YAKOBUS 4:10 - WUKE SUSI WATTI'U AL᷊AL᷊USASSA

¹⁰ Ṛinone i yamiu sumallungu watangannu su saruannu Mawu, ne Mawu sarun manduitti yamiu.

YAKOBUS 4:10 Iomraidhean Croise

2 TAWARIKH 7:14

ana see al᷊aṛana-U apan nappaattu arang-Ku udde sumallungngu watanganne, wuṛṛu umal᷊iomanna ana see rumanta ringang-Ku wuṛṛu manatangngu inolaanni mangitou apan lal᷊eo, ne wuassu surga i Ya'u sarun maddaringikka aal᷊iomanni mangitou. I Ya'u sarun mangampungnga manga rosan mangitou wuṛṛu ma'ola'a wanuam mangitou su lal᷊umana'a apia.

AYUB 22:29

Taumata apan mawunga sarun iapawawon Mawu, arawe iapa naungnge mawawo sarun iapasal᷊amatta.

AYUB 5:11

Ete i Tou Ruata apan mannanggakku taumata mawawo, wuṛṛu mapal᷊uassu taumata apan lullal᷊o.

DARALO 113:7

Taumata asiangnga niwatun-Ne wuassu awu, wuṛṛu taumata susa wuassu leta'a.

DARALO 147:6

I Tou napararisikku taumata apan niallangnga, arawe taumata lal᷊eo niemang-Nge su leta'a.

DARALO 27:6

Orassa indi i ya'u naauntunga su see'u apan uapal᷊iwutta si ya'u; ne ringannu u'uin lal᷊ala'a i ya'u mangonggolu sasamba aadiangkamanna su Wal᷊en-Nu; i ya'u maapulu mangantari wuṛṛu maddalo Mawu.

DARALO 28:9

Sal᷊amatewe al᷊aṛṛanang-Ngu, oh Mawu, al᷊amatewe manga taumata pussaa-Nu. Pattingkaola'e ere sangkatou mallal᷊u'adda si mangitou, wuṛṛu riagaite i mangitou saran mal᷊annu-l᷊annu.

DARALO 30:1

Daralon Daud. Aantari ipassa'e Wal᷊en Duata.

SASABANGNGA 10:3

Ana see i Musa wuṛṛu i Harun inaite sinumaruanna ratu wuṛṛu nabbisara si tou, “Mawu, Ruatan balahannu Ibrani, nabbisara, ‘Sara tingngera i'o tawe massuṛṛubawa si Ya'u? Wala'awe al᷊aṛṛana'U inai, tadea'u i mangitou wotongnge mattaṛṛamawu si Ya'u.

AMSAL 29:23

Taumata matanggakka sarun iapawawo; taumata naungnge masaṛṛionto'a sarun raloanna.

YEHEZKIEL 21:26

I Ya'u, Mawu Apan Atanggaṛṛanne buatte nabbisara. Luatte mahkotanu wuṛṛu wu'ate paporongngu. Orassa indi, tempo nawal᷊ute saṛṛene. Ola'e paapia taumata asiangnga wuṛṛu i mangitou onggol᷊eten taṛṛino! Lintuṛṛa'e manga tembonanne wuassu aiananne!

MATIUS 23:12

Taumata apan mannanggakku watanganne sarun iapaawawo, wuṛṛu taumata apan sussallungngu watanganne sarun itanggakka.”

LUKAS 1:52

Manga ratu nilintukka wuassu araratuanne wuṛṛu taumata adio'anne tinanggakka.

LUKAS 14:11

Ana waugu suapan taumata apan mannaggakku watanganne sarun iapaawawo, arawe isai mammawon batanganne sarun iapaatanggakka.”

LUKAS 18:14

“Pangimante,” unnu Mawu Yesus, “su tempo napul᷊ete su wal᷊e, ete madarorongnga wose udde tinarimmattu Ruata, wal᷊ine taumatan Farisi udde. Ana waugu taumata apan mannanggakku watanganne sarun iapaawawo, wuṛṛu taumata apan sussallungu watanganne sarun iapaatanggakka.”

1 PETRUS 5:6

Ana waugu udde panantillen watangannu su al᷊ungngu liman Duata apan matohassa, tadea'u i Tou mapaatanggaki yamiu napawe nia'omante tempone.

1 SAMUEL 2:7

Pia taumata apan niolang-Nge asiangnga, piaddu lai apan niolang-Nge ala. Pia taumata apan niapaawawo-Ne, piaddu lai niapaatanggakku Mawu.

1 SAMUEL 2:9

Taumata matuṛṛutta sidutu matammudda sulal᷊ummu sasirungngu Mawu. Arawe al᷊al᷊eo natete naṛṛimunsa'a sulal᷊ummu ararandumma wuṛṛu wasa tu'udda. Atatohassa sassane tawe iawansaga atatohassu taumata tawe maapangonggolu auntunganna.