuṛṛu matal᷊imoṛṛonganna. Anambon wisaranu udde nassal᷊a.

YAKOBUS 4:16 Iomraidhean Croise

DARALO 52:1

Su piaṛṛa'u mangangantari. Aantari al᷊aṛṛa'i Daud,

DARALO 52:7

Arawe i'o sarun pateannu Ruata sarangkal᷊o'engnge; i'o sametanna wuṛṛu wol᷊enganna wuassu wal᷊enu, wuṛṛu iapawul᷊i wuassu runian taumata wiakka.

AMSAL 25:14

Manga riandi apan tawe naola'a, naal᷊ihidda winabbawa wuṛṛu anginna apan tawe manossokku uranna.

AMSAL 27:1

Arie tumaṛṛupassi su ola'u allo tiṛṛabbi, ana waugu i'o wagga apan sarun mariaddi tiṛṛabbi.

YESAYA 47:10

I'o uapendamma matammudda sulal᷊ummu al᷊al᷊eonu, unnu pahinu inolaannu tawe ellehanna. I'o iaal᷊iwun apandenu wuṛṛu asingkannu, su sunnanu taweddu ere i'o.

1 KORINTUS 5:6

Tawe su ṛinone i yamiu mamunga. Asinungka i yamiu naasingkate sasanato'a indi, “Ragi apan adio'a ma'aola'a aompengu taponna tumuwo!”

YAKOBUS 3:14

Arawe amungkangu i yamiu taṛṛa l᷊uadda, naungnge lal᷊eo, wuṛṛu maṛṛingiddu ririnu sassane, arie mamarabungan apande udde, ana waugu ringannu udde i yamiu mammal᷊elongngu watti'a mapia wuassu Ruata.

1 YOHANES 2:16

Al᷊awo'u saranapa sulal᷊ummu runia indi – apan ipaapulun pallal᷊agun taumata marosa, apan a'ellehanna see iannemma wuṛṛu ipamarabunga – sarangkanambone udde manga inolaanna apan tawe wuassu Ruata, ewe'e wuassu runia.

SONDAPPA 18:7

Onggol᷊a'a si tou papaṛṛanga wuṛṛu asasusa apan anambone uasul᷊ungngu awawantuga wuṛṛu pa'a'ala apan nionggole su wadange sassane. Ana waugu i tou sidutu mabbisara su watanganne, ‘I ya'u indi ratu apan mammarenta: I ya'u wal᷊ine wawine wal᷊u; i ya'u sarun tawe mamendama asasusa!’