YAKOBUS 4:11 - WUKE SUSI WATTI'U AL᷊AL᷊USASSA

¹¹ Manga tuṛṛangnga, arie i yamiu uaal᷊uandaga ara'e mapaasal᷊an sangkatou ringannu waine. Taumata apan mangal᷊undaga wuṛṛu mapaasal᷊an tuṛṛange sansul᷊unga Saṛṛani, i tou mangngal᷊uandaga wuṛṛu mapaasal᷊an titan Duata. Wuṛṛu amungkangu i yamiu mapaasal᷊an titan Duata, udde atappasanne i yamiu tawe tumuṛṛutta manga tita udde, ewe'e maola'a lai mapaasal᷊an tita udde.

YAKOBUS 4:11 Iomraidhean Croise

DARALO 140:11

Wala'e i mangitou aemaannu waṛṛan putungnga, wuṛṛu iramme sulal᷊ummu loṛṛangngu papate, na'oman sara tate maasabbanga apia.

LUKAS 6:37

“Imbaṛṛangnga maṛṛuungngu taumata waine, tadea'u i yamiu lai sassane tawe iṛṛuungngu Ruata. Imbaṛṛangnga maṛṛuumannu taumata waine, tadea'u i yamiu sassane tawe iṛṛuumannu Ruata. Ampungete taumata waine, tadea'u Ruata lai mangampungnga si yamiu.

ROMA 2:1

Ana waugu udde, manga tuṛṛangnga, isai i'o tuṛṛangnga, na'oman sara i'o tuṛṛangnga maapulu mapaasal᷊an taumata waine? Tuṛṛangnga tawe ahidda ipallindumma ririnu. Ana waugu amungkangngu i'o mapaasal᷊an taumata waine, sumbal᷊i tuṛṛangnga sassane ma'ola'a ere inolaanni mangitou, ne tuṛṛangnga naṛṛuumannu watangannu sassane lai.

ROMA 2:13

Ana waugu taumata mabelengnga apia ringannu Ruata, wal᷊ine ana waugu taumata udde buatte naasingkata titan agama Yahudi, ewe'e ana waugu i tou tuttuṛṛutta apa apan uawoṛṛetta sulal᷊ummu tita udde.

ROMA 7:7

Amungkangngu aroddi, apa ipabbisaran kite? Manungku titan agama Yahudi lal᷊eo? Asinungka tawe. Arawe ete tita udde apan nangaṛṛa'a si ya'u su ola'u rosa. I ya'u sarun tawe maasingkatta awawal᷊iu udde apa, amungkangngu tawe titan agama namasingkatta. “Imbaṛṛangnga wal᷊iu.”

1 KORINTUS 4:5

Ana waugu udde, amungkangu taambe tempone, arie i yamiu mal᷊iha-l᷊ihakka manantunna manungku sangkatou nassal᷊a ara'e tawe. Paṛṛadote Ruata rumanta. Ete i Tou sarun mamu'a al᷊awo'u addapingnga apan uawuni sulal᷊ummu ararandumma. Ete i Tou apan mamongkakku anambon pandumanna apan uawuni sulal᷊ummu naungngu taumata. Su tempo udde suapan taumata wakkute udde maasengkamma daralo wuassu Ruata apan wotongnge sengkamanni tou.

2 KORINTUS 12:20

I ya'u sussinggawangnga manungku su tempo i ya'u mattembo si yamiu, i ya'u naaratingnga tawe ere apa apan aantimangku. Aṛṛengenne aratinganna piaddu uawawul᷊o, naungnge lal᷊eo, naungnge mal᷊oso, tumba'u madea'a hausannu watanganne, uaaumbilangnga, mappawawul᷊o, mawunga wuṛṛu ma'ola'a patatatiakka.

EFESUS 4:31

Timbul᷊ianete al᷊awo'u taddu'u naungnga, mangngune wuṛṛu massa'u. Ariete lai umui wuṛṛu mallela. Ariete lai pia apendamma maddantina ara'e apendamma waine lai apan uasul᷊ungngu apendamma udde.

1 TIMOTIUS 3:11

Awingngi mangitou lai ṛinone taumata mapia, wal᷊ine taumata apan taṛṛa watti'u wahia. I mangitou ṛinone masingkata mattuṛṛadana, wuṛṛu tawe mamahia su al᷊awo'u inolaanna.

2 TIMOTIUS 3:3

I mangitou maddiri mandangngu taumata sansul᷊unge, tawe mangonggolu ampunga, i mangitou apulune mandal᷊eo arannu taumata waine, taṛṛa wata'a, i mangitou maṛṛaggisa, wuṛṛu maddirin apapia.

TITUS 2:3

Aroddi lai ṛinone i'o mangaṛṛa'a manga wawine apan timmaddete tadea'u pallal᷊agu mangitou matataṛṛino su taumata apan mabbiakka tumuṛṛuttu apulun Duata sassane. Tawe wotongnge i mangitou mangal᷊uandaga taumata waine, wuṛṛu tawe wotongnge taṛṛa inumma ua'e maawu'anna. Ṛinone i mangitou mangaṛṛa'u manga al᷊aṛṛa'a apan mapia,

YAKOBUS 1:16

Ariewe i yamiu aawusuanna, manga tuṛṛangku apan aranguanna!

YAKOBUS 1:19

Panutukke indi paapia-pia, manga tuṛṛangnga apan arangnguanna! Suapan taumata ṛinone mal᷊ihakka maddaringikka, arawe mal᷊iwue mabbisara wuṛṛu mal᷊annu masa'u.

YAKOBUS 1:25

Titan Duata nasuungnga wuṛṛu pia taṛṛinone mamallosu taumata. Wuṛṛu taumata apan mammarikissa wuṛṛu mannutukka mapia-pia lapiddu tuttuṛṛutta tita udde, wuṛṛu wal᷊inewe tumba'u maddaringikka see timbul᷊iananna, taumata udde sarun al᷊amatannu Ruata sulal᷊ummu al᷊awo'u inolaanne.

YAKOBUS 2:8

I yamiu ma'ola'a su ṛinone, amungkangu i yamiu tumuṛṛutta titan Araratuanna sulal᷊ummu wageangu Wuke Susi indi, “Pandangngu sansul᷊ungu ere i yamiu mandangngu watangannu sassane.”

YAKOBUS 5:10

Manga tuṛṛangnga, paanaunge manga nabi apan mabbisara ringannu arannu Mawu. I mangitou masabbare wuṛṛu mataṛṛanga su asasusa. Nariaddi ola'e i mangitou ere sambau tul᷊ada.

YAKOBUS 5:7

Ana waugu udde, paasabbarete manga tuṛṛangku, ma'oman sara Mawu rumanta. Pa'ellege ereapa asabarene sangkatou mabbawailla ual᷊aṛṛado ma'oman sara letangnge mangonggolu hessine apan maarega si tou. Ringannu asasabbare i tou uaraṛṛaddo uranna su tempo manga rongnga matontonga wuṛṛu uranna su tempo maddongnga.

YAKOBUS 5:9

Arie sumamboṛṛe wuṛṛu mapapaṛṛansila, tadea'u i yamiu tawe irṛṛuumannu Ruata. Paanaunge! Mallaṛṛuungnga maranite, wuṛṛu nasaddiate rumanta.

1 PETRUS 2:1

Ana waugu udde, rammea'e wuassu ririnu al᷊awo'u al᷊al᷊eo; ariete lai pamahia, wuṛṛu arie pallilangkamal᷊e'a. Ariete mannaungnga lal᷊eo, wuṛṛu arie pangngadio'a taumata waine.