YAKOBUS 4:14 - WUKE SUSI WATTI'U AL᷊AL᷊USASSA

¹⁴ Apa apan sarun mariaddi su wiakku tiṛṛabbi, yamiu sassane lai wagga! I yamiu tumba'u ere timbulla apan aellehanna tal᷊an kadio'a, wua'udde mawul᷊i.

YAKOBUS 4:14 Iomraidhean Croise

2 SAMUEL 19:34

Arawe i Barzilai sinumimbakka, “Allangngu tate lai mabbiakka mal᷊annu. Nariaddi apa hunane allangngu tumantalongnga si Tuangnga watukku Yerusalem?

DARALO 102:3

Ariewe mangindau'u napawe i ya'u sulal᷊ummu asasusa. Daringiṛṛewe napawe i ya'u sumal᷊ande, wuṛṛu simbakkawe si ya'u ringannu mal᷊ihakka.

DARALO 144:4

Tauamata udde naal᷊ihidda anginna paassa sumingangu, naal᷊ihidda lintau sumabbi, etearoddi ola'u wiakke.

DARALO 39:5

“Mawu, pasingkata'e tingngera papate'u tadea'u i ya'u masingkatta aroddi aaunne auuṛṛangku.”

DARALO 78:39

I Tou mannaungnga manungku i mangitou tumba'u riadianna apan wotongnge mate, naal᷊ihidda anginna apan sinumabbi wuṛṛu tate mabelengnga.

DARALO 89:47

Sara apa tempone I'o ma'imbuni, oh Mawu? Sara tingngera asasa'u-Nu lukkenggamma ere putungnga?

AMSAL 27:1

Arie tumaṛṛupassi su ola'u allo tiṛṛabbi, ana waugu i'o wagga apan sarun mariaddi tiṛṛabbi.

YESAYA 2:22

Nariaddi, ariete pangantimma su taumata apan mattate, ana waugu i tou tawe aregane.

YESAYA 38:12

Niawa'u nabbassute, nia'omante papate'u, naal᷊ihidda rasannu mallal᷊u'adda winatangnga nihohakka; naal᷊ihidda mal᷊aṛṛenessa nipototta wuassu pandaraddu'anne; su sunna'u Ruata sarun manginsue pabbiaṛṛangku.

YAKOBUS 1:10

Wuṛṛu taumatan Saṛṛani apan ala, ṛinone lumuassa lai, amungkangu Ruata mapaawawon tou. Ana waugu taumata ala sarun mawul᷊i ere wungan ahuranganna.

1 PETRUS 1:24

Sulal᷊ummu Wuke Susi uawoṛṛetta arendi, “Anambon walahannu taumata ere nannal᷊o, wuṛṛu ahewallu awawantu-Ge ere wungan nannal᷊o. Nannal᷊o tinumolangnga, wungane lai natontonga;

1 PETRUS 4:7

Sarangkanambone maraniten panginsueanne, ana waugu udde ṛinone i yamiu ua'ul᷊inna apulun wadangnga wuṛṛu uariagga, tadea'u i yamiu wotongnge umal᷊iomanna.

1 YOHANES 2:17

Runia wuṛṛu al᷊awo'u sarannapa sulal᷊umme apan ipaapulun taumata, tantal᷊anna mabbul᷊i. Arawe taumata apan tuttuṛṛutta apulun Duata, sidutu mabbiakka saran mal᷊annu-l᷊annu.